TIRANË- Afrim Qendro është larguar nga detyra e Kryeinspektorit të Inspektoratit Kombëtar të Mbrojtjes së Territorit (IKMT).
Sipas informacioneve Qendro është shkarkuar nga drejtimi i këtij institucioni. Deri më tani nuk ka një njoftim zyrtar lidhur me arsyet e largimit të tij dhe as një emër të konfirmuar për personin që do ta zëvendësojë.
Qendro ishte emëruar në krye të IKMT-së në shkurt të vitit 2026, duke zëvendësuar në këtë post Dallëndyshe Bicin. Para këtij emërimi, ai mbante detyrën e Prefektit të Qarkut Tiranë nga e cila u largua për të marrë drejtimin e institucionit përgjegjës për kontrollin dhe mbrojtjen e territorit.
Gjatë karrierës së tij në administratën publike Afrim Qendro ka drejtuar edhe Autoritetin Rrugor Shqiptar (ARRSH), ndërsa ka mbajtur gjithashtu postin e Prefektit të Tiranës
Largimi i tij nga drejtimi i IKMT-së vjen pa një shpjegim publik për arsyet e këtij vendimi, ndërsa mbetet për t'u parë se kush do të jetë emri që do të marrë drejtimin e institucionit./ZËRI
