Për shekuj me radhë, arkeologët kanë kryer kërkime në kompleksin e piramidav të Gizës, për të zbuluar misteret e këtyre ndërtimeve madhështore të ngritura mijëra vite më parë. Në këtë hapësirë gjenden Piramida e Madhe e Gizës, Piramida e Khafre-s, e Menkaure-s dhe Sfinksi i Madh.
Nëpërmjet kërkimeve arkeologjike, janë zbuluar sekrete që dikur i dinin vetëm arkitektët e tyre. Kështu, piramida e Madhe e Gizës, u ndërtua midis 2,550 dhe 2,490 pes. Struktura ishte vërtet kolosale dhe mbeti struktura më e lartë e ndërtuar nga njeriu për shumë shekuj, deri në ndërtimin e Katedrales Lincoln në vitin 1311 pas Krishtit. Ndërtimi i kësaj piramide konsiderohet si një arritje e jashtëzakonshme, veçanërisht duke pasur parasysh njohuritë relativisht bazike të egjiptianëve të lashtë për ndërtimin dhe inxhinierinë.
Duhet thënë se edhe në kohën e sotme, ndërtimi i një strukture të tillë do të ishte një detyrë inxhinierike sprovuese.
Në të gjithë botën gjenden 130 piramida të ngritura. Të shumtë janë arkeologët që mendojnë se më shumë do të gjenden në vitet e ardhshme. Arsyeja pse janë ndërtuar gjithnjë, ka hapur shumë debate, por të gjithë ekspertët bien dakord se kishin një rol shumë të rëndësishëm për të luajtur në kulturën e Egjiptit të lashtë. Edhe pse duket e pabesueshme, disa nga blloqet e gurit të përdorura për ndërtimin e piramidave peshojnë më shumë se 70 tonë. Pesha mesatare e secilit prej 2.3 milionë blloqeve gurëve në Piramidën e Madhe është rreth 2.5 ton.
Shumë prej tyre peshojnë po aq, apo edhe më shumë se një elefant mesatar. Ndryshe nga sa shumica e opinionit publik mendon, ndërtuesit e piramidave nuk ishin skllevër, apo hebrenj. Nga zbulimet e arkeologëve, punëtorët ishin të mirëpaguar dhe mirëushqyer.
Fuqia punëtore, ushqimi dhe materialet vinin nga i gjithë Egjipti. Përveç kësaj, për veprat e konsideruara mjaft prestigjoze, punëtorëve iu dha e drejta që të varroseshin në varre pranë piramidave të shenjta.
Egjiptianët e lashtë kanë përdorur dy yjësi për të rreshtuar piramidat e tyre në drejtimin veri-jug - Arushën e Madhe dhe Arushën e Vogël.
Kjo vendosje është aq e saktë sa pozicionet e tyre veri-jug kanë deri në 0,05 gradë përpikmëri. Megjithatë, rreshtimi i yjeve ndryshon vazhdimisht, megjithëse me një ritëm shumë të ngadaltë. Ekziston një fjalë e urtë e vjetër arabe që thotë "Njeriu ka frikë nga koha, koha ka frikë nga piramidat". Një arsye e jetëgjatësisë së piramidave është përdorimi i llaçit. Egjiptianët përdornin shumë llac për riparime.
Vetëm në ndërtimin e Piramidës së Madhe janë përdorur rreth 500,000 tonë llaç. Piramida e Madhe e Gizës ka qenë e mbuluar me një shtresë të lëmuar gëlqerore. Kur rrezet e diellit binin mbi blloqe, piramida shkëlqente si diamant dhe dukej nga shumë kilometra larg. Gjatë mijëvjeçarëve, shumicës së blloqeve iu hoq shtresa dhe u përdor në projekte të tjera ndërtimi. Statuja e madhe e Sfinksit ka trupin e një luani dhe kokën e një njeriu. Mbetjet e pigmenteve të kuqe në kokën e Sfinksit sugjerojnë se statuja mund të ketë qenë pikturuar.
Shumica e egjiptologëve kanë mendimin se Sfinksi i Madh u ndërtua afërsisht në vitin 2500 para Krishtit për faraonin Khafre, ndërtuesin e Piramidës së Dytë në Giza.
Disa teori sugjerojnë se u ngrit për të ruajtur piramidën e Madhe.
Një detaj interesdant për madhështinë e Piramidës së Madhe të Khufu-së; peshon rreth 5,750,000 ton. kurs rrokaqielli i Burj Khalifa në Dubai peshon 500,000 tonë./Zëri.ai
