TIRANË- Drejtoresha e Agjencisë Kombëtare të Shoqërisë së Informacionit, Mirlinda Karçanaj po merret në pyetje nga SPAK. Burime për ZËRI bëjnë me dije se Karçanaj është marrë në pyetje sot lidhur me tenderat e mirëmbajtjes së serverave të Autoritetit Rrugor Shqiptar. Hetimet po kryhen edhe mbi kreun e ARRSH-së, Evis Berberi, i cili u arrestua pak ditë më parë me urdhër të Gjykatës së Posaçme kundër Korrupsionit dhe Krimit të Organizuar pasi akuzohet se ka përvetësuar 2.3 mln euro, duke i dhënë tendera kompanisë ku ishte drejtor "de facto", ndërsa në pranag përfunduan edhe bashkëpunëtorët e tij, Valter Begaj dhe Ervis Lami.
Por kjo nuk është hera e parë që Mirilda Karçanaj paraqitet në SPAK. Në janar, drejoresha e Agjencisë Kombëtare të Shoqërisë së Informacionit u pyet në lidhje me një hetim të ngritur ndaj zyrtarëve të AKSHI-t. Hetimet kanë nisur nga SPAK lidhur me një tender me vlerën e 1.7 milionë eurove është dhënë në mënyrë abuzive nga ky institucion i është dhënë kompanisë "SPOT COMUNICATION", për shpenzimin e reklamimit në e-Albania. Por ky nuk është problemi i vetëm për Karçanajn.
-
AKSHI në "kolaps", bllokohen çeljet e trashëgimive
15 Mars, 17:55 -
-
-
-
-
-
ZËRI ka zbuluar se AKSHI, i cili prej vitesh ka pasur bashkëpunim me Dhomën Kombëtare të Noterisë, nuk e kryente më funksionin. Prej disa javësh, noterë dhe qytetarë kontaktuan me ZËRI-n për të shprehur ankesat e tyre në lidhje me shërbimet që i kishin të bllokuara. Përveç Kadastrës, edhe Fondi i Sigurimit të Detyrueshëm të Kujdesit Shëndetësor, ka bërë me faj AKSHI-n, për mosfunksioniimin e portalit "e-receta", që është përgjegjës për lëshimin e recetave për ilaçet me rimbursim është jashtë funksionit.
I katërti "çalim" i AKSHI-t ka lidhje me implementimin e Inteligjencës Artificiale. Në fundin e vitit 2023, AKSHI hapi tenderin për futjen e AI në sistemet dixhitale duke nisur me integrimin e vendit në BE. Por tenderua u anulua dhe Agjencia ende, edhe pse kanë kaluar 4 muaj nuk ka mundur ende të vendosë në shina punën për të kapur afatin e caktuar nga kryeministri Edi Rama, që është fundi i vitit 2024./ZËRI
