UASHINGTON- Disa përdorues të WhatsApp duke përfshirë gazetarë dhe qytetarë të shumtë janë hakëruar nga një program spiunimi izraelit të prodhuar nga Paragon Solutions. Lajmi u bë i ditur nga një zyrtar, që foli në kushte anonime, i aplikacionit që është nën kompaninë mëmë “META’.
Pas zbulimit të shkeljes së sigurisë, përfaqësuesit e WhatsApp i dërguan Paragon një paralajmërim ligjor dhe i kërkuan që të ndalojë aktivitetet e tij. Në një deklaratë, WhatsApp tha se kompania "do të vazhdojë të mbrojë aftësinë e njerëzve për të komunikuar privatisht". Paragon nuk pranoi të jepte komente.
Zyrtari tha për Reuters se ai kishte zbuluar një përpjekje hakerimi që synonte rreth 90 përdorues të aplikacionit. Ai nuk pranoi të komentojë mbi identitetin e përdoruesve që ishin në shënjestër nga hakimi ose vendndodhjet e tyre gjeografike. Ai tha se mes personave të goditur kishte edhe anëtarë të shoqërisë civile dhe mediave. Ai shtoi se pasi u zbulua shkelja, ËhatsApp e ndaloi atë. Ai gjithashtu nuk tha se si kompania përcaktoi se Paragon qëndronte pas aksionit. Por, menjëherë pasi u zbulua shkelja u njoftuan "partnerët e industrisë", por nuk dha më shumë detaje./ZËRI
