-
-
Parashqevi Simaku, ikona që rizgjoi sot mijëra shqiptarë
16 Dhjetor, 19:22
SHBA- Këngëtarja shqiptare Parashqevi Simaku ka dalë nga spitali në New York, ku po kurohej prej më shumë se një muaji për shkak të gjendjes së saj të rënduar psikologjike. Lajmi u bë i ditur nga sipërmarrësi Elton Ilirjani, i cili përmes një postimi në rrjetet sociale, ndau edhe disa foto të këngëtares. Ajo duket në formë të mirë dhe më e qetë.
“Surprizë, ia dolëm”, shkruan Ilirjani në postimin e tij.
Disa ditë më parë, Ilirjani theksoi se me daljen nga spitali nuk do të thotë se ka kaluar problemi. Ai kërkoi ndihmë për përkujdesjen që i duhet Simakut pas kurimit në spitalin psikiatrik.
“Rrugëtimi i saj do të rinisë, do shkoj t’ia jap lajmin e mirë që ajo mezi po e pret. Do t’i çoj dhe byrek me spinaq, që ajo e ka shumë qejf. Kjo s’do të thotë se çdo gjë ka kaluar. Unë e di që kur ajo të dalë, do të vazhdojë me dëshirat e saj, me mënyrën si e shikon të gjithë këtë gjendje, por ne do të jemi aty për ta ndihmuar. Ky ka qenë një muaj me shumë dhimbje, me shpresë, me frikë, por po ia dalim. I bëj thirrje të gjitha grave shqiptare, ato që kanë kohë të lirë, që të mund të na ndihmojnë gjatë akomodimit të Simakut në shtëpinë e saj të re. Apo për të qëndruar me të gjatë ditës dhe natës, për t’i qëndruar pranë. Do doja ta bëja unë këtë punë 24/7, por kushtet e mia nuk ma lejojnë. Nuk kam fjalë nga gjithë kjo eksperiencë, ka qenë shumë e bukur dhe shumë lodhëse. Dalja nga spitali nuk do të thotë që ka kaluar problemi, do të thotë që puna fillon këtu”, shprehet biznesmeni.
-
Pamjet që po trishtojnë rrjetin, shfaqet Parashqevi Simaku?
13 Dhjetor, 12:05 -
Parashqevi Simaku ishte zhdukur prej vitesh. Figura e këngëtares së njohur u rikthye sërish në vëmendjen e publikut pasi një video e transmetuar nga televizioni amerikan "Abc 7", ku Parashqevi Simaku shihej teksa merrte ndihma si e pastrehë. Më vonë, ajo u takua me biznesmenin Elton Ilirjani, i cili hapi dhe një GoFundMe për ta rikthyer këngëtaren shqiptar në skenën e muzikës./ZËRI
