'Rai 3' nxjerr dokumentarin/ Akuza Ramës për lidhje me krimin, kryeministri: Nuk kemi lidhje me mafian dhe paratë e pista

Pamje nga emisioni

ITALI- Kush do të përfitojë nga marrëveshja Itali-Shqipëri për çështjen e emigracionit? Qeveria Meloni ka arritur një marrëveshje për të dërguar në Shqipëri disa prej emigrantëve që tentojnë të hyjnë në Itali nëpërmjet Mesdheut. Puna nisi pak javë më parë për ndërtimin e dy qendrave të pritjes ku sipas parashikimeve të kryeministrit do të devijohen rreth 36 mijë azilkërkues në vit. Por sipas "Report", kostot tashmë janë jashtë kontrollit. Krahasuar me 650 milionë euro të buxhetuara fillimisht për 5 vjet, shpenzimi i përgjithshëm mund të kalojë pragun e 1 miliard eurove.

Pra, kush do të përfitojë realisht nga kjo marrëveshje?

"Report" ka ardhur sërish në Shqipëri, duke shkuar edhe në Gjadër. Për gazetarin italian Giorgio Mottola, ka dhënë një intervistë të gjatë edhe kryeministri shqiptar Edi Rama. Edhe pse me batuta dhe ironi, Rama i ka dhënë përgjigje pyetjeve të gazetarit, duke mos harruar pa i përmendur faktin se në dokumentarin e parë, nuk e kishin përfshirë, edhe pse përgjigjia për pyetjet u kishte shkuar. Për këtë mori shembull edhe njëherë replikën e Sekretarit të Përgjithshëm të Kryeministrisë, Ëngjëll Agaçit, i cili u akuzua dhe iu kërkua një koment, por edhe pse e dha replikën e tij, ajo nuk u publikua. 

"Pas hetimeve të mëparshme për marrëveshjen mes Italisë dhe Shqipërisë për emigrantët, Report u kritikua ashpër nga dy kryeministra: ai italian Giorgia Meloni dhe ai shqiptar Edi Rama. Pavarësisht kësaj, rrugëtimi ynë vazhdon në anën tjetër të Adriatikut ku kemi mbledhur prova dhe dëshmi të reja për ndërhyrjet në politikën dhe ekonominë shqiptare të organizatave mafioze, të cilat kanë ndikuar në sferat më të larta institucionale. Vitet e fundit, Shqipëria është kthyer edhe në një tokë pushtuese për politikanët italianë dhe ish-politikanë që kërkojnë biznes. Raporti zbulon sesi një ish-kryeministër italian dhe një ministër aktual kanë ngritur aktivitetet e tyre në sektorin e konsulencës institucionale dhe lobimit në Tiranë, duke arritur rezultate të shkëlqyera,"-shkruhet në artikullin e publikuar nga "Report" për dokumentarin e dytë në Shqipëri.

Po ashtu, në një kamerë të fshehtë është kapur edhe zv.kryeministri, Arben Ahmetaj, i cili pa e ditur që po filmohej akuzoi kryeministrin Rama për lidhje me personazhe të botës së krimit. Rama u vu përballë akuzave të tij, por edhe pa e ditur se për kë bëhej fjalë, u shpreh se personi në fjalë duhet që të ishte një person që ka pasur probleme me drejtësinë./ZËRI

VIDEON E EMISIONIT MUND TA SHIHNI DUKE KLIKUAR (KËTU)

Edi Rama

TIRANË- Kryeministri Edi Rama i ka treguar gazetarit italian, Giorgio Mottola, i ka treguar për kohën kur edhe ai punonte si gazetar pranë gazetës "Koha Jonë". Gjatë intervistës me gazetarin Giorgio Mottola për emisionin "Report" në "RAI 3", i tregoi një foto që i është bërë në momentin kur është dhunuar në vitin 1996 teksa kthehej në shtëpi.

PJESË NGA INTERVISTA: 

EDI RAMA: Unë ju flas për faktin. Për mua, të bësh gazetarin, është një gjë e madhe. Ky jam unë.

Rai3: Jeni ju këtu në foto?

EDI RAMA: Jam unë.

Rai3: Çfarë ju ndodhi? Me flokë, nuk ju njoh.

EDI RAMA: Sepse unë bëja gazetarin.

Rai3: Në ‘97-ën.

EDI RAMA: Ky jam unë.

Rai3: Kush ju katandisi kështu?

EDI RAMA: E patë që i kisha vendosur mbrapa. M’i solli një vajzë, e cila ka çelur një ekspozitë për lirinë e shtypit dhe i nxori, edhe pse i thashë që janë parë tashmë. Unë e di çfarë do të thotë të jesh gazetar.

Rai3: Kush ju katandisi ashtu, Kryeministër?

EDI RAMA: Burimet prestigjioze që keni intervistuar ju për serinë e parë.

Rai3: Nuk ka qenë as burim, as i intervistuar. Po të kishte qenë për opozitën dhe çështjen e opozitës, do të vija te ju, për t’ju intervistuar për Berishën, po të kishte qenë çështje e opozitës.

EDI RAMA: Mos më përmendni më emra këtu. Më pyetët “kush”? Unë ju dhashë përgjigje. Nuk është ai tema. Tema është kjo. Unë e di çfarë do të thotë të luftosh për lirinë e fjalës. Di edhe çfarë do të thotë të kesh ende mbi lëkurë shenjat, këtu dhe këtu.

Rai3: Po sot ju kontrolloni mediat në Shqipëri. Pjesa më e madhe e medias është në shërbim të qeverisë.

EDI RAMA: Po thoni një tjetër gënjeshtër.

Rai3: Sa herë që ju flas, ju them një gënjeshtër, ta hajë dreqi.

EDI RAMA: Ju jeni i ngarkuar plot me gjysmë të vërteta. Kjo nuk është gazetari, kjo është gazetari e lehtë. Ju thoni unë bëj gazetari sikur të keni një kartë imuniteti… Më lini të mbaroj. Edhe kjo tani që nuk më lini kurrë të mbaroj. Unë nuk ju ndërpreva.

Rai3: Por i ndjek talk show-t italiane.

EDI RAMA: Ju jeni në shtëpinë time, mund të më ndërprisni kur të doni. Këto janë rregullat e shtëpisë sonë.

Rai3: Absolutisht. Ju kërkoj ndjesë.

EDI RAMA: Unë, kur dëgjoj që thuhet bëj gazetarin, iu them që bëni profesionin më të rëndësishëm, sepse është profesioni i së vërtetës, jo i gjysmë të vërtetave. Dhe pastaj kur të bërit gazetarin shndërrohet në një lloj imuniteti nga e vërteta dhe thua, “jo, unë i vë të gjithë përballë, dëgjoj këtë, dëgjoj atë, dëgjoj atë tjetrin”. Po është shumë e rëndësishme si i vë përballë, sepse sigurisht, që të gjithë kanë të drejtën të flasin, por është shumë e rëndësishme sepse duhen ndjekur nga fakte, duhen ndjekur nga dokumente, duhen ndjekur nga konfirmime. Për këtë jua thashë. Tani më thoni që “ju kontrolloni mediat”. Mbi çfarë baze?

Rai3: Ka akuza…

EDI RAMA: Mbi ç’bazë?

Rai3: Akuza është që një pjesë e mirë e mediave janë shumë afër jush. Shumë prej tyre fitojnë tenderë publikë, kështu që janë në orbitën tuaj. Kjo është akuza. Ju, si i përgjigjeni? A është legjitime kjo pyetje, Kryeministër?

EDI RAMA: Duhet të më sillni një tender publik, një – hulumtoni – një që është fituar nga pronarë mediash. Pastaj, unë nuk mendoj që, nëse pronarët e mediave bëjnë edhe sipërmarrësin me gjëra të tjera, janë të detyruar të mos marrin pjesë në tenderë publikë. Unë nuk bëj tenderë, tenderat i bëjnë institucionet, po ç’është kjo./ZËRI

Edi Rama

TIRANË- Në intervistën për RAI 3, kryeministri Edi Rama hodhi poshtë akuzat e ngritura për lidhje të politikës me personazhë të krimit. Në fjalën e tij gjatë intervistës, Rama tha se ish-ministri i Brendshëm, Fatmir Xhafaj nuk kishte asnjë lidhje, por dha dorëheqjen, për shkak se i vëllai ishte shpallur në kërkim nga drejtësia italiane. Por po ashtu, i mëshoi gjatë faktit se edhe pse Sekretari i Përgjithshëm i Kryeministrisë, Ëngjëll Agaçi. Në mbrojtje të tij, Rama u shpreh se përgjigjen Agaçi ua kishte dërguar por media italiane nuk e kishte publikuar, duke mos i dhënë më pas asnjë shpjegim. Nga ana e tij, gazetari italian, Giorgio Mottola u shpreh se intervistën e kishte kërkuar me zë, e jo me shkrim.

PJESË NGA INTERVISTA:

Rai3: Pyetja e fundit për PD-në..

EDI RAMA: Jo, nuk është pyetja e fundit, sepse keni ardhur tek unë për të marrë sqarime për atë gjënë e neveritshme dhe tani parashikoj një tjetër neveritje në horizont.

Rai3: Pse thoni një neveritje tjetër. Quhet hetim gazetaresk.

EDI RAMA: Jua them unë pse. Sepse këtu u hodhën emra, u hodhën histori, që nuk mbështeten aspak në fakte. Aspak. Ky tha kështu, ai tha ashtu, një tjetër tha… Për çfarë po flasim? Unë jam kryeministri i një vendi që ka shumë halle dhe më duhet të punoj. Ndërkohë, ju vihem në dispozicion me respekt. Më në fund, do të kem të drejtën të përgjigjem për një program ku nuk kishte replikë.

Rai3: E kërkuam replikën. I kam çuar disa herë kërkesën për intervistë.

EDI RAMA: Jo, nuk keni kërkuar asgjë. Madje, keni gënjyer edhe publikun italian, sepse i keni thënë që Sekretari i Përgjithshëm i Këshillit të Ministrave nuk ju ishte përgjigjur.

Rai3: Nuk pranoi kërkesën tonë për intervistë.

EDI RAMA: Jo.

Rai3: E botuam përgjigjen në faqen e internetit.

EDI RAMA: Jo, botimi në faqen e internetit erdhi më pas, kur ne ngritëm zërin. Po të mos kishim ngritur zërin, publikimi nuk do të ishte bërë.

Rai3: Nga këndvështrimi gazetaresk, përgjigjia ishte.

EDI RAMA: Nga këndvështrimi gazetaresk, ajo është një pocaqi dhe ju u shprehët se kishte refuzuar të përgjigjej. Ndërkohë, kishit marrë të gjitha përgjigjet. Unë kam parë që…

Rai3: Kjo është një intervistë dhe ju po më përgjigjeni.

EDI RAMA: Më fal, ju e keni bërë kërkesën me shkrim dhe kur e çuat kërkesën me shkrim, nuk thoshit që i dua përgjigjet edhe me gojë. I kërkuat me shkrim? I morët përgjigjet me shkrim. Dhe, jo vetëm që nuk i publikuat, dhe jo vetëm thatë që ai nuk ju ishte përgjigjur, po kur folët për gjërat e tij, thatë gënjeshtra. Gënjeshtra. Në rregull? Dhe, jo vetëm gënjeshtra, por e nxorët në një dritë të tillë, që shoh se, sipas jush, është e vetmja mënyrë për të hetuar, po nuk është e vërtetë, sepse nuk do të ishte mëkat nëse një hetim do të shkonte edhe në favor të të hetuarve tuaj. Domethënë, nuk duhet të keni gjithnjë ju të drejtë, që hyni për të gjetur fajtorë dhe tani njerëzit janë fajtorë, sepse ju duhet të justifikoni punën tuaj. Mund të bënit një hetim dhe, në fund, të thoshit “jo, Shqipëria nuk është narkoshtet”, sepse kjo është fyerje për një popull dhe fyerje për një vend.

Rai3: Këtë e kemi thënë, që ka akuza se është narkoshtet, nuk kemi elementet për të thënë që është narkoshtet. Në fakt, nuk jam këtu për t’ju thënë që jeni narkoshtet.

EDI RAMA: Aaa, paska akuza! Akuza ka edhe që Italia është një narkoshtet, atëherë, çfarë do të thotë kjo?

Rai3: Do të ishte një akuzë shumë e drejtë, sipas këndvështrimit tim.

EDI RAMA: Sipas jush?

Rai3: Është një shtet ku prania mafioze është shumë e fortë, mbi të gjitha, në institucione.

EDI RAMA: Aaa, një narkoshtet, Italia një narkoshtet. Vendi juaj është një narkoshtet dhe ju e thoni kështu, pa u menduar dy herë.

Rai3: Sepse jam patriot dhe besoj se që të them, të pranoj dobësitë e institucioneve italiane përballë pranisë mafioze është shumë patriotike.

EDI RAMA: Ju nuk e keni idenë se ç’është një narkoshtet. Nëse Italia do të ishte një narkoshtet, ju nuk do të kishit gojë të flisnit, se do ju varrosnin të gjallë në dhe.

Rai3: Ka mënyra të ndryshme për të groposur, Kryeministër, ka mënyra të ndryshme….

EDI RAMA: Po, e pashë, e pashë. Është edhe mënyra…

Rai3: Nuk duhet detyrimisht të të vrasin.

EDI RAMA: Jo, jo nuk ka nevojë. Liria e mendimit dhe e informimit mund të vritet edhe duke bërë gazetarinë tuaj. Nuk ka dyshim, sepse, thjesht, ke një telekamera, e përdor si armë, ke gjuhën dhe zërin dhe i përdor si plumba, ndërkohë që të tjerët janë vendosur aty sipas skenarit, për të arritur në konkluzionin e dëshiruar paraprakisht. Pra, njësoj siç e bënt e Enver Hoxha. Përpara vendoste kush ishte fajtori dhe pastaj i shkonte mbrapa që t’i binte. Edhe kjo quhet mënyrë demokratike për të vrarë.

Rai3: Nuk do të isha këtu të merrja dëshminë tuaj. Do të isha kufizuar me mbledhjen e gjithë dëshmive…

EDI RAMA: E keni bërë, e keni bërë.

Rai3: Po, ndërkohë jam këtu dhe do të raportoj të gjitha qëndrimet tuaja për çdo gjë që do të them.

EDI RAMA: E keni bërë, e keni bërë tashmë. Ju jeni këtu, sepse unë ngrita zërin. Ju nuk jeni këtu sepse e zgjodhët.

Rai3: Kryeministër, kam kërkuar…

EDI RAMA: Jo, jo nuk keni kërkuar asnjë intervistë zyrtarisht.

Rai3: Kryeministër, ju kam shkruar edhe në numrin tuaj privat, te zyra juaj e shtypit.

EDI RAMA: Nuk ka asnjë kërkesë për intervistë në numrin tim privat.

Rai3: Kemi shkruar madje edhe përmes postës zyrtare. Për këtë më duhet t’ju korrigjoj, se po thoni diçka të pasaktë.

EDI RAMA: Çështja është këtu. Mirë pra, po them një gjë të pasaktë.

Rai3: Për këtë. Unë kërkesën për intervistë jua kam bërë dhe jam këtu jo sepse keni ngritur zërin, po sepse unë dua t’i dëgjoj të gjithë zërat.

EDI RAMA: Dua t’ju them diçka. Ky është impenjim për të hedhur baltë nga burimet më të pista të Shqipërisë që t’i vësh përpara në shërbimin publik e pastaj, t’ia paraqesësh popullit italian, sepse ju jeni kundër qendrave të pritjes.

Rai3: Kryeministër, më vjen vërtet keq për këtë qëndrim.

EDI RAMA: Më fal, po ç’interes ka publiku italian për thashetheme.

Rai3: Kryeministër më vjen shumë keq për këtë qëndrim, sepse ka dy mënyra për ta parë këtë që ka ndodhur, këtë intervistë. Njëra mënyrë është me vizionin pak autokrat të pretendosh se pyetjet e një gazetari janë baltë

EDI RAMA: Jo, jo, jo, jo pyetjet…

Rai3: Ndjesë. Nga momenti që po ju them se prania e mafies është e fortë dhe madje edhe lidhjet me qeverinë tuaj. Ka shumë eksponentë të shumicës suaj, të qeverisë suaj, që janë arrestuar e madje edhe dënuar – ndjesë, më lejoni vetëm 30 sekonda – janë dënuar për raporte me mafien. Ka artikuj të shtypit ndërkombëtar, madje edhe qëndrime të mbajtura nga Senati dhe Kongresi amerikan, që i denoncojnë këto rreziqe. Unë do ta shihja si një mundësi që unë, si shërbimi publik italian po ju jap për t’iu shpjeguar shikuesve italianë cila është e vërteta nga këndvështrimi juaj, pra, për të sqaruar atë që për ju është keqkuptim. Përse thoni që po hedh baltë? Unë po ju vë përpara një mikrofon dhe një telekamerë. Po ju jap hapësirë në emisionin tim që të mund të shprehni qëndrimin tuaj.

EDI RAMA: Dëgjoni, unë nuk ju thashë që po hidhni baltë me pyetjet. Unë fola për programin. Nuk fola për pyetjet. Nuk ka pyetje të fajshme.

Rai3: Shkëlqyer.

EDI RAMA: Por ekziston liria edhe për të folur për pyetjet, mirë? Por unë nuk thashë që pyetjet janë baltë. Ju tani sapo thatë një gënjeshtër tjetër.

Rai3: Thatë që kam hedhur baltë vetëm se përmenda gjëra që kam hasur, vetëm për këtë më thatë që kam hedhur baltë.

EDI RAMA: Jo, jo. Më lini të mbaroj. Tani sapo thatë një gënjeshtër tjetër. Thatë “shumë eksponentë të qeverisë suaj”. Kush janë këta?

Rai3: Ka qenë një ministër i Brendshëm.

EDI RAMA: Ah, një.

Rai3: Ishte ministri pasardhës, Xhafa, që nuk kishte gabuar, po dha dorëheqjen menjëherë më pas. Është ministri aktual i Brendshëm. Ka një bisedë midis dy krerëve të mafies, të cilët thonë: “E dimë kush do jetë ministri i ardhshëm i Brendshëm dhe përmendin emrin e Taulant Ballës. Më falni.

EDI RAMA: Më fal, po që ti thuash këto gjëra duhet të jesh i pafytyrë. Unë nuk arrij dot ta imagjinoj sesi mundet shërbimi italian të tregojë këtë fytyrë… Pra, ato gjëra që po thoni janë të pakonceptueshme. “Shumë eksponentë” dhe pastaj flet për një ministër të Brendshëm, vite më parë dhe pastaj shton Fatmir Xhafën, njeriu i cili dha dorëheqjen në mënyrën më qytetare, jo sepse kishte lidhje me ndonjë gjë.

Rai3: I vëllai ishte i dënuar në Itali.

EDI RAMA: Do më lini të mbaroj?

Rai3: Absolutisht, po.

EDI RAMA: Jo sepse kishte lidhje me ndonjë gjë, po thjesht për një çështje morale. Në rregull? Pas një sulmi me baltë, për të cilin ka një proces gjyqësor që vazhdon dhe përbaltësi që ishte në vijë të parë është dënuar nga gjykata e shkallës së parë. Bën pjesë në grupin politik që e furnizon me këto gjëra.

Rai3: Pse është gjysmë e vërtetë. Ka një dokument për dhurimin e tokës dhe kemi intervistuar protagonistin e drejtpërdrejtë, është Lisi, ish-kreu i Interpolit.

EDI RAMA: Më falni, unë i kam lexuar të gjitha dokumentet, falë jush, sepse ju nuk ia lexuat publikut italian, se aty i kishit të tre. Atëherë, këtu bëhet fjalë për një histori krejt ndryshe dhe ju flisni edhe njëherë për një narkotrafikant, flisni për një person…

Rai3: …për drejtësinë italiane, Artur Shehu është i dërguar në gjykatë.

EDI RAMA: Flet për një njeri që unë nuk e njoh.

Rai3: Artur Shehu.

EDI RAMA: Mund edhe ta njihja, nuk është… por nuk më rezulton të jetë një person i dënuar, nuk më rezulton. I dërguar për gjykim është një gjë, i dënuar është gjë tjetër.

Rai3: Kreu i Interpolit nuk mund të marrë tokë nga dikush që është nën hetim.

EDI RAMA: E para kjo. E dyta, flisni për diçka që është e pavërtetë, sepse nuk ka pasur asnjë ndërveprim, asnjë ndërveprim, në rolin e avokatit, nga Sekretari i Përgjithshëm i Këshillit të Ministrave me këtë subjekt kur ishte avokat. Dhe këtë nuk e thatë në program.

Rai3: Është ajo që na tha Lisi.

EDI RAMA: Jo, jo

Rai3: Na konfirmoi ndërveprimin, nuk tha që ishte takuar me narkotrafikant sepse personi i ndërmjetëm ishte arrestuar… nuk e di si e kishte emrin.

EDI RAMA: Koka juaj është e mbushur plot me emra dhe nuk po dini më as ku t’i vini. Unë nuk dua t’ia di për emra.

Rai3: Po emri i ndërmjetëm është me interes, se është me interes për Artur Shehun, e njeh shumë mirë Engjëll Agaçin.

EDI RAMA: Nuk më interesojnë emrat, nuk i njoh. Unë flas për fakte.

Rai3: Mirë, pra.

EDI RAMA: Unë flas për faktet.

Rai3: Edhe unë.

EDI RAMA: Jo, ju nuk flisni për faktet, ju flisni vetëm për gjysmë të vërteta që janë gënjeshtrat më të mëdha.

Rai3: Akoma nuk më keni thënë se cila është gënjeshtra, gjysmë e vërteta.

EDI RAMA: Ç’hyn tani një avokat, që është marrë nga një grup personash të besuar të një të vdekuri që kishte pasur prona në Shqipëri, me origjinë shqiptare, i cili kishte prona në Shqipëri.

Rai3: E thamë.

EDI RAMA: Ai kishte një prokurë nga gjykata për të ushtruar detyrën e vet si avokat, që nuk e ushtroi më kur u bë Sekretar i Përgjithshëm. Ç’hyn ai me këtë historinë e gjeneralit këtu, gjeneralit atje. Ç’lidhje ka? Pse keni vënë në mes një avokat, i cili nuk ka lidhje kurrkund me gjithë pjesën tjetër të historisë, që as nuk e njoh dhe as nuk më intereson. Sepse donit të provonit – dhe prapë doni ta bëni, e shoh, e parafytyroj tani edhe serinë e re – doni të vazhdoni të provoni që Xhorxha Meloni ka bërë një marrëveshje të gabuar me një qeveri plot hije. Dhe kjo është e turpshme! Mirë? Sepse nuk përkon me të vërtetën dhe përbëhet nga gjysmë të vërteta. Më flisni për ministrin e tretë të Brendshëm që është sot dhe më thoni, “në një telefonatë midis dy…”. Ku di gjë unë për telefonata… Jo, më falni. Ku di gjë unë për telefonatat midis personave që mund të thonë, “O, e takova unë atë. Kam takuar Edi Ramën, më tha, i thashë…”. Po ku e di unë këtë? Po si mund t’i nxirrni kështu këto gjëra? Ajo telefonatë, për të cilën folët, duhet jetë e lidhur me fakte. Pastaj, nëse faktet e mbështesin, në rregull. Po si mund të merren në dosje telefonata, kjo, ajo, dhe të dalësh e t’i thuash publikut, “ka pasur një telefonatë”. Ka pasur një telefonatë? Po çfarë pastaj? Unë hap telefonin – dhe ka raste që nuk njoh as numrat – hap telefonin dhe flas. Fakti duhet ndjekur. Domethënë, çfarë ka ndodhur më pas? Unë, tani, po mësoj çfarë do të thotë demokraci.

Rai3: Po iu mëson të tjerëve…

EDI RAMA: Jo, jo. Po e mësoj unë.

Rai3: Ah, ju.

EDI RAMA: Duke ju parë juve, unë po mësoj çfarë do të thotë ta mbrosh demokracinë nga gjysmë të vërtetat. Sepse, në emër të demokracisë dhe të lirisë, gjysmë të vërtetat dhe gënjeshtrat ditët e sotme kanë marrë përmasa të jashtëzakonshme. I kuptoj rrjetet sociale, i kuptoj, po ky është shërbimi publik italian. Po si bëhet kjo, si bëhen gjëra të tilla?!

Rai3: Kryeministër, ne radhisim fakte, dëshmi të besueshme, po jo vetëm ne në Itali. Gazetaria e lirë dhe e pavarur këtë bën. Unë ju kam paraqitur vetëm fakte, ju thashë, një burim i besueshëm. Ju çfarë thoni?

EDI RAMA: Ju nuk më keni rreshtuar deri tani, të paktën deri tani, asnjë fakt.

Rai3: Kështu e vlerësoni ju. Më vjen keq që e shihni kështu.

EDI RAMA: Ju më keni rreshtuar… Jo, jo, më thoni ju ku janë faktet. Ju më keni rreshtuar…

Rai3: Ju po më thoni se, në Shqipëri, mafia nuk ekziston dhe nuk ka asnjë ndikim politik. Ky është qëndrimi juaj?

EDI RAMA: Më lini të mbaroj.

Rai3: Ju lutem. Sigurisht. Për të kuptuar të sintetizuar.

EDI RAMA: Pra, është fakt që ju thoni që dy kriminelë flasin me njëri-tjetrin, nuk e vë në diskutim. Në rregull? Por, ta marrësh këtë fakt, ta sjellësh këtu. Domethënë, të udhëtoni nga Italia, të vini tek unë dhe të më thoni “shumë eksponentë…

Rai3: Iu përgjigja pyetjes suaj. Nuk ishte pyetja ime. Iu përgjigja pyetjes suaj.

EDI RAMA: Jo, jo. Ju thatë, “shumë eksponentë të qeverisë suaj janë vërtetuar se kanë pasur lidhje me mafien”. E thatë ju. Kush? Më thoni një emër, që ka kaluar në gjykim dhe gjithë pjesën tjetër – unë nuk komentoj – po që nuk është provuar e as nuk është dënuar për bashkëpunim mafioz, që të jemi të qartë… Jo, jo, ju mund të bëni gjykatësin mbi gjykatësit, është e drejta juaj.

Rai3: Jo, unë bëj gazetarin./ZËRI

Arben Ahmetaj

TIRANË- Mbrëmjen e sotme është transmetuar pjesa e dytë e emisionit "Report" të Rai 3, ku "protagonist" ka qenë edhe ish-zëvendëskryeministri, Arben Ahmetaj. Në atë që duket si një kamer e fshehtë, ish-zyrtari i lartë hedh akuza të forta kundër kryeministrit Edi Rama. Në darkën me gazetarin Giorgio Mottola, Ahmetaj flet pa e ditur se po filmohej. Ai akuzon Ramën se përmes Ergys Agasit, krijon lidhje me mafiozët të cilët i përdor për zgjedhje. Ahmetaj thotë se këta "kapo të mafias" Rama i ka pritur edhe në zyrën e tij. Madje shton se e ka ditur çfarë po ndodhte, por ka zgjedhur që të jetë i distancuar. 

PJESË NGA INTERVISTA: 

Ahmetaj për Rai 3: Grupet kriminale marrin tendera përmes emrave të tjerë që vendosin. Edi Rama u ka thënë mos të bëjnë rrëmuja. Nuk është vetëm i lidhur, po të jap emrin Ergys Agazi, është një tip që jeton në Durrës, tani është bërë kordinator i të gjithë grupeve. Agasi luan rolin e kordinatorit dhe pastaj i përdor për zgjedhje. Është djali i një ish-deputeti të PS, nuk ka qenë asnjëherë i dënuar. Por shpesh shtypi ka folur Troplinin. I takon në zyrën e tij, unë nuk kam pranuar kurrë të marr pjesë. Personazhe nga Dibra, Durrësi, Elbasani. Po janë kapot e mafias

Mendoni se ka lidhje me grupet përmes Agasit? Ku i takon?

Ahmetaj për Rai 3: Edhe në zyrën e tij, nuk kam pranuar të marr pjesë sepse nuk kam dashur të përfshihem. I ka takuar të gjithë.

Teksa Ahmetaj flet, narratori italian përmendi ngritjen e disa kullave, duke veçuar atë "Ekspozita", të familjes së Ervin Matës./ZËRI

Edi Rama

TIRANË- Kryeministri Edi Rama ka dhënë një intervistë të gjatë për emisionin investigativ "Report" në Rai3. Lidhur me kompaninë që ish-kryeministri italian, Massimo D'Alema, ka hapur në Shqipëri, Rama u shpreh se kurrë nuk e ka pasur këshilltar, por gjithmonë ka komunikuar me të si mentor.

"Kurrë nuk kam folur për tregti me Massimo D’Aleman. Kam folur gjithnjë për politikën, kam folur gjithnjë për Shqipërinë, kam folur gjithnjë për… Pastaj, ai është i lirë të bëjë çfarë të dojë. Epo t’i paraqesësh gjithmonë këto gjëra kështu!,"-tha Rama ndër të tjera. E po ashtu, gazetari Giorgio Mottola i tregoi se ka dëgjuar se edhe Vittorio Sgarbit i është premtuar ndërtimi i një hoteli me lehtësira nga qeveria. Këtë koment, Rama e ka kthyer në batutë.

"Po a e imagjinoni dot ju Vittorio Sgarbin që administron një hotel. Do të ishte bordelloja më e madhe në historinë e hotelerisë, ndjesë,"-shtoi Rama.

PJESË NGA INTERVISTA: 

Rai3: Dëgjoni, ju keni një raport të shkëlqyer me Xhorxha Melonin. Keni pasur marrëdhënie të shkëlqyera me të gjithë kryeministrat, veçanërisht me Massimo D’Alema-n.

EDI RAMA: Po.

Rai3: Massimo D’Alema, është një këshillues i juaji, ju e keni emëruar këshilltar.

EDI RAMA: Jo, nuk e kam emëruar këshilltar, sepse nuk do ia lejoja vetes ta emëroja këshilltar. Ai është një mentor.

Rai3: Ah, është mentor.

EDI RAMA: Po. Është njëri prej shtetarëve më të mëdhenj, sipas meje, pas Luftës së Ftohtë dhe është një prej mendjeve më të bukura që kam takuar në jetë. Të gëzosh miqësinë e tij, është, për mua, një medalje e madhe nderi.

Rai3: Edhe D’Alema ka ardhur në Shqipëri për të bërë tregti.

EDI RAMA: Çfarë tregtie? Çfarë ka bërë.

Rai3: Ka ngritur një shoqëri lobimi.

EDI RAMA: Po ç’tregti?!

Rai3: AEI

EDI RAMA: E pabesueshme! Kurrë nuk kam folur për tregti me Massimo D’Aleman. Kam folur gjithnjë për politikën, kam folur gjithnjë për Shqipërinë, kam folur gjithnjë për… Pastaj, ai është i lirë të bëjë çfarë të dojë. Epo t’i paraqesësh gjithmonë këto gjëra kështu!

Rai3: Po ka themeluar një shoqëri lobimi. D’Alema ka një shoqëri lobimi në Itali dhe ka themeluar edhe këtu një. AEI quhet.

EDI RAMA: AEI

Rai3: AEI quhet.

EDI RAMA: Unë di që ai punon për Ernst & Young në Itali.

Rai3: Ka një shoqëri lobimi edhe në Itali.

EDI RAMA: Dhe nuk është shoqëri lobimi.

Rai3: Jo, ai ka një shoqëri lobimi të tijën në Itali.

EDI RAMA: Nuk jam në dijeni të ndonjë shoqërie lobimi, por do t’ju kërkoja ta lini jashtë Massimo D’Alema-n nga ky not në baltë që po bëjmë së bashku.

Rai3: Nuk është not në baltë, sepse një ish-ortak i tiji, Consulcesi.

EDI RAMA: Kush është?

Rai3: Consulcesi, që ka hapur një shoqëri trajnimesh.

EDI RAMA: Ish-ortak i kujt?

Rai3: I D’Alema-s

EDI RAMA: Po, unë nuk e di…

Rai3: Massimo Tortorella. Ju keni marrë pjesë në vitin 2019 bashkë me D’Alema-n në përurimin e kësaj shoqërie, të këtij filiali në Tiranë, i cili, edhe në Itali, ka treqind-katërqind punonjës.

EDI RAMA: E pastaj?

Rai3: Në atë rast, Ministrja e Shëndetësisë shpalli të detyrueshëm formimin profesional për mjekët, në mënyrë që të ushtrojnë profesionin.

EDI RAMA: E pabesueshme! E pabesueshme!

Rai3: Pse?

EDI RAMA: E pabesueshme! Ne duam, kemi dashur të shfrytëzojmë një ekselencë italiane, për të kryer një proces aftësimi, të themi, të rritjes së aftësive në sektorin tonë shëndetësor dhe kjo kthehet në një problem?

Rai3: Jo, nuk është problem. Është thjesht një rrethanë që më bën kureshtar, që ish-ortaku i Massimo D’Alema-s hap një shoqëri këtu dhe kjo shoqëri, në momentin që hapet, ka një vendim që e favorizon njëfarësoj, edhe në raport me subjekte të tjera….

EDI RAMA: Po pastaj çfarë ndodhi?

Rai3: Nuk e di, për këtë po ju pyes.

EDI RAMA: Më vjen keq, po nuk ndodhi asgjë. Më vjen keq, duhej të ndodhte, po ja që nuk ndodhi.

Rai3: Edhe Vittorio Sgarbi ka ardhur t’ju trokasë në derë, në një farë pike.

EDI RAMA: Ka qenë gjithnjë nder të pres Vittorio Sgarbin. Është një italian i madh. Librat e tij do të mbeten, artikujt për të do të zhduken. Kjo është historia. Kur të flitet për Vittorio Sgarbin, do flitet për librat e tij, për njohuritë e tij mbi artin, për mënyrën e qëndrimit dhe të të bërit televizion, që është sigurisht ultra provokuese, por artikujt për të s’mendoj do i lexojë kush.

Rai3: Më lejoni ta them ca me provokim, që është paksa konflikt interesi që ai është një vlerësues i madh i artit të tuaj.

EDI RAMA: Ah, jam në konflikt interesi unë me Vittorio Sgarbin?

Rai3: Po, e thashë në mënyrë provokuese dhe simpatike. Ai është një vlerësues i madh i artit tuaj, Vittorio Sgarbi.

EDI RAMA: Po unë nuk fola për vlerësimin e tij për artin tim. Unë fola për vlerësimin tim për Vittorio Sgarbin. Konflikt interesi mund të ishte nëse unë do thoja se Vittorio Sgarbi është i madh, sepse çmon artin tim ose se Vittorio Sgarbi vlerëson artin tim, ndaj ai është i madh. Unë nuk e thashë. Ju më pyetët për Vittorio Sgarbin. Nuk e di se ç’hyn, por e kuptoj që Vittorio Sgarbi tani është pjesë edhe njëherë e një përplasjeje të madhe në Itali dhe ju doni ta sillni tek unë.

Rai3: Kam një pyetje specifike, sepse i njëjti burim qeveritar të cilit iu referova më parë pretendon se ju keni kërkuar, edhe përpara ministrave të tjerë, një koncesion shtetëror, një PPP.

EDI RAMA: Për Vittorio Sgarbin?

Rai3: Po, pikërisht.

EDI RAMA: Po kush jua thotë këto histori?! Po çfarë janë këto histori. Një PPP për Vittorio Sgarbin!

Rai3: Po, një hotel me lehtësira fiskale.

EDI RAMA: Po a e imagjinoni dot ju Vittorio Sgarbin që administron një hotel. Do të ishte bordelloja më e madhe në historinë e hotelerisë, ndjesë.

Rai3: Me bordello e ke fjalën tamam për atë bordello?

EDI RAMA: Jo, për atë bordello ndoshta e keni fjalën ju, sepse…

Rai3: Thjesht po ju pyes.

EDI RAMA: Ne kemi një thënie, gjuha vete ku dhemb dhëmbi. Unë e thashë “një bordello e madhe” në kuptimin e rrëmujës. Po ju menduat bordello, se ndoshta do e kishit kënaqësi të vizitonit bordellon e Vittorio-s.

Rai3: Jo, jam lumturisht i martuar dhe i dënuar me monogami.

EDI RAMA: E dini që ata që i frekuentojnë më shpesh bordellot janë…

Rai3: Burrat e martuar? E di. Në fakt, ndoshta thjesht do të mbante emrin e tij, por nuk do ta administronte Sgarbi.

EDI RAMA: Po ç’është kjo histori?! S’ka pasur kurrë një histori të tillë. Çfarë po thoni. Ai ka ardhur shumë herë. Kemi folur edhe për të krijuar rrethana ku Shqipëria të ishte një destinacion arti, po kurrë nuk ka ndodhur një gjë e tillë. Më falni, po çfarë është ky, një proces gjykimi për qëllimet?

Rai3: Jo, është thjesht një ballafaqim i dëshmive të mbledhura, thjesht kaq.

EDI RAMA: Po…

Rai3: Unë mbledh dëshmitë, vij te ju dhe i ballafaqoj drejtpërdrejt.

EDI RAMA: Sipas meje, ka një problem të madh, sepse ju mblidhni thashetheme, nga njëri cep në tjetrin, nga persona që flasin, që thonë “kemi takuar”, “kemi parë”.

Rai3: Persona që thonë se i kanë parë drejtpërdrejt.

EDI RAMA: Më fal, po faktet, faktet, ku janë faktet? Mirë pra, jemi parë me Vittorio-n, kemi menduar të hapim një bordello, në kuptimin me të cilin e merrni ju. Po faktet ku janë? Ku është bordelloja? Ë? Atëherë, si mund të shpenzohet koha e publikut italian, e shërbimit publik italian duke folur për thashetheme. Fole për këtë, a e pe atë, a e pe këtë tjetrin. Më falni, po për çfarë po flasim?

Rai3: Për fat të keq, është gazetari hulumtuese. Mund të jetë punë e pisët, por mban në këmbë demokracinë, Kryeministër.

EDI RAMA: Gazetaria hulumtuese, sipas meje, është që ju hulumtoni dhe pastaj vini tek unë duke më paraqitur faktet dhe më gozhdoni me fakte, jo duke u përpjekur të më vini në siklet me thashetheme dhe duke folur për njerëz, për emra, për gjëra, për persona që, në fund të fundit, në një gazetari demokratike duhet të kenë të drejtën e dinjitetit personal. Çdo person që përmendet me emër duhet të ketë të drejtën e dinjitetit personal, për të mos u tallur me të, për të mos u vënë në mes të një ngatërrese të madhe, duke i krijuar probleme në familje, duke i krijuar probleme me miqtë, duke i krijuar probleme në qytetin e tij, sepse është përmendur nga shërbimi publik italian. Këto janë gjëra të pabesueshme. Ndërsa unë jam këtu për faktet. Duhet të më tregosh një fakt për të cilin duhet të përgjigjem, po me “kam takuar këtë, kam takuar atë tjetrin, pashë njërin, dikush më tha”. Për çfarë po flasim?

Rai3: Folëm edhe për koncesione që u janë personave që merren me pastrim parash për kartelin Sinaloa.

EDI RAMA: Ja, prapë.

Rai3: Domethënë, po flasim për fakte konkrete. Po flasim për shoqëri tregtare që vijnë dhe ngrenë selitë e tyre këtu. Po flasim për fakte dhe dëshmitë e atyre që sjell nuk vijnë nga gazetarë, njerëz nga rruga a politikanë, po flasim për një figurë që ka pasur poste të larta në qeveri.

EDI RAMA: Nuk po flasim për asnjë figurë dhe nuk po flasim për asgjë, sepse ju më flisni për diçka që unë as e di që ekziston, që ka një hetim e kështu me radhë dhe më flet për diçka që i takon drejtësisë, nuk më takon as mua as juve, i takon drejtësisë. Pastaj, fakti që..

Rai3: Po më takon edhe mua, se unë nuk duhet t’i nënshtrohem drejtësisë, ky hetim është i pavarur nga drejtësia.

EDI RAMA: Jo, e kisha në kuptimin e fakteve për personin, jo që ju të mos bëni punën tuaj, edhe ajo na duhet.

Edi Rama

TIRANË- Kryeministri Edi Rama gjatë intervistës me gazetarin e emisionit "Report", i cili transmetohet në RAI 3, u ndal edhe tek akuza se në Shqipëri ka ndikim të fortë mafia. Gjatë intervistës, Rama nuk e mohon se ka faktorë të mafias, që ndikojnë në ekonomi, por ai nuk shikon politikanë të ndotur nga mafia në Shqipëri. Sipas tij, Shqipëria është shumë e vogël për pasurinë që kanë personazhet e botës së krimit. 

"Politikë të ndotur nga mafia në Shqipëri, ua them sinqerisht, që nuk e shoh. Nuk e shoh! Fuqi për t’u imponuar, fuqi për të devijuar vendime të rëndësishme, fuqi për të kontrolluar pjesë të asaj ekonomie që administron shteti, unë nuk e shoh. Faktet nuk e thonë. Shpresoj që të mos jetë rasti për ketë, sepse nuk është këtu aktiviteti. Çfarë të bëjnë këtu? Për këtë arsye, kur ka hetime jashtë vijnë edhe tek ne. Edhe pse ata janë pasuruar shumë. Nuk është Shqipëri, nuk i mjafton as Europa, jo më Shqipëria,"-tha Rama. 

PJESË NGA INTERVISTA:

Rai3: Po duhet t’i dallojmë.

Edi Rama: E thashë, ka një faktor të mafies shqiptare.

Rai3: Që ka ndotur ekonominë shqiptare apo jo?

Edi Rama: Nuk ka dyshim që ka një faktor të mafies shqiptare në territorin e mafies, nuk diskutohet. Është e kotë ta diskutojmë këtë. Që ka sigurisht një luftë kundër krimit të organizuar në Shqipëri ka, sepse ata janë nuk është se nuk janë dhe po luftojmë me mullinjtë e erës. Nuk diskutohet që është një luftë që vazhdon, është një luftë që ka pasur sukses shumë të konsiderueshëm dhe nuk e them unë. Në lidhje mjaft të ngushtë me Italinë dhe me agjencitë ndërkombëtare, por, së pari, me Italinë, në të gjitha planet, nga Policia, te gjykatësit, Italia na ka dhënë një dorë shumë të madhe. Që kjo luftë vazhdon nuk ka diskutim, por ashtu siç e thatë me të drejtë që Italia ka shënuar përparim të konsiderueshëm në këtë luftë, edhe ne kemi bërë përparim shumë të rëndësishëm në këtë luftë. Po që ka kriminelë, nuk diskutohet. Që merr forma të reja, nuk diskutohet. Po, që të thuash se kontrollon ekonominë shqiptare, është...

Rai3: Ndot, ka ndotur, siç ndot edhe politikën. Kjo është pyetja.

Edi Rama: Politikë të ndotur nga mafia në Shqipëri, ua them sinqerisht, që nuk e shoh. Nuk e shoh! Fuqi për t’u imponuar, fuqi për të devijuar vendime të rëndësishme, fuqi për të kontrolluar pjesë të asaj ekonomie që administron shteti, unë nuk e shoh. Faktet nuk e thonë. Shpresoj që të mos jetë rasti për ketë, sepse nuk është këtu aktiviteti. Çfarë të bëjnë këtu? Për këtë arsye, kur ka hetime jashtë vijnë edhe tek ne. Edhe pse ata janë pasuruar shumë. Nuk është Shqipëri, nuk i mjafton as Europa, jo më Shqipëria. Por e pranoj në këtë pjesë e pranoj, jam injorant dhe pres leksione nga ju. Sa për gazetarinë, iu jap leksione sepse ka diçka që ndjehet, ka një protagonizhëm që shkon përtej punës. Bëni zërin e popullit, edhe për mendimet që kanë për politikanët, që janë të gjithë të korruptuar, kriminelë, etj. Mund të vini persona që nuk e meritojnë në një situatë ku ndjehen të keqardhur, ndjehen të keqardhur./ZËRI

TIRANË- Kryeministri Edi Rama ka dhënë një intervistë për televizioni italian të “Rai 3” duke komentuar akuzat e ngritura ndaj tij, nga ana e ish-zëvendëskryeministrit, Arben Ahmetaj. Gjatë intervistës, gazetari Giorgio Mottola i bëri disa pyetje lidhur me akuzat e bëra nga Ahmetajt, por Ramës nuk ia prezantoi me emër. Si përgjigje, Rama u shpreh se burimi i medias italiane, nga ajo që po dëgjonte, duhet të kishte probleme me drejtësinë. 

"Unë nuk do iu besoja shumë atyre që flasin pasi nuk ua ngroh më të ndenjurat karrigia e pushtetit. Nuk janë njerëz që duhen marrë seriozisht,"-tha Rama. 

Po ashtu, gazetari e ka pyetur Ramën edhe për Luftar Hysën, një emër që më pas është konsideruar nga Kanadaja si një nga narko-trafikantët e Amerikës Latine, i cili pastron para në emër të kartelit "Sinaloa". Lidhur me takimin, Rama tha e ka pritur njëherë në zyrën tij, pa e ditur se kush ishte. Për kreun e qeverisë, personazhe të tillë janë subjekt i ligjeve dhe institucioneve shqiptare. 

PJESË NGA INTERVISTA: 

Pyetje: Kemi folur me një ish-eksponent të qeverisë tuaj, i cili pretendon se ka paralajmëruar për kanabizimin për ekonominë...
Edi Rama: Nuk e di me kë keni folur ju, por unë nuk do iu besoja shumë atyre që flasin pasi nuk ua ngroh më të ndenjurat karrigia e pushtetit. Nuk janë njerëz që duhen marrë seriozisht
Pyetje: Ai pretendon se në këtë zyrë kanë ardhur edhe shefat e organizatave kriminale shqiptare dhe i keni takuar këtu?
Edi Rama: I njëjti burim? Duhet të jetë burim i ndotur dhe duhet të ketë probleme me drejtësinë.
Pyetje: Ka pasur role të rëndësishme.
Edi Rama: A kemi një thënie në Shqipëri, pyll pa derra nuk ka.
Pyetje: A është e vërtetë apo jo?
Edi Rama: Dua të them edhe një gjë që e bënte të neveritshëm reportazhin tuaj. Nga romakët, tek civilizimi ynë, i takon barra atij që akuzuon të vendosë para faktet. Nuk është kjo mënyra për të përdorur publikun. Njerëzit janë shumë më të pritur të besojnë gënjeshtrat sesa të vërtetën. E vërteta nuk bën lajm. Krerët e bandave kriminale më kanë ardhur këtu, unë vizatoja dhe ata më vinin përpara hartat e tyre të trafiqeve, do të ishte film i bukur. Si mund të bëjmë një intervistë me ju dhe ne e sjellim në këtë nivel të ulët dhe flasim për njerëz që nuk janë këtu. Përgjigjia ime është kjo: Nuk është shërbim publik të përmendësh emra njerëzisht. Mediat shqiptare nuk bëjnë diferencën. Neveria e Report është mjaltë, krahasim me median shqiptarë. Unë flas me ju, me një njeri që prezanton katergorinë që të themi që është krijuar nga Montanelli dhe jo Enver Hoxha.
Pyetje: Si e keni takuar Luftar Hysën?
Edi Rama: Nuk dua të humb mundësië për të dalë në transmetim tek ju me emra që nuk e di as çfarë do të thonë. Më flisni për emra që nuk hyjnë. Unë takohem me shumë njerëz, jam përgjegjës për atë që bëj vetë dhe atë që janë personazhet që vijnë tek unë. Kur zbulohet që nuk është në rregull, i përket drejtësisë. Nëse unë iu them më falni, po ju takoheni me Bechettin, çfarë hynë? Faktet janë ndryshe. Aty ka një investim i një familje të njohur në Vlorë, babai ka qenë i njohur sepse ka ngritur zërin kundër ndërtimit të Petroliferës italiane. Ajo familje ka ndërtuar Marina Bay. Ai që njoh më tha se duam të të takojmë sepse është një kushëri që jeton në Meksikë dhe që dëshiron të na ndihmojë për të menaxhuar kazinonë. I thashë mirë, ejani. Erdhën, i takova më thanë thjesht se çfarë donin të bënin, nëse kishin pengesa. I thashë që ne kemi një kuadër të thjeshtë, për të stimuluar hotelet me 5 yje, kemi bërë një paketë pa taksa për 10 vjet, etj. Ata e kanë ndërtimin me 5 yje dhe automatikisht e kanë marrë licensën. Ai erdhi me atë për këtë gjë. Kjo është e gjitha. Një herë e kam parë në jetë. E kam parë që e kanë hapur. A është investitor, administrator? Nuk e di. Është e vështirë të bësh dallimin duke u nisur nga zërat. Flas nga ana ime. Nuk e kam idenë.
Pyetje: Do e ndaloni Valona Construction që sipas autoriteteve kanadeze është kompani guackë e Hysës?
Edi Rama: Nuk jap koncensione, apo çfarëdo qoftë. Nuk jam shteti, jam kryeministri. Shteti ka struktura dhe ka organizata. Krimineli italian që është dënuar me 17 vjet këtu, i është drejtur gjykatës për një problem që ai pretendon se është krijuar nga ne. Pra duhet kaluar nëpër rrugë ligjore për çdo subjekt. Unë nuk kam takuar asnjë pastrues parash, jam takuar me shqiptarë, më kan thënë arsyen e takimit, dhe nuk më duket se dikush ka përfituar favore. Atëherë nëse ndonjë del i kriminel, këtu ka ligje. Është drejtësia./ZËRI

Edi Rama

TIRANË- Kryeministri Edi Rama ka dhënë një intervistë për televizioni italian të “Rai 3”, në vijim të publikimin e investigimit të emisionit “Report” duke cekur edhe temën e ndërtimeve në Tiranë. Në fjalën e tij, Rama tha se ndërtimet do të shtohen 5 vitet e ardhshme për shkak të kërkesës, duke u shprehur se blerësit janë shqiptarët që jetojnë jashtë vendit. Po ashtu, u shpreh se blerja e tyre nuk ka lidhje me paratë e pista.

PJESË NGA INTERVISTA:

Pyetje: Vijmë tek çështja e narkoshtetit
Edi Rama: Po ç'narkoshtet?! Nuk iu duket se po më jepni vetë një provë të neverisë së atij programi? Të quash narkoshtet një vend që ka çelur negociatat për t'u anëtarësuar në BE. Të çelësh negociatat me BE nuk është si të hapësh një program televiziv por të mbledhës bashkë pikëpamje të përafërta, ka të bëjë me kontrollin e detyrave të shtëpisë që janë të monitoruara fakt për fakt. Po, e di, personazhet që zgjodhët të ftonit pa të drejtë replikë e mendojnë ashtu, por të gjithë kanë probleme me drejtësinë.
Pyetje: Ka pasur një rritje eksponenciale të mafias shqiptare...
Edi Rama: Kush e thotë këtë? Ishte një kohë kur në media italiane thoshte ishte "shqiptar" për çdo gjë të mundshme, ai program më la atë shije. Unë besoj që kur flitet për gjëra të tilla duhen parë faktet. Të flasësh për rritje eksponenciale do të thotë të flasës për mafia ndërkombëtare që nuk njeh kufinj, nuk njeh etni. El Doradon nuk e ka në Shqipëri, por në Holandë. Pse nuk thuhet asnjëherë që Holanda është narkoshtet? Por është shumë e thjeshtë që ta quash Shqipërinë narkoshtet.
Pyetje: Tirana është shndërruar, si janë financuar këto kulla?
Edi Rama: Para të gjithash, edhe kjo nuk është e vërtetë. Po ndërtojmë, janë një numër që po ndërtohet. Por pas 5 vitesh do të kemi shumë më tepër. Kemi angazhuar arkitektët më të mirë të botës. Dje isha në Lezhë, ku është vendi që kemi pritur afganët dhe ku do jenë qendrat dhe vetëm vitin e shkuar, në Lezhë, u shitën 500 pasuri të paluajtëshme për shtetas europianë.
Pyetje: Po në Shqipëri, 20% e apartamenteve janë bosh?
Edi Rama: Kush e thotë?
Pyetje: Të dhënat zyrtare!
Edi Rama: Jo, nuk është e vërtetë
Pyetje: Të dhënat nga konsumi i energjisë elektrike
Edi Rama: Prisni, prisni, se jeni ndotur së tepërmi nga burime informacioni që janë të njëanëshme dhe të vendosim pak balancë. E para, ne kemi dalë nga lista gri e Moneyval sepse kemi bërë një regjim shumë të fortë kundër pastrimit të parave. E dyta, shqiptarët që jetojnë jashtë nuk janë më shqiptarët që pastronin shtëpitë dhe që mund t'i trajtonin si skllevër. Janë persona që sot i paguajnë buxhetit italian vlera të konsiderueshme. Janë thuajse 40 mijë biznese të krijuara nga shqiptarët. Ne jemi shumë të lidhur me tokën, me rrënjët me shqiptarët. Ne kemi kryer një studim, pikërisht për të kuptuar që nuk gjendeshim përpara një flluske dhe doli që kërkesa, për të blerë apartamente është shumë më e lartë sesa oferta edhe sot. Pastaj, janë italianët, që blejnë në Shqipëri dhe Banka qendrore e Shqipërisë ka botuar një të dhënë, sipas së cilës, investimet e huaja në Shqipëri janë rritur kanë shënuar një rritje të menjëhershme falë investimeve të të huajve nga Bashkimi Europian, të cilët blejnë shtëpi apo zyrave në Shqipëri. Dhe bëhet fjalë për qindra miliona, jo për një...
Pyetje: Domethënë, edhe Kastrati i ndërton kullat me paratë e emigrantëve që kursejnë në Itali.
Edi Rama: Nuk e di saktësisht se kush janë, pasi janë të dhëna të përziera, por ju duhet të kuptoni që, për çdo banesë që shitet në Shqipëri bëhet kontrolli i origjinës së parave. Domethënë, ka marrë fund faza kalabreze, të themi, kur bliheshin shtëpi në Tiranë./ZËRI

Edi Rama

TIRANË- Kryeministri Edi Rama është ballafaquar sot në një intervistë me gazetarin italian Giorgio Mottola. Gjatë intervistës së dhënë për emisionin "Report" të RAI 3, Rama është pyetur ndër të tjera edhe për biznesmenin italian Francesco Becchetti, të cilin e ka quajtur një "kriminel të dënuar me 17 vite burg në Shqipëri". Siç edhe ndodh sa herë pyetet nga mediat shqiptare, Rama ka dhënë shumë pak komente duke u shprehur se çështja është ende në gjyq. 

PJESË NGA INTERVISTA, RAMA FLET PËR BECCHETTIN

Edi Rama: Bechetti është pika juaj e dobët, e di.
Pyetje: E imja? Jo.
Edi Rama: E keni dobësi. Zotëria është kriminel, i dënuar me 17 vjet burg në bazë të ligjit shqiptar për afera të pista, pastrim parash, etj.
Pyetje: Por një gjykatë iu detyron të paguani 135 mln euro, pse nuk i paguani?
Edi Rama: Sepse historia nuk ka përfunduar. Kush mendon se kjo histori mbaroi, besoj se duhet që të rimendohet. Nuk dua të bëj komente, por po për momendin vazhgojmë të jemi në një betejë ligjore me zotërinë./ZËRI

Edi Rama

TIRANË- Kryeministri Edi Rama deklaroi se nuk ka prova që faktojnë se i vëllai, Olsi Rama ka lidhje me trafikantë të drogës. Edhe këto akuza të përmenduar edhe në dokumentarin e parë të "Report", i cili u transmetua në Rai 3, për kreun e qeverisë janë të neveritshme. Rama tha për RAI3 se vëllai i tij ka paraqitur padi për shpifje dhe shtoi se kjo çështje i duhet lënë në dorë drejtësisë.

Pjesë nga intervista

Rai3: Ne kemi përmendur edhe vëllain tuaj, Olsi Rama.

Rama: Që është një tjetër ndërhyrje e neveritshme në jetën e dikujt që nuk ka asnjë lidhje, në jetën e dikujt që akuzohet vetëm se është im vëlla, sepse fakti nuk ekziston. Po ashtu, ai ka ngritur edhe padi dhe tani shpresoj që edhe kjo gjë do të sqarohet nga prokuroria e posaçme. Po, e kuptoni? Ju jeni shërbimi publik italian, nuk jeni një kanal shqiptar që bën si të dojë, sepse, në fund të fundit, të flasësh për të tilla gjëra të thuash që, i vëllai, aaa është akuzuar. I akuzuar nga kush, i akuzuar për çfarë? Pastaj, ku janë provat? Pastaj, këto “prova”, janë tani, shpresoj nën hetim.

Rai3: Di që është rihapur hetimi pas emisionit.

Rama: Janë nën hetim, pasi ai ka paraqitur padi për shpifje, kështu që këtu i duhet lënë në dorë drejtësisë. Por t’i marrësh gjëra të tilla e të formosh një mozaik me copëza që janë të gjitha gjysmë të vërteta. Janë të gjitha gjysmë të vërteta dhe për këtë arsye gjysmë të vërtetat janë gënjeshtrat më të mëdha, mashtrimet më të mëdha./ZËRI

Edi Rama

TIRANË- Kryeministri Edi Rama foli për marrëveshjen mes Italisë dhe Shqipërisë për emigrantët. Në një intervistë të dhënë për gazetarin Giorgio Mottola të emisionit "Report", Rama iu përgjigj pyetjeve lidhur me kampet e refugjatëve që do të ndërtohen në Gjadër dhe Shëngjin. Në fjalën e tij, kreu i qeverisë shqiptare tha se Italia nuk ishte i vetmi vend që kishte kërkuar një marrëveshje të tillë. Po ashtu shtoi se të gjithë vendet e Bashkimit Europian duhet të mblidhen për të diskutuar lidhur me këtë problem. 

INTERVISTA E RAMËS:

Pyetje: Ju e përkufizuar emisionin tim, hetimin tim si "të neveritshëm". Është gabim përkthimi apo donit vërtetë të thoshit "i neveritshëm"?
Edi Rama: Tani jeni këtu në shtëpinë time dhe nuk do doja të këmbëngulja tek ajo fjalë, por nëse doni të këmbëngulni, po ishte shumë i neveritshëm.
Pyetje: Pse?
Edi Rama: Sepse ishte shumë e qartë që qëllimi ishte të bënit një emision për qendrat e pritjes së emigrantëve dhe është e drejta juaj e shenjtë, unë nuk mundem as ta vë në diskutim, që ju të keni opinionin tuaj, dhe të informoni publikun tuaj rreth këtij opinioni. Por, ta lidhësh këtë histori italiane tuajën me gjithçka kishit qepur bashkë për Shqipërinë, qeverinë shqiptarë, për Sekretartin e Përgjithshëm të Këshillit të Ministrave, me personazhe të themi mjaft të errëta të Shqipërisë, dukej sikur mesazhi ishte se marrëveshja bëhej midis një qeverie italiane, të cilën ju nuk duhet që ta fshihni që nuk e vlerësoni dhe...
Gazetari: Ne i kemi kritikuar të gjitha qeveritë.
Edi Rama: ...dhe midis një qeverie në Shqipëri, që del si një partnere në hije, me personazhe të lidhura me trafikun e narkotikëve apo me këtë ose me atë tjetrën. Kjo është pjesa e neveritshme, jo fakti që ju trajtoni në programin tuaj problemin sesi do të administrohet e gjithë kjo marrëveshje. Edhe vënia në dyshimin e vetë idesë së marrëveshjes dhe i gjithë një mal gjysmë të vërtetash, të cilat janë gënjeshtrat më të mëdha, është e neveritshme.  

Pyetje: Do ju jap sigurisht mundësinë, të shpjegoheni për këtë punë e narkoshtetit Do ta nis nga qendrat për imigrantët. Si lindi kjo ide? Kush ua propozoi?
Edi Rama: E kam thënë dhe e përsëris, ka qenë një kërkesë mjaft miqësore nga Giorgia, nëse do ta merrja në konsideratë mundësinë për të bërë diçka bashkë për këtë dhe unë i thashë "pse jo, ta mendojmë". Pastaj, kaluan muaj dhe ajo erdhi në Shqipëri dhe patëm mundësinë që ta diskutojmë më gjatë së çfatë mund të bëhej dhe cila do të ishte pjesa jonë për këtë gjë dhe pastaj e bëmë.
Pyetje: Megjithatë, nuk mendoni që me dëbimin e emigrantëve që përpiqen të mbërrijnë në Itali drejt Shqipërisë është një shkelje e të drejtave themelore të njeriut?
Edi Rama: Kjo është një mënyrë për ta parë gjënë. Por ka edhe një mënyrë tjetër për ta parë sepse gjeografia nuk mund të jetë mallkimi i Italisë, që është lënë e vetme për shumë kohë. Në momente dramatike në kohë sepse është e braktisur sepse, nëse dikush vë këmbën në Itali, vë këmbën në Europë. Pra, nuk është një që mbërrin aty dhe Italisë i duhet ta menaxhojë vetë; është dikush që mbërrin në Europë dhe Europa duhet ta menaxhojë së bashku. Për më tepër që ka një pasazh të rëndësishëm të legjislacionit europian që është rishpërndaja dhe që qartësisht, nuk ka funksionuar. Në dëm të Italisë. Ndërkohë ne nuk jemi një vend që nuk është pjesë e BE-së, ne jemi pjesë e E-së, pra jemi një vend europian dhe në anën tjetër të detit nga Italia dhe, thjesht kemi marrë përsipër një përgjegjësi, si europianë, në kuptimin që, ju keni nevojë që ne të kontribuojmë e të marim pjesë. Nëse këtë gjë do ta kishte bërë Sllovakia, Polonia apo kushdo tjetër që është në Bashkimin Europian, por fakti që Shqipëria nuk është në BE dhe shkakton gjithë këtë zhurmë dhe, më pas, këtë interpretim do të thoja subjektik, të faktit. 

Pyetje: Po, nëse, në kohën kur shqiptarët kalonin përmes kanalit të Otrantos, të dëboheshin në Tunizi, në Egjipt, në pritje të përgjigjes, ju çfarë të mendonit?
Edi Rama: Para së gjithash, nuk është e njëjta gjë. Jemi në një situatë ku duhet një qasje e përbashkët europiane, e të gjithëve. Nuk është një temë e politikës së ditës apo interesave zgjedhore, është një çështje shumë më e madhe për të ta kthyer në një subjekt përplasjesh politike. Sepse thuajse të gjithë kur vijnë në pushtet mendojnë thuajse njësoj dhe kërkojnë të bëjnë thuajse të njëjtën gjë. Qoftë e majta apo e djathta, në Itali apo kudo, flasin për kontrollin e flukseve...Atëherë çfarë! Këtu ka nevojë për një tryezë të madhe të përbashkët të të gjithëve, përtej të majtës dhe të djathës për të kuptuar që ka një demografi që po ndëshkon një Europë të tërë që nuk duket se ka zgjidhje. Ka një nevojë për fuqi punëtore, ku do i gjejnë? Sepse nuk duket sikur të rinjtë italiane janë të pritur për të bërë më shumë fëmijë.
Gazetari: Këtu dalloj Ramën socialist.
Edi Rama: Ramën socialist? Në fakt, unë jam socialist pak i çuditshëm sepse nuk besoj në llogoret idologjike, besoj në zgjedhje që funksionojnë. Nëse një zgjidhje funksionon, funksionon dhe nuk mund të markohet si e majtë dhe e djathtë.
Pyetje: A mendoni që me këtë zgjidhje po kontribuoni në një model sesi vendet e pasura do ta zgjidhin problemin duke ua shkarkuar atë në kurriz të vendeve të varfra?
Edi Rama: Para së gjithash, Shqipëria nuk mund ta zgjidhë këtë problem çfarëdo që të bëjë. është një problem që zgjidhet së bashku, nuk transferohet dhe duhet goditur bashkarisht. Nga ana tjetër po flisja për nevojën për të mos u bërë vktimë i dëshirave kriminale të atyre që përdorin varfërinë për t'u marrë edhe paratë e fundit për t'i sjellë në Europë, pa kontroll, pa filtër. Atëherë për këtë duhet punuar, jo për faktin që pse e bën Giorgia e bën keq.
Pyetje: Do të ndërtohen qendra të tjera në Shqipëri?
Edi Rama: Ndjesë, mbi të gjitha, mendoj se pjesëmarrja e vendeve të tretë nuk është zgjidhja në vetëvete. Pjesëmarrja e vendeve të treta duhet të jetë vetëm pjesë e një zgjedhje më komplekse, sepse, nëse mendohet që vendet e treta janë zgjidhja, atëherë, nuk do të shkojmë kurrëkund, nuk do të ketë zgjidhje dhe nuk do të përfundojmë t'i biem murit që kemi përballë ose të përplasemi me ajsbergun që na ka dalë përpara. Të flasësh për këtë sfidë shumë të madhe, që ka Europa, si të ishte diçka që lidhet me zgjedhjet e ardhshme, me mandatet e ardhshme, mundësisë së ardhshme për t'u ngjitur në pushtet është njësoj sikur të luash muzikë teksa Titaniku po mbytet. Nga ana tjetër, të mbytesh, themi ne, nuk e di nëse e keni dhe ju në italisht, të mbytesh me një pikë uji dhe ta paraqesësh këtë përpjekje për të krijuar diçka pa provuar ta zgjidhësh problemin, është shumë nënçmuese dhe vërtetë qesharake.
Pyetje: Shqipëria do të pranojë qendra të tjera?
Edi Rama: Shqipëria e ka bërë këtë jo sepse ishte hera e parë që merrte një kërkesë të tillë. Kemi marrë kërkesa të ngjashme edhe nga vende të tjera, por i kemi refuzuar, sepse ishin të pakuptimta. Një gjë është të kesh një vend fqinjë, Italia është Shqipëria, dhe Shqipëria është Italia. Por të presësh këtu njerëz të shkresë që i sjellin nga Anglia, nuk është diçka që bëhet. Duhet të krijohet sinergji. Pra jo, kurrë.
Pyetje: I keni kërkuar Kosovës që të pranojë hapjen e qendrave të tilla?
Edi Rama: Unë? Jo1 Pse duhet t'ia kërkoj? Ndoshta e kanë kërkuar të tjerë, më duket se kanë bërë një marrëveshje me Danimarkën, por nuk e di si e kanë lënë./ZËRI