TIRANË- Princ Leka është sulmuar fizikisht dhe dhunuar nga ish-bashkëshortja Elia Zaharia dhe babai i saj, Gjergj Zaharia. Ngjarja mësohet të ketë ndodhur pasditen e djeshme, më 5 mars, kur Leka ka shkuar të takojë vajzën e tij, Geraldina, e cila jetin në Oborrin Mbretëror me të ëmën, pas ndarjes së çiftit. Por, mes Princ Lekës, Elias dhe babait të saj, Gjegj Zaharia, ka nisur një përplasje fizike. Dëshmitare ka qenë dhe vajza 3-vjeçare. Princ Leka ka pësuar dëme fizike dhe është dërguar në Qendrën Spitalore Universitare Nënë Tereza për të marrë ndihmë mjekësore. Më pas, është paraqitur në komisariat ku ka bërë denoncim dhe ka kërkuar urdhër mbrojtje. Princ Leka dhe Elia i kanë dhënë fund martesës së tyre dhe së fundmi ai kishte nisur një lidhje me fotografen Blerta Celibashi.
