BRITANI E MADHE- Mënyra se si shumë banda të krimit të organizuar pastrojnë paratë e tyre është bërë aq e vështirë për t'u gjurmuar sa që ndjekja e parave tani, s'të çon askund. Kështu pretendon Agjencia Kombëtare e Krimit dhe e Mbretërisë së Bashkuar. Kur nuk po shfrytëzojnë sistemin bankar, grupet e krimit të organizuar si trafikantët e drogës po përdorin gjithnjë e më shumë rrjetet ndërkombëtare të pastruesve profesionistë.
“Hetuesit financiarë u thuhet të ndjekin paratë. Por nëse i ndiqni paratë me rrjetet ndërkombëtare të kontrolluesve (ICN), nuk shkojmë askund”, tha për VICE News Brian Ludlow, një ekspert i lartë i pastrimit të parave në NCA.
Për një tarifë të vogël, ICN-të përdorin një rrjet të sistemeve informale të transferimit të parave për të lëvizur paratë e fituara nga krimi nëpër botë. Sapo paratë i dorëzohen këtyre rrjeteve, shtegu bie në një qorrsokak për hetuesit që përpiqen të zbulojnë se ku kanë shkuar apo si janë shpenzuar këto para. Sistemet informale të transferimit të parave janë përdorur nga qytetarët që i binden ligjit si një mënyrë për të transferuar para nga një vend në tjetrin për shekuj me radhë. Në vend të bankave, një rrjet ndërmjetësish rregullon lëvizjen e parave në një sistem të bazuar në nder dhe besim.
Për shkak se nuk ka dokumentacion, sistemi është totalisht anonim. Krahas besueshmërisë së tyre të dukshme, është arsyeja pse ata janë kaq të njohur me kriminelët. Më i njohuri nga këto sisteme është sistemi i lashtë Hawala, i përdorur kryesisht në Lindjen e Mesme, Afrikën e Veriut dhe Indi, por gjatë dy dekadave të fundit përdoret gjithnjë e më shumë nga bandat e krimit, përfshirë kartelet meksikane. Në sisteme të tilla si hawala është vlera e parasë ajo që lëviz, jo vetë paraja. Një ndërmjetës do të marrë paratë në një vend, do t'i thotë një ndërmjetësi tjetër të shpërndajë të njëjtën vlerë parash në një vend tjetër dhe më pas të dy ndërmjetësit do të shlyejnë borxhin mes tyre.
Ludlow e shpjegon kështu.
“Për shembull, një trafikant britanik droge dëshiron që 200,000 £ para të pista që i ka fituar në Londër t'i përdorë në Roterdam. Ai kontakton një ICN dhe ata bien dakord për një tarifë, zakonisht rreth 6.5%. ICN i dërgon klientit një numër serial. Përpara dorëzimit të parave, personi që punon për ICN i paraqet klientit kartëmonedhën prej 5 £. Nëse numri serial është i saktë, marrëveshja bëhet."
Sipas Ludlow, këto rrjete lëvizin financat e tregtisë ndërkombëtare të drogës dhe kanë aftësinë të lëvizin "miliarda" në mbarë globin. Rrjetet e specializuara të pastrimit të parave po përdorin gjithnjë e më shumë kriptomonedhën dhe bankat e nëndheshme kineze për të pastruar paratë kriminale. Edhe "bankat e nëndheshme kineze", si hawala mundësojnë transferimin e vlerës midis vendeve pa lëvizur në fakt asnjë fond.
Pavarësisht rënies së madhe të përdorimit të parave të gatshme, dy herë më shumë kartëmonedha janë në qarkullim në Mbretërinë e Bashkuar tani sesa 10 vjet më parë.
"Aty ku ndjekja e parave është joefektive, ka një sërë teknikash të tjera që ne përdorim në zbatimin e ligjit për të sulmuar grupet e krimit të organizuar,"-tha Celestino Calabrese, nga Qendra Kombëtare e Krimit Ekonomik, qendra e ekspertizës në Mbretërinë e Bashkuar.
Por ekziston edhe metoda e vjetër...
Një grup WhatsApp të quajtur "Sunshine and Lollipops", disa gra, duke përfshirë një ish të dashurën e ish-boksierit kampion bote, Joe Calzaghe, u rekrutuan si korriere për të kontrabanduar valixhe të mbushura secila me deri në 500,000 £ në para. Pas marrjes së parave nga kriminelët e organizuar, banda i zhvendosi ato në shtëpitë e numërimit, e më pas i paketon me vakum dhe u hedh kafe që të mos pikasen nga qentë.
Korrierët u paguan rreth 3,000 £ plus shpenzimet për çdo udhëtim nga Heathrow në Dubai. Duke përdorur një firmë tregtare të arit në Dubai si mbulesë në rast se ata ndaloheshin në doganë, rrjeti vazhdonte punën. Një nga të akuzuarat për rekrutimin e korriereve në internet, Michelle Clarke (një grua britanike që jeton në Dubai), ende po ndiqet nga policia. Por paratë pastrohen 'nën mbulesën' e botës legale, përmes bankave, zyrave postare dhe lëvizjes së metaleve të çmuara. Megjithatë po bëhet gjithmonë e më e vështirë për t'i kapur./Zëri.ai
Marrë nga Vice
