TIRANË- Që prej mëngjesit nisi procesi i rinumërimit për votat preferenciale të Partisë Demokratike – Aleanca për Shqipërinë Madheshtore për qarkun e Dibrës. Rinumërimi i 42 kutive, nisi pas një vendimi të marrë nga Komisioni i Ankimimeve dhe Sanksioneve, pas pretendimit të kandidatit demokrat për deputet, Xhemal Gjunkshit. Procesi ka nxjerrë edhe lëvizjet e votave mes kandidatëve.
Nga rinumërimi rezulton se Xhemal Gjunkshit i janë marrë 17 vota nga brenda Partisë Demokratike. Ndërsa Ismail Ukës i janë marrë katër vota. Po ashtu edhe Alketa Agollit i janë vjedhur katër vota. Gjithsesi numërimi i votave sot nuk ndryshon rezultat se PD ka fituar dy mandate në listën e mbyllur në këtë qark.
Në rinumërimin e kutive të Dibrës rezultoi:
Alketa Agolli -10 vota
Basir Çollaku 8 vota
Xhemal Gjunkshi -17 vota
Përparim Spahiu 49 vota
Ismail Uka -4 vota
Ndërsa rezultati fillestar ishte:
Xhemal Gjunkshi 6125
Basir Çollaku 5254
Alketa Agolli 1549
Ismail Uka 1511
VIDEO nga numërimi:
Pas numërimit të votave të Dibrës, gjatë javës tjetër do të nisë procesi i rinumërimit të votave për qarqet Tiranë dhe Fier. Procesi i rinumërimit do të zhvillohet në ambientet e pallatit të sportit “Farie Hoti” në Tiranë dhe pritet të zgjasë rreth 18-20 ditë./ZËRI
