TIRANË- Babai i Luis Meçes, i mituri që mbeti i plagosur pas sherrit te shkolla “Fan Noli”, tha se janë përfshirë dhe disa persona të tjerë. Ai tha për emisionin "Review" se djalin e tij dhe Martin Canin, 14-vjeçari që humbi jetën tragjikisht, u godit me thikë nga Kledjon Begaj, shok me autorin e dyshuar, Mario Prelleshin.
“Po ta them me emër që personi i parë që e ka goditur Luisin me thikë pas shpine është Kledjon Begaj, bashkëmoshatar dhe shok i autorit tjetër. Ky Kledjoni e ka pasur thikën më të vogël dhe këto dëshmi i dhashë sot te Drejtoria e Policisë. Kledjoni e ka goditur i pari në shpatull djalin tim, është më shkurtër si plagë dhe më e ngushtë, herën e dytë e ka goditur ky djali që është kapur Mario, dy herë dhe në fund pastaj e kanë goditur të dy se djali ka ikur i fundit pasi ka parë Martinin të rrëzuar në tokë,”- tha babai i Luisit.
-
-
-
-
-
I arrestuari për vrasjen e Martin Canit ‘humb kujtesën’
22 Nëntor, 15:54 -
-
-
-
-
-
Të hënën, adoleshentët Martin Cani dhe Mario Prelleshi ishin konfliktuar gjatë pushimit të gjatë, por ishin ndarë nga roja i shkollës dhe mësuesit. Disa orë më pas, rreth orës 13.00, kur edhe kishin përfunduar mësimin, u ritakuan në oborr ku edhe u përleshën me thika. Autori vrau 14-vjeçarin dhe plagosi shokun e ngushtë të viktimës, Luis Meçen. Gjatë marrjes në pyetje për shkakun e sherrit, autori është shprehur se përplasja kishte nisur për një "pse më shikon?", por në asnjë moment nuk ka shprehur pendesë.
/ZËRI
