TIRANË- Gjykata e Posaccme ka shtyrë seancën për deputetin e Partisë Socialiste Plarent Ndreca. Seanca gjyqësore do të mbahet më 7 shkurt në orën 11:00. Ndreca është marrrë i pandehur nga Prokuroria e Posaccme pasi akuzohet për shpërdorim detyre. Socialisti kuzohet për shpërdorim gjatë kohës kur ai ishte sekretar te ministria e Brendshme, për procedurat e prokurorimit të vitit 2019, ku dyshohet se ka abuzuar me detyrën dhe ligjin duke shkaktuar dëme financiare. SPAK po heton 16 ish-zyrtarë që dyshohen se kanë abuzuar me fondet.
-
-
Plarent Ndreca merret zyrtarisht i pandehur nga SPAK
24 Tetor, 17:33 -
16 ish-zyrtarët e hetuar nga SPAK: Plarent Ndreca, Denisa Skënderaj, Lira Kolasi, Blendi Kovi, Lindita Mukaj, Ferdinant Tarazhi, Silva Dauti, Grida Isufi, Deni Klosi, Jonarda Qurku, Julia Hysa, Elora Kokalari, Aida Shehi, Emiliano Mehmeti, Klejdi Meço, Erand Rrobaçi.
Sipas SPAK, Ndreca dhe zyrtarët e Ministrisë e kanë privilegjuar Gjon Radovanin në të gjitha fazat e procedurës së prokurimit dhe në përfundim e kanë shpallur fitues dhe lidhur kontratë me bashkimin e Operatorëve ekonomikë, Derbi-E shpk, ndërkohë që nuk përmbushte kriteret ligjore. Radovani sikurse thuhet në dosjen e SPAK rezulton të jetë mik me ish-ministrin e Brendshëm Sandër Lleshaj, me të cilin ka shkëmbyer dhe mesazhe. E duket se për shkak të njohjeve dhe lidhjeve me titullarin e institucionit, kompania e tij ka fituar dhe tendera pranë ministrisë së Brendshme. /ZËRI
