TIRANË- Ilir Selmani i dyshuar për ekzekutimin e ish-punonjësit të Policisë, Santiago Malko në gusht të vitit 2019 është paraqitur nën forca të shumta sigurie në GJKKO. I dënuar me 26 vite burg për vrasjen e ish-efektivit Santiago Malko, Selmani kërkon pafajësi në Apel. Seanca u shty pasi avokatët kërkuan kohë për konkluzionet përfundimtare. Më 19 qershor Apeli i Posaçëm vendosi të lirojë Selmanin nga arresti me burg, duke vendosur masën në arrest shtëpie për të dyshuarin. Vetëm një ditë më parë pranë banesës së tij u kap me armë zjarri Emiljano Nina, kushëriri i Ervis Martinajt. Ky episod çoi hetuesit të dyshojnë se po tentohej një atentat për hakmarrje, teksa trupa gjykuese i pranoi Selmanit kërkesën për ndryshim të vendbanimit për shkak të kushteve jo të mira ku ndodhet aktualisht.
/ZËRI
