
STAMBOLL- Kanë dalë pamjet e arrestimit në Turqi, të të shumëkërkuarit shqiptar Dritan Rexhepi. Në operacionin për kapjen e tij kanë marrë pjesë dhjetra policisë turq, ndërkohë që rezultati i aksionit është ndarë dhe nga ministri i brendshëm i Turqisë. Në momentin e arrestimit të shumëkërkuarit shqiptar i janë gjetur dhe një sasi e madhe parash, bizhuteri dhe armë.
Ministri i Punëve të Brendshme në Turqi, Ali Yerlikaya, tha se është konstatuar se Rexhepi ka hyrë në Turqi nga aeroporti i Stambollit me pasaportë kolumbiane të regjistruar ne emrin e Benjamin Omar Perez Garcia.
Ministri Yerlikaya, i cili njoftoi operacionin në llogarinë e tij në rrjetet sociale, deklaroi se policia e Stambollit arrestoi liderin e kartelit Rexhepi përmes indicieve dhe një bashkëpunimi që kishin pasur dhe me policinë italiane.
Ministri Yerlikaya tha: "Lufta jonë kundër tregtarëve të drogës dhe organizatave të krimit të organizuar do të vazhdojë të rritet me vendosmëri."
/Zëri.ai