TIRANË – Prokuroria e Tiranës ka kërkuar masën e arrestit me burg për Jetnor Zhabolin, deri në publikimin e një ekspertize mjeko-ligjore, për të përcaktuar gjendjen mendore të 35-vjeçarit. Zhaboli u arrestua, pasi mbante të mbyllur familjarët e tij.
Kërkesa është bërë zyrtare nga Prokuroria, ndërsa gjykata do të vendosë për të riun të hënën në orën 09:30 minuta. 35-vjeçari iu ndalonte komunikimin me persona të tjerë, nënës, bashkëshortes, fëmijëve, si dhe dyshohet se ushtronte dhunë fizike e psikologjike mbi ta.
Policia tha se i riu ka vendosur kamera kudo në banesë dhe përgjonte gjatë gjithë kohës. Duke pasur parasysh ngjarjen, hetuesit thonë se nuk përjashtojnë pistën se Zhaboli mund të vuajë nga problemet e shëndetit mendor.
-
-
Jetnor Zhaboli burgosi familjen në shtëpi, i ruante me kamera
26 Janar, 11:38 -
-
-
-
-
-
-
-
-
Ekspertë të fushës pritet që të kryejnë ekspertizën e gjendjes mendore të tij, për të zbardhur nëse veprimet e tij kanë ardhur nga ngarkesat emocionale ose psikologjike. Rasti i rëndë u zbulua pak ditë më parë, teksa Jetnor Zhaboli mbante të izoluar familjarët e tij, duke i përgjuar me kamera. Bashkëshortja e 35-vjeçarit kishte tentuar të vrasë veten./ZËRI/
