TIRANË- Zbërthimi i bisedave në "SKY ECC" ka zbuluar skenën se si bashkëpunonin shefi i Krimeve të komisariati Nr. 6 Dedan Gjoni me Besmir Mustafi dhe Bujar Gërmizi për të vrarë 2 vëllezërit që jetonin në Britaninë e Madhe.
Ndërkohë Jonida Babameto, oficere e Drejtorisë së Kufirit dhe Emigracionit, ndodhet në 'arrest shtëpie' në kuadër të operacionit të SPAK, mësohet se gjatë kohës që punonte në Interpol u ka dhënë informacion nga sistemi për 2 vëllezërit që jetonin në Britani. Dyshohet se plani për vrasjen e 2 vëllezërve ishte bërë pas konflikteve për trafikun e lëndëve narkotike.
Dedan Gjoni, Besmir Mustafi dhe Bujar Gërmizi janë 3 prej të arrestuarëve nga operacioni i SPAK. Gjoni akuzohet për sigurimin e kushteve për të kryer vrasje. Bujar Gërmizi (Ajeti) dhe Besmir Mustafi akuzohen për sigurim të kushteve për të kryer vrasje, por edhe pjesë e grupit që trafikonte kokainë nga Ekuadori dhe Kolumbia drejt vendeve të Bashkimit Europian./Zëri.ai
