ITALI- Milan ka reaguar për bastisjen nga Guardia di Finanza ku deklaron se hetimi nuk është për klubin por për ish-CEO dhe CEO aktual. Ndër të tjera në deklaratën zyrtare bëhet me dije se do të ketë një bashkëpunim të plotë me autoritetin hetues për këtë çështje.
"Përsa i përket kontrollit që u bë sot në selinë e saj, kompania AC Milan është palë e tretë dhe nuk ka lidhje me procedurat në vazhdim në lidhje me blerjen e klubit, të përfunduar në gusht 2022. Hetimi, i cili përfshin edhe përfaqësuesit ligjorë me fuqi nënshkruese, Giorgio Furlani dhe Ivan Gazidis, CEO aktual dhe CEO i mëparshëm i klubit, hipotezon komunikime jo te sakta dhe të vërteta te autoritetet mbikëqyrëse kompetente. Klubi po bashkëpunon plotësisht me autoritetin hetues", përpiqet të saktësojë Milan.
Hipoteza se Milani në të vërtetë nuk i përket fondit amerikan RedBird të financierit Gerry Cardinale, por që në realitet ka mbetur gjithmonë nën kontrollin dhe nën ndikimin e shitësit të fondit amerikan Elliott i financierit Paul Singer, iu sugjerua Njësisë së Policisë së Valutave të Guardia di Finanza nga tre burime dokumentare të rrethanave të papublikuara./ZËRI
