GJERMANI- Kryeministri Edi Rama do të udhëtojë sot drejt Berlinit. Me ftesë të Kancelarit Federal të Gjermanisë, Friedrich Merz, kreu i qeverisë shqiptare do të marrë pjesë në takimin e nivelit të lartë të “Koalicionit të Vullnetmirëve”, që do të zhvillohet në Kancelarinë Federale Gjermane.
"Me ftesë të Kancelarit Federal të Gjermanisë, Friedrich Merz, Kryeministri i Shqipërisë, Edi Rama, merr pjesë sot në takimin e nivelit të lartë të “Koalicionit të Vullnetmirëve” (Coalition of the Willing), që zhvillohet në Berlin.
Takimi do të mbahet në Kancelarinë Federale Gjermane dhe pjesëmarrja e Kryeministrit Rama në këtë tryezë të rëndësishme riafirmon rolin aktiv të Shqipërisë si partnere e besueshme në çështjet e sigurisë, paqes dhe stabilitetit evropian, si dhe angazhimin e saj të palëkundur në krah të aleatëve strategjikë", njofton Agjencia për Media dhe Informim./ZËRI