SHBA- Pfizer po planifikon të krijojë një pilulë ditore për humbje peshe. Kompania shpreson se ilaçi eksperimental do ta ndihmojë kompaninë të futet në një treg me fitime me më shumë se 100 miliardë dollarë në vit. Pfizer bëri njoftimin më herët të enjten në lidhje me ilaçin e saj "Danuglipron" pasi pa të dhëna "inkurajuese" në një studim të bërë.
Veçanërisht, kompania nuk vërejti ndonjë çështje të sigurisë së mëlçisë në pacientët që merrnin formulime të barit një herë në ditë.
Pfizer është një nga disa prodhues të barnave që luftojnë për të fituar një pjesë të tregut në fushën e humbjes së peshës. Investitorët kanë qenë pesimistë për potencialin e kompanisë në hapësirën "GLP-1" që kur Pfizer hoqi nga tregu një pilulë të ngjashme për shkak të rritjes së enzimave të mëlçisë tek pacientët që morën trajtimin. Megjithatë, Pfizer ka ilaçe të tjera eksperimentale për obezitetin, por deri më tani kompania nuk ka bërë të ditur se si po funksionojnë këto trajtime.
Danuglipron i Pfizer është një GLP-1 që promovon humbjen e peshës në të njëjtën mënyrë si injeksioni "Wegovy" i Novo Nordisk dhe trajtimi i diabetit "Ozempic". Ilaçet imitojnë një hormon të vetëm të prodhuar në zorrë të quajtur GLP-1, i cili sinjalizon trurin kur një person është i ngopur./ZËRI
