Video

Ortakut të burrit të Olta Xhaçkës te ‘UNIPHARMA’ iu sekuestruan 10 mln € pasuri

“UniPharma” dyshohet se ka futur në Shqipëri tri herë më shumë ilaçe dhe materiale mjekësore sesa ka deklaruar në doganë.

zh.ll
Ortakut të burrit të Olta Xhaçkës te
Artan Gaçi, Ilir Shehu dhe Olta Xhaçka

TIRANË-Prokuroria e Tiranës sekuestroi sot 29 pasuri me vlerë mbi 10 milionë euro të Ilir Shehut alias Pasholli, i dënuar për trafik droge në Itali dhe i zbuluar nga autoritetet italiane si pjesë e një skeme të sofistikuar kontrabande me ilaçe mes Italisë dhe Shqipërisë. Mes pasurive të sekuestruara janë edhe kompanitë “Medicamenta”, “Mega Store”, “Italialbania Pharma” dhe “Unipharma”. Kjo e fundit krijon edhe lidhjen me Artan Gaçin, ndërtues, ish-deputet i Partisë Socialiste dhe bashkëshort i ish-ministres dhe deputetes aktuale të PS-së, Olta Xhaçka. Në 'Unipharma', Ilir Shehu dhe Artan Gaçi janë ortakë me nga 50 për qind të kapitalit në kompaninë me seli në Kashar. Shoqëria u krijua më 9 tetor 2017. “UniPharma” dyshohet se ka futur në Shqipëri tri herë më shumë ilaçe dhe materiale mjekësore sesa ka deklaruar në doganë. Nga hetimet rezultoi se ortaku i Artan Gaçit, Ilir Shehu kryente blerje të ilaçeve në Itali me faturë zyrtare, ku regjistronte mbi 10 artikuj të ndryshëm farmaceutikë, ndërsa në doganën shqiptari ndodhte manipulimi pasi shkurtohej lista e artikujve dhe pjesa tjetër futej në treg pa dokumentacion të rregullt. Në aktivitetin me ilaçet Shehu rezulton i bashkuar edhe me Artan Gaçin, nëpërmjet kompanisë “Unipharma”, e cila sot është nën sekustro nga prokuroria e Tiranës, por për bashkëshortin e deputetes Olta Xhaçka, ende nuk ka një njoftim zyrtar nëse ka qenë i implikuar në skemën e kontrabandës së ilaçeve.

/ZËRI

MOS HUMB