karburanti
TIRANË- Një shpërthim i fortë ndodhi mesditën e sotme në një pikë karburanti “AN OIL” në Sarandë, ku si pasojë dy punonjës mbetën të lënduar. Blutë raportojnë se shpërthimi dyshohet se ka ndodhur gjatë pastrimit të depozitave të gazit. Dy punonjësit e karburantit Fatmir Pema, 40 vjeç dhe Florian Bica 27 vjeç u transportuan menjë herë në spital për ndihmë mjekësore. Për shkak të gjendjes së rënduar Fatmir Pema, 40 vjeç është transportuar me helikopter drejt Tiranës për të marrë trajtim të specializuar mjekësor. Rasti vjen 20 ditë pas shpërthimit në karburantin “Eida”, në zonën e Brrylit në Tiranë mëngjesin e 9 shtatorit, ku tre punonjës mbetën të lënduar. Dy ngjarjet brenda një muaji ngrejnë alarmin për sigurinë e karburanteve.
/ZËRI
Poll
