Aktualitet

'Më jep borxhin 6 mln lekës'-Kërcënoi me armë 31-vjeçarin, pranga 20-vjeçarit, e pëson dhe i ati i tj

Vetë 31-vjeçari ka bërë kallëzimin në polici dhe pas kontrolleve në banesën e autorit, u gjet dhe sekuestrua një armë zjarri tip “pistoletë” dhe një sasi kokaine. 

F.I
'Më jep borxhin 6 mln lekës'-Kërcënoi me armë
pamje nga arrestimi

TIRANË-Daniel Damzi, 20 vjeç është arrestuar në Tiranë, pasi dyshohet se ka kanosur me armë zjarri një 31-vjeçar për t’i marrë 600 mijë lekë, shumë të cilën pretendonte se ia kishte borxh. Vetë 31-vjeçari ka bërë kallëzimin në polici dhe pas kontrolleve në banesën e autorit, u gjet dhe sekuestrua një armë zjarri tip “pistoletë” dhe një sasi kokaine. 

Lidhur me rastin një hetim në gjendje të lirë ka nisur edhe për babain e Damzit, i cili akuzohet për kanosje. 45-vjeçari dyshohet se e ka kërcënuar me fjalë të riun që bëri kallëzimin në polici.

Njoftimi i policisë:

Finalizohet nga Komisariati Nr. 3, operacioni i koduar “Pretendimi”.

Kanosi me armë zjarri, një shtetas, për t’i marrë borxhin, arrestohet 20-vjeçari.
Procedohet penalisht, gjithashtu për kanosje, babai i tij.

Sekuestrohen pistoleta me të cilën dyshohet se u krye kanosja, municion luftarak dhe sasi Kokaine. 

Si rezultat i veprimeve të shpejta operacionale të kryera nga shërbimet e Komisariatit të Policisë Nr. 3, për administrimin e kallëzimit të një 31-vjeçari, se ishte kanosur me armë zjarri, për dhënien e një shume parash, u finalizua operacioni i koduar “Pretendimi”, gjatë të cilit u vu në pranga shtetasi D. D., 20 vjeç, banues në Tiranë.

20-vjeçari dyshohet se ka kanosur me armë zjarri, 31-vjeçarin, për t’i marrë 600 000 lekë që pretendon se ky i fundit ia ka borxh. Nga kontrolli në banesën e shtetasit të arrestuar, u gjetën armë zjarri (pistoletë) me municion dhe sasi lënde e dyshuar narkotike Kokainë.

Në vijim të veprimeve hetimore dhe procedurale për rastin, nisi procedimi në gjendje të lirë, për babanë e 20-vjeçarit, shtetasin Sh. D., 45 vjeç, pasi dyshohet se ka kanosur me fjalë, 31-vjeçarin, për të njëjtin motiv.

Në drejtimin e Prokurorisë, vijon hetimi për të sqaruar të gjitha rrethanat e këtij rasti.

Materialet procedurale iu referuan Prokurorisë, për veprime të metejshme.

MOS HUMB