TIRANË- Edhe pse prej disa muajsh i kanë dhënë fund martesës së tyre, Xhensila Myrtezaj dhe Bes Kallaku vijojnë që të qëndrojnë në qendër të vëmendjes së mediave, me postimet apo thumbat që hedhin në drejtim të njëri-tjetrit.
Djali i ish-çiftit ka festuar dje 7 mujorin e lindjes, dhe në këtë ditë të veçantë këngëtarja ka surprizuar të voglin e saj me një tortë, mbi të cilën ka vendosur numrin shtatë.
Xhensila ka postuar në InstaStory një foto me dy fëmijët e saj, ndërsa krahas saj shkruan: “Gëzuar 7 mujorin drita e jetës sime!”
Megjithatë syrit të fansave nuk iu shpëtoi një detaj në foton që Xhensila postoi, dhe ishte mënyra se si këngëtarja thërret djalin e saj.
“Amen Kallaku” shkruan këngëtarja krahas fotos me dy fëmijët, duke treguar se ndonëse është ndarë nga babai i tyre, Bes Kallaku, ajo vazhdon që ti thërrasë të vegjlit e saj me mbiemrin e të atit.
Por nga ana tjetër, aktori nuk e ka uruar të birin për 7 mujorin e tij të lindjes.
Ish-çifti janë në proces divorci dhe ishte Bes Kallaku ai që konfirmoi ndarjen nga bashkëshortja, duke treguar se tashmë fëmijët qëndrojnë me të.
Fundi i marrëdhënies së tyre nuk ndodhi në mënyrë paqësore, dhe kjo vërehet qartë në thumbat e njëri-tjerit, ku ai i fundit ishte i Bes Kallakut me këngën “Mosmirnjohja”./ZËRI
