VIDEOJA- E tërheqin zvarrë, momenti kur ngjitet në dhomën e hotelit 26-vjeçarja nga Vlora
TIRANË- Del videoja e momentit kur vajza 26-vjeçare nga Vlora, ngjitet nga personat që e përdhunuan në dhomën e hotelit. Siç duket qartë edhe nga pamjet e siguruara nga emisioni "Piranjat", e reja duket që kur ngjit shkallët, një prej djemve e mbajnë nga krahët, ndërsa as nuk mund të hedhë hapat si duhet. Po ashtu, në një moment të dytë të videos, vajza është e ulur në shkallë dhe më pas bie. Qartësisht ajo është në gjendje jo të mirë dhe e paaftë për të gjykuar apo për të dhënë miratim për marrëdhënie seksuale me dëshirë, ashtu siç pretendojnë autorët.
VIDEOJA:
Po ashtu sot, dëshmia e 26-vjeçares i jep njëherë e mirë fund diskutimeve se a pati abuzim seksual me të, mbrëmjen e të shtunës në bar-hotel-restorantin në Vlorë. Zëri.ai e investigoi që prej të hënës ngjarjen duke detyruar institucionet të bëjnë drejtësi. Sipas dinamikës që ka zbuluar, Kapaj është personi që i ka ofruar drogën grupit të djemve që më pas abuzuan seksualisht me të renë. Kjo e fundit për herë të parë foli sot duke konfirmuar se me të është abuzuar seksualisht.
Vajza 26-vjeçare tregoi se është kërcënuar nga familja e Albi Cenos, njërit prej djemve të arrestuar. Viktima tregoi se e ëma i ka kërkuar të ndryshojë dëshminë dhe të shfajësojë të birin, në të kundërt do të përballet me rrezikun që i kanoset nga shokët e tij që janë jashtë burgut. Por deri më tani për këtë çështje nuk ka asnjë procedim të ri penal./Zëri.ai
Përdhunimi i vajzës në Vlorë/ Gazetarja: 26-vjeçarja në spital pohonte vetëm me sy! Ja pse u kërcënova
TIRANË- Gazetarja Afrovita Hysaj ka rrëfyer detaje sa i përket ngjarjes së rëndë të përdhunimit të 26-vjeçares në Vlorë por dhe për kërcënimin e saj nga babai i njërit prej autorëve. Ajo deklaron se në fillim ka raportuar se nuk kanë qenë tre persona ashtu siç raportoi Policia në raportin paraprak por katër.
Në një lidhje me “Euronews Albania”, Hysaj tregon se ajo vetë nuk ka përmenduar as emrin dhe as inicialet e personit të katërt por pavarësisht kësaj është kërcënuar nga Albert Deliaj, i cili rezulton të jetë dhe pronar i një TV lokal në Vlorë, “61+ Vlora
Afrovita Hysaj: Dua të saktësoj se sipas asaj që unë kam shkruar dhe raportuar, është aluduar dhe i kam mëshuar faktit se kanë qenë katër persona dhe jo tre persona në ambientin e barit, por nuk kam dhënë asnjë detaj, indicie, inicialese kush është perosni i katërt. Mediat, portalet kanë përmendur një emër që është djali i administratorit të televizionit lokal të Vlorës. E theksoj nga unë si gazetare nuk është përmendur emri. Emri si personi i katërt i përfshirë në këtë ngjarje, i publikuar në këtë ngjarje duket se ka sjellë acarimin e babait të djalit të përmedur, i cili ka telefonuar dhe ka dërguar mesazhe kërcënuese. Janë kërcënuer dhe gazetarë të tjerë që të hiqnin dorë nga trajtimi i këtij lajmi, nuk flas vetëm për administratorin e televizionit lokal por dhe për persona të tjerë.
Sipas saj vajza ditën që është dërguar në spitalin e Vlorës ka qenë në gjendje shoku dhe shton dyshime se si ajo mund të ketë ndryshuar dëshminë, pasi nuk komunikonte dot.
Afrovita Hysaj: Ditën që vajzës i është marrë dëshmia, datën 23, unë e kam takuar personalisht dhe jam munduar të komunikoj me vajzën. Nuk fliste, nuk reagonte, tundte vetëm kokën dhe komunikonte vetëm me sy. Nuk e di si në atë gjendje i është marrë deklarata dhe kjo vajzë paska deklaruar se ka shkuar me dëshirë. Prandaj them se mbetet e dyshimtë si situatë.
Këtë të mërkurë Prokuroria e Vlorës kërkoi masën e sigurisë "arrest me burg" për 4 personat e akuzuar. Zëri.ai zbardhi në mënyrë të plotë historinë e përdhunimit të dyshuar të vajzës, që ka ndodhur mbrëmjen e të shtunës. Vajza dhe djemtë kanë qenë duke konsumuar darkën së bashku, ku dyshohet se kanë marrë dhe lëndë narkotike, dhe më pas 3 prej tyre dyshohet se kanë kryer marrëdhënie me dhunë me 26-vjeçaren.
Ndërkohë që lidhur me çështjen, "luftë" po bëhet edhe jashtë sallës së gjyqit. Drogimi dhe përdhunimi në grup i një 26-vjeçareje në Vlorë është kthyer në një përplasje virtuale mes një televizioni lokal, "6+1 Vlora" dhe gazetares Afrovita Hysaj.
Hysaj po përballet me një sulm në rrjetet sociale nga ‘TV 6+1VLORA’, pasi deklaroi se në drogimin e të resë, e cila ndodhet ende e shtruar në spital, kanë marrë pjesë jo tre, por katër persona. U aludua në fillim që një prej tyre, ishte djali i pronarit të '6+1 Vlora', Albert Deliaj, Klevisi. Kështu nisi dhe linçimi publik ndaj gazetares, e cila një natë më parë u kërcënua dhe me jetë./Zëri.ai
Përdhunimi i të resë, zbulohet EMRI/ Ja kush ishte "i katërti" në tavolinë
VLORË- "Zëri.ai" ka zbuluar emrin e personit të katërt që ndodhej në tavolinë, natën që u përdhunua 26-vjeçarja nga Vlora. Personi që gjithashtu ka qenë në tavolinë me Albi Cenon, Oltjan Tahirin, Gentian Mehmetin është Viljon Kapaj. Edhe ky i fundit, njëjtë si Mehmeti është shpallur në kërkim nga Policia e Shtetit dhe ende nuk është vendosur në pranga.
Ndërkohë që sot, dëshmia e 26-vjeçares i jep njëherë e mirë fund diskutimeve se a pati abuzim seksual me të, mbrëmjen e të shtunës në bar-hotel-restorantin në Vlorë. Zëri.ai e investigoi që prej të hënës ngjarjen duke detyruar institucionet të bëjnë drejtësi. Sipas dinamikës që ka zbuluar Kapaj është personi që i ka ofruar drogën grupit të djemve që më pas abuzuan seksualisht me të renë. Kjo e fundit për herë të parë foli sot duke konfirmuar se me të është abuzuar seksualisht.
Vajza 26-vjeçare tregoi se është kërcënuar nga familja e Albi Cenos, njërit prej djemve të arrestuar. Viktima tregoi se e ëma i ka kërkuar të ndryshojë dëshminë dhe të shfajësojë të birin, në të kundërt do të përballet me rrezikun që i kanoset nga shokët e tij që janë jashtë burgut. Por deri më tani për këtë çështje nuk ka asnjë procedim të ri penal./Zëri.ai
Përdhunimi i 26-vjeçare në Vlorë/ Balla: Do të ketë mbështetje të plotë
VLORË- Ministri i Brendshëm Taulant Balla ka vizituar këtë të mërkurë në spitalin e Vlorës, 26-vjeçaren e përdhunuar dy ditë më parë nga katër të rinj. Për mediat, Balla tha se Policia do i ofrojë mbrojtje të resë dhe ftoi qytetarët që të kenë besim tek drejtësia.
Taulant Balla: Nuk është e vërtetë që policia ka vepruar me vonesë. Emrat e fajtorëve i cakton prokuroria, lëreni të bëjë punën e vet. Të bëhemi të gjitha bashkë sepse vajza mund të ishte motra e secilit prej nesh. Dhuna me bazë seksuale dhe gjinore nuk është e re, por është krijuar kulturë pandëshkueshmëri, ju garantoj se do të marrë fund. Jam këtu për të mbështetur këtë vajzë, që ka rënë pre e kësaj dhune. Vajzë nga një zonë rurale që ka ardhur në Vlorë për të punuar dhe mbështetur familjen e vet. Kam ardhur t’i ofroj mbështetje kësaj vajze dhe familjes së saj. Kini besim tek drejtësia. Prokuroria e Vlorës po e heton këtë çështje,
Si është gjendja e vajzës?
"Unë dua të gjej të drejtën se kush është. Nuk jemi as në qiell, as në tokë. Duam vetëm të vërtetën. Te spitali kishte shkruar nëna e një djali dhe kishte folur me vajzën. Kështu më tha. Vajzën e çuan sërish në spital. Po të gjitha po ja bëjnë."
Dëshmia e 26-vjeçares i jep njëherë e mirë fund diskutimeve se a pati abuzim seksual me të, mbrëmjen e të shtunës në bar-hotel-restorantin në Vlorë. Zëri.ai e investigoi që prej të hënës ngjarjen duke detyruar institucionet të bëjnë drejtësi. Albi Ceno dhe Oltjano Tahiri janë pas hekurave, ndërsa në kërkim është Gentjano Mehmeti. Një person i katërt V.K., akuzohet se është përfshirë në ngjarje duke ofruar drogën për grupin. Tre të rinjtë e droguan të renë dhe më pas abuzuan seksualisht me të./Zëri.ai
E bija u përdhunua, flet e ëma: Drogën ia hodhën në pije, shteti të veprojë!
VLORË- Nëna e 26-vjeçares që ra pre e përdhunimit në grup në Vlorë ka treguar detaje të reja lidhur me ngjarjen e ndodhur disa ditë më parë. Në një intervistë për emisionin “Me zemër të hapur”, nëna e 26-vjeçares tregoi në një bisedë telefonike se vajza e saj kishte qenë në një lokal në Vlorë me një shokë, ku kishte pirë disa pije. Pikërisht në pije mendohet se i ishte hedhur lënda narkotike. Pasi sipas saj, pas pijes, vajza nuk mbante më mend asgjë.
"Vajza ka ardhur në shtëpi dje që doli nga spitali. Me telefonin tim foli me ju vajza. Ajo tregon se vajti në lokal me një shok për të pirë. Ishte në banjo, i kishte hedhur drogën në gotë, i kishte thënë edhe këtë gotë do ta pish. Në spital nuk e di kush e ka dërguar. Nuk e di të të them. Ne duam të gjejmë të vërtetën. Tani shteti të veprojë. Kërcënime nuk kemi pasur. Tek spitali kishte shkuar e ëma e një djali tek vajza. Më tha vajza që kishte shkuar,"-tha e ëma e 26-vjeçares.
PJESË nga INTERVISTA:
Kush e ka çuar vajzën?
-Nuk e di se kush. A policia apo….
Si është gjendja e vajzës?
-Unë dua të gjej të drejtën se kush është. Nuk jemi as në qiell, as në tokë. Duam vetëm të vërtetën. Te spitali kishte shkruar nëna e një djali dhe kishte folur me vajzën. Kështu më tha. Vajzën e çuan sërish në spital. Po të gjitha po ja bëjnë.
Dëshmia e 26-vjeçares i jep njëherë e mirë fund diskutimeve se a pati abuzim seksual me të, mbrëmjen e të shtunës në bar-hotel-restorantin në Vlorë. Zëri.ai e investigoi që prej të hënës ngjarjen duke detyruar institucionet të bëjnë drejtësi. Albi Ceno dhe Oltjano Tahiri janë pas hekurave, ndërsa në kërkim është Gentjano Mehmeti. Një person i katërt V.K., akuzohet se është përfshirë në ngjarje duke ofruar drogën për grupin. Tre të rinjtë e droguan të renë dhe më pas abuzuan seksualisht me të./Zëri.ai
Vajza e përdhunuar në Vlorë "thyen" heshtjen: Nuk kam ndryshuar dëshminë, më droguan me detyrim
TIRANE- Dëshmia e vajzës 26-vjeçare në Vlorë thellon më tej skandalin me historinë e zbardhur nga "Zëri.ai". Siç edhe kemi raportuar prej 3 ditësh, vajza është droguar dhe më pas përdhunuar nga 3 persona. Vetë viktima ka vendosur të thyejë heshtjen dhe të flasë në emisionin "Me Zemër të Hapur". E reja ka treguar se familjarët e Oltjan Tahirit e kanë kërcënuar të tërheq dëshminë.
"Nesër do të shkoj përsëri në Poloici. Dëshmia është dhënë dy herë dhe është e njëjta dëshmi, që atyre personave nuk ju falet. Më ka ardhur mamaja e njërit nga ata dhe shoku i njërit prej tyre. Më kanë kërkuar të ndryshoj dëshminë dhe më kanë kërcënuar, të tërheq dëshminë dhe denonciminë. Nuk kam qenë në gjendje të kthej përgjigje. Ishin dy persona. Unë e dija të ndarë jo të martuar, si çdo person e kupton.
Alkooli dhe lëndët narkotike janë pirë te lokali Barak. më pas nuk mbaj më mend se çfarë kanë hedhur në pije. Drogën ma dhanë me detyrim. Ka qenë ora 9:30 e darkës. Kanë qenë O... A...dhe G... Mbaj mend që ata ishin te lokali. Kur më doli narkoza, doktorët më thanë që je abuzuar, nuk mbaj mend gjë tjetër. "-tha vajza.
Edhe mamaja e vajzës ka deklaruar se vajza e saj prej të shtunës gjendet në gjendje të vështirë qoftë shëndetësorel, qoftë emocionale, ndërkohë që gjatë ditës së sotme, pritet që të merret sërish në pyetje nga ana e policisë së Vlorës. Po ashtu pritet që të dalë dhe ekspertiza mjekësore që i është bërë të resë. Gjatë ditës së sotme dolën në Gjykatë Albi Ceno dhe Oltjan Tahiri, të cilët u lanë në masën e sigurisë arrest me burg. E njëjta masë u dha në mungesë dhe për Gentian Mehmetin dhe 36-vjeçarin V.K.
/Zëri.ai
"Ai ka shokë, ndrysho dëshminë ose jetën tënde", vajza e përdhunuar rrëfen presionet e familjes së njërit prej autorëve
VLORE- Thellohet skandali me përdhunimin e 26-vjeçares në Vlorë. Vajza e përdhunuar ka folur sot në emisionin "Me Zemër të Hapur", ku ka konfirmuar se me të është abuzuar seksualisht. Vajza 26-vjeçare tregoi se është kërcënuar nga familja e Albi Cenos, njërit prej djemve të arrestuar. Viktima tregoi se e ëma i ka kërkuar të ndryshojë dëshminë dhe të shfajësojë të birin, në të kundërt do të përballet me rrezikun që i kanoset nga shokët e tij që janë jashtë burgut.
"Mamaja e Albi Cenos më erdhi në spital dhe më tha që djali im do të dalë nga burgu, se ai ka shoqëri, ose duhet të tërheqësh dëshminë, ose do e paguash me jetën tënde. Më tha që kisha bërë një krim të rëndë, se ai kishte një fëmijë 7-muajsh në shtëpi. Denoncimi nuk është tërhequr, vetëm nëse e kanë ndryshuar pa dijeninë time."-tregon vajza.
Dëshmia e 26-vjeçares i jep njëherë e mirë fund diskutimeve se a pati abuzim seksual me të, mbrëmjen e të shtunës në bar-hotel-restorantin në Vlorë. Zëri.ai e investigoi që prej të hënës ngjarjen duke detyruar institucionet të bëjnë drejtësi. Albi Ceno dhe Oltjano Tahiri janë pas hekurave, ndërsa në kërkim është Gentjano Mehmeti. Një person i katërt V.K., akuzohet se është përfshirë në ngjarje duke ofruar drogën për grupin. Tre të rinjtë e droguan të renë dhe më pas abuzuan seksualisht me të./Zëri.ai
Sulmi ndaj gazetares, reagon kryetarja e AMA-s
TIRANË- Armela Krasniqi, kryetarja e Autoritetit të Mediave Audiovizive ka dënuar sulmin ndaj gazetares Afrovita Hysajt nga media televizive "6+1 Vlora". Në një reagim të shkurtër, Krasniqi tha se e konsideron të papranueshme gjuhën e përdorur ndaj gazetares. Ndërsa shton se për dënimin e rasteve të tilla ka një vakum ligjor, megjithatë nuk ka dhënë asnjë detaj tjetër për ndonjë ndëshkim që mund të marrë nga AMA televizioni që sulmoi gazetaren.
"Ky rast - për fat të keq, jo i vetmi - nxjerr edhe një herë në pah boshllëkun ligjor që ekziston për trajtimin e fenomeneve të tilla. Inkurajoj dhe shpreh përkrahjen time për shoqatat e gazetarëve, grupet e interesit dhe çdo individ, në iniciativat ligjore për hartimin e rregulloreve të funksionimit të medias online, por edhe të përmirësimit akoma më tej të kuadrit ligjor ekzistues. Uroj dhe shpreh besimin, që raste të tilla të mos përsëriten dhe çdo profesionist i medias të reflektojë mbi fenomene të tilla,"-shkruhet ndër të tjera në reagimin e AMA-s.
Reagimi i AMA:
Konsideroj të papranueshme gjuhën e përdorur nga portali 6plus1vlora.al, ndaj gazetares Afrovita Hysaj. Dënoj me forcë çdo lloj komunikimi si ky, në të cilin një grua, një gazetare profesioniste, sulmohet duke përdorur fjalor denigrues, gjuhë seksiste, diskriminuese dhe banale. Për pikënisjen që solli këtë devijim komunikimi, sigurisht që do të vendosin organet kompetente. Çfarë unë mund të them me bindje është, se ky është një rast flagrant i lincimit të një gazetareje, i dënueshëm, që shkel mbi dinjitetin e njeriut, lirinë e fjalës dhe çdo kod etike profesionale.
Ky rast - për fat të keq, jo i vetmi - nxjerr edhe një herë në pah boshllëkun ligjor që ekziston për trajtimin e fenomeneve të tilla. Inkurajoj dhe shpreh përkrahjen time për shoqatat e gazetarëve, grupet e interesit dhe çdo individ, në iniciativat ligjore për hartimin e rregulloreve të funksionimit të medias online, por edhe të përmirësimit akoma më tej të kuadrit ligjor ekzistues. Uroj dhe shpreh besimin, që raste të tilla të mos përsëriten dhe çdo profesionist i medias të reflektojë mbi fenomene të tilla.
Me kokën ulur, burg për të rinjtë që dyshohen për përdhunim
VLORË- Gjykata e Vlorës ka dhënë masën e sigurisë "arrest me burg" për dy prej personave të dyshuar që kanë nxitur për të konsumuar kokainë, dhe më pas kanë abuzuar seksualisht me një 26-vjeçare.
Dy personat e arrestuar Albi Ceno dhe Oltjon Tahiri do të qëndrojnë nën masën e arrestit me burg, ndërkohë që u shfaqën para gjykatës me kokën ulur, në mënyrë që të mos filmoheshin nga kamerat. E njëjta masë u dha në mungesë dhe për dy personat e tjerë të dyshuar për ngjarjen, të cilët janë shpallur në kërkim, Gentjano Mehmeti si dhe një shtetas me iniciale V.K.
Prokuroria e Vlorës kërkoi masën e sigurisë "arrest me burg" për 4 personat e akuzuar. Zëri.ai zbardhi në mënyrë të plotë historinë e përdhunimit të dyshuar të vajzës, që ka ndodhur mbrëmjen e të shtunës. Vajza dhe djemtë kanë qenë duke konsumuar darkën së bashku, ku dyshohet se kanë marrë dhe lëndë narkotike, dhe më pas 3 prej tyre dyshohet se kanë kryer marrëdhënie me dhunë me 26-vjeçaren.
Ndërkohë që lidhur me çështjen, "luftë" po bëhet edhe jashtë sallës së gjyqit. Drogimi dhe përdhunimi në grup i një 26-vjeçareje në Vlorë është kthyer në një përplasje virtuale mes një televizioni lokal, "6+1 Vlora" dhe gazetares Afrovita Hysaj.
Hysaj po përballet me një sulm në rrjetet sociale nga ‘TV 6+1VLORA’, pasi deklaroi se në drogimin e të resë, e cila ndodhet ende e shtruar në spital, kanë marrë pjesë jo tre, por katër persona. U aludua në fillim që një prej tyre, ishte djali i pronarit të '6+1 Vlora', Albert Deliaj, Klevisi. Kështu nisi dhe linçimi publik ndaj gazetares./Zëri.ai
“Meshkujt, meshkuj janë”, shokon avokatja: Përdhunimet ndodhin se vajzat e teprojnë me pijen
TIRANË- “Meshkujt, meshkuj janë”, kjo deklaratë shokuese është bërë në studio e emisionit të pasdites në "Vizion Plus", nga avokatja Vjollca Pustina, ku tema e diskutimit ishte rritja e rasteve të përdhunimeve në Shqipëri.
Avokatja në fjalë justifikoi abuzimet seksuale duke bërë fajtore vajzat dhe gratë, që sipas saj ka raste që tejkalojnë me pijet, veçanërisht në fundjavë.
“Përdhunimet ndodhin rëndom ditë të premte dhe të shtunë, se vajzat e tejkalojnë pak me pijen. Kam rastisur katër herë ditëve të shtuna në urgjencën e spitalit dhe vinin vajza të reja të shpërfytyruara. Të shoqëruara që i sillnin faktikisht 3-4 djem.
Edhe vajzat duhet të jenë më të kontrolluara kur futen nëpër lokale apo shkojnë në disko nate. Se edhe meshkujt meshkuj janë,”-shtoi ajo ndër të tjera.
@bllokutv Avoktaja Vjollca Pustina ka shokuar me deklaratën e saj në një emision televiziv ku po flitej për rastet e shumta të përdhunimit që kanë ndodhu në ditët e fundit. Ajo tha se ndodhin më shumë për shkak se të rinjtë e teprojnë me alkoolin, por edhe vajzat duhet të tregohen më të kujdeshme se meshkujt- meshkuj janë. “Përdhunimet ndodhin rëndom të premteve dhe të shtunave për shkak se vajzat e teprojnë pak me pijen. Kam rastisur që brenda një nate vijnë në emergjencë vajza të shpërfytyara të shoqëruar nga 3-4 djem. Edhe vajzat duhet të jenë më të kontrolluara kur shkojnë nëpër diskoteka se meshkujt meshkuj janë”, u shpreh Pustina . . . #fypシ #viral #bllokutv ♬ Very Sad - Enchan
Deklarata e saj vjen në një kohë kur opinioni publik në Shqipëri është tronditur nga një rast përdhunimi në qytetin e Vlorës, ku një 26-vjeçare është nxitur që të konsumojë lëndë narkotike nga katër djem, dhe më pas 3 prej tyre dyshohet se e kanë detyruar që të kryejë marrëdhënie seksuale me dhunë. Vajza u dërgua në spital në gjendje shoku, ndërkohë që ngjarja u tentua që të fshihej nga familjarët e djemve të përfshirë, të cilët madje prodhuan edhe një skandal të ri, atë të lincimit dhe kërcënimit të gazetares Afrovita Hysaj.
E pikërisht për një temë të nxehtë siç është ajo e rritjes së përdhunimeve, një avokate del e thotë lirisht se ‘meshkujt janë meshkuj’ dhe fajin e kanë vajzat që e teprojnë me pijen!/ Zëri.ai
