Katër persona janë shoqëruar nga policia e Matit, si të dyshuarit kryesor për vrasjen e 23-vjeçarit Renis Dobra, trupi i të cilit u gjet i pajetë në pranë liqeni të Ulëzës.
Burime për mediat bëjnë me dije se 4 të shoqëruarit kanë pasur konflikte me viktimën, ndërsa para togave të zeza, ata kanë deklaruar se nuk kanë dijeni për ngjarjen duke theksuar se i kishin mbyllur më herët mosmarrëveshjet me të riun.
Mësohet se të katërt ata janë lënë të lirë nga policia, pasi u morën në pyetje prej disa orësh.
Ndërkohë, ditën e sotme kanë dalë edhe rezultatet e ekspertizës paraprake, sipas të cilave rezulton se 23-vjeçari ka humbur jetën pas mbytjes me litar.
Policia i ka përqëndruar hetimet tashmë në disa pista, në lidhje me konfliktet që viktima mund të ketë pasur brenda dhe jashtë vendit./ZËRI
