PRISHTINË- Naim Murseli, ish-këshilltari i Behgjet Pacollit, që dyshohet se ka porositur vrasjen e gruas së tij, Liridona Murseli, duket se bënte një jetë luksoze. Në profilin e tij në rrjetet sociale nuk ka asnjë foto me bashkëshorten, ndërsa ka postuar foto me personalitete të ndryshme.
Ai ka në Facebook, foto me kreun e AKK-së Behgjet Pacolli, ndërsa një natë përpara krimit të tmerrshëm, Naim Murseli ka postuar një foto me këngëtaren shqiptare me famë botërore, Rita Orën.
“Sonte në darkë me yllin tonë Rita Ora”, ka shkruar Murseli përbri fotos.
Naim Murseli, i shkolluar në Suedi, ka në profilin e tij foto edhe me futbollistin me origjinë shqiptare Granit Xhaka dhe këngëtaren e njohur ndërkombëtarisht me origjinë nga Kosova, Dua Lipa. Ndërsa nuk mungojnë edhe foto me kryeministrin shqiptar Edi Rama, me djalin e ish-presidentit amerikan Eric Trump, aktoren Olta Gixhari, ish-kryeministrin shqiptar të Malit të Zi Dritan Abazoviç etj.
Policia e Kosovës ka arrestuar sot bashkëshortin e Liridonës, Naim Murselin dhe Granit Plavën, si të dyshuar për vrasjen. Naim Murseli ka qenë këshilltar i kreut të AKR, Behgjet Pacolli. Granit Plava ka thënë në polici se ai ka ekzekutuar Liridonën, pasi Murseli e kishte paguar 30 mijë euro. Naim Murseli kishte pretenduar fillimisht se gjithçka ishte grabitje./Zëri.ai/
