U shpall fajtor, reagon Donald Trump: Vendim i padrejtë!
SHBA- Ish-presidenti amerikan, Donald Trump, ka reaguar pasi u shpall fajtor për falsifikim të dokumenteve të biznesit. Në një konferencë për media të premten ish-presidenti ka thënë se vendimi që ai të shpallej fajtor për falsifikim të dokumenteve të biznesit, “është bërë nga presidenti aktual Joe Biden dhe njerëzit e tij”.
“Për sa i përket vetë gjyqit, ishte shumë i padrejtë. Ne nuk na lejuan të përdornim ekspertin tonë zgjedhor në asnjë rrethanë. E patë se çfarë ndodhi me disa nga dëshmitarët që ishin në anën tonë, ata u kryqëzuan nga ky njeri”, tha ai.
Ai pretendon se gjyqtari “nuk do të na lejonte të kishim dëshmitarë, nuk do të na lejonte të flisnim, nuk do të na lejonte të bënim asgjë.
“Gjyqtari ishte një tiran. Ne e pamë këtë me Bob Costello.”-tha Trump.
Donald Trump u bë ish-presidenti i parë që u dënua për vepra penale të enjten pasi një juri në Nju Jorkut e shpalli atë fajtor për falsifikimin e dokumenteve për të fshehur një pagesë në këmbim të heshtjes së një aktoreje të filmave pornografikë, përpara zgjedhjeve të 2016-ës./ZËRI
SKEMA e pagesave! Një vështrim në 34 akuzat me të cilat u përball ish-presidenti Donald Trump
SHBA-Donald Trump u shpall fajtor nga Gjykata Federale e Manhatan për të gjitha akuzat në ngarkim të tij. Juria në Nju Jork e shpalli atë fajtor në lidhje me 34 akuza për falsifikimin e dokumenteve, një skemë kriminale të dhënies së ryshfetit për të ndikuar në rezultatin e zgjedhjeve të 2016-ës. Sipas urdhrit të gjykatës, Trump u përpoq të blinte heshtjen e Daniels në mënyrë që ajo të mos fliste publikisht për marrëdhënien që kishte pasur me të më herët, para zgjedhjeve të vitit 2016.
Skema e pagesave për blerjen e heshtjes
Gjatë zgjedhjeve presidenciale të vitit 2016, Trump dhe të tjerë përdorën një skemë falsifikimi për të zhdukur informacione negative rreth tij dhe për të rritur përspektivat e tij elektorale. Trump u gjet fajtor për të 34-ër akuzat ndaj tij. Akuzat janë të lidhura me një seri çeqesh që i janë shkruar avokatit të tij, Michael Cohen. 11 fatura, 12 kupona dhe 11 çeqe, ishin provat kundër Trump, që përbëjnë veprimet financiare mujore të pagesave të ish-presidentit për avokatin e tij Michael Cohen. Çdo çek u regjistrua legalisht si pagesë për shërbimet ligjore.
Ish-presidenti pagoi shuma të mëdha parash duke përfshirë një pagesë prej 30 mijë dollarësh për një roje në Trump ToWer, i cili pretendoi se Trump kishte një fëmijë jashtë martese. Në një tjetër rast, dyshohet se ka paguar 150 mijë dollarë për një grua që pretendonte se kishte kryer marrëdhënie me Trump.
Akuza e falsifikimit të të dhënave të biznesit është një nga veprat më të lehta penale në shtetin e Nju Jorkut. Vendimi i gjykatës nuk e pengon Trump që të vazhdojë fushatën për zgjedhjen presidenciale të Nëntorit. /ZËRI
Kush është Stormy Daniels? Historia me pornostaren që “fundosi” Donald Trump
SHBA- Shpallja fatjor e Donald Trumpit për 34 vepra penale shënon fundit e procesit historik gjyqësor penal ndaj ish Presidentit, por beteja për këtë çështje vazhdon. Gjykata e gjeti atë fajtor në lidhje me 34 akuza për çështjen Stormy Daniels. Por kush është Story Daniels dhe si nisi historia me ish-presidentin Donald Trump, që përfudnoi dyerve të gjyqit? Ylli i filmave për të rritur raportohet se u pagua nga Donald Trump 130 mijë dollarë për ta bërë atë të heshte dhe të mos dilte në publik përpara zgjedhjeve të 2016-ës, për të folur për lidhjen e saj të dyshuar jashtëmartesore me Trump.
Si filloi historia e tyre
Stormy Daniels deklaroi se Donald Trump i tha asaj në vitin 2006 se seksi me të ishte mënyra e vetme që ajo do të dilte nga "jeta e ulët që bënte". Gati dy dekada më vonë, ajo dëshmoi kundër Trump si një dëshmitare vendimtare kundër tij. Pak para zgjedhjeve presidenciale pornostarja tha se do të tregonte historinë e saJ me Trump, mirëpo ky i fundit përmes avokatit të tij i pagoi asaj 130.000 dollarë që të qëndronte e heshtur.
Daniels dëshmoi me detaje për takimin e saj të pare me ish-presidentin amerikan në një hotel në Lake Tahoe, Nevada, ku të dy u takuan në një turne golfi të famshëm. Aktorja e filmave për të rritur ka treguar se ajo shkoi për të ndihmuar në promovimin e turneut dhe u takua me Trump në fushën e golfit. Në kohën e takimit të tyre në Liqenin Tahoe në vitin 2006, Trump ishte 60 vjeç ndërsa Daniels vetëm 27-vjeç.
“Ai ishte po aq i vjetër ose më i vjetër se babai im. Ishte një takim shumë i shkurtër”, -dëshmoi ajo.
Ajo thotë se pas turneut të golfit është takuar sërish me Trump në një suitë, ndërsa shton se nga të gjitha gratë e filmave për të rritur që morën pjesë në këtë turne, ish-presidenti kishte kujtuar vetëm atë. Sipas saj, ka qenë truproja e Trump i cili i është afruar dhe i ka dhënë ftesën për të ngrën një darkë më ish-presidentin, por sipas saj ajo fillimisht ka refuzuar. Daniels thotë se pasi ajo refuzoi ftesën e Trump për darkë, truproja e tij Keith Schiller mori numrin e saj të celularit dhe më pas i dërgoi mesazh. Ajo tha se kishte një darkë tjetër, por publicisti i saj e inkurajoi të shkonte në darkë me Trump, dhe më pas shkoi. Më tej ajo përshkruan atë që ndodhi më pas në dhomën e hotelit.
Ajo u shpreh se e mori pagesë nga frika. Në vitin 2018, Daniels kujtoi se si një burrë i panjohur iu afrua asaj dhe vajzës së saj të mitur në një parking në Las Vegas dhe i tha asaj që "të linte Trump të qetë".
A është e paligjshme të paguash para të heshtura?
Nuk është e paligjshme. Por prokurorët janë fokusuar në mënyrën se si rimbursimi i ish-avokatit të Donald Trump Michael Cohen u regjistrua në llogaritë e ish-presidentit. Ai akuzohet se ka falsifikuar të dhënat e tij të biznesit duke e kategorizuar pagesën si tarifë ligjore. Transferta bankare erdhi vetëm disa ditë para zgjedhjeve presidenciale. Prokurori i Qarkut Alvin Bragg pretendon se Trump u përpoq "të fshihte krimet që fshihnin informacione të dëmshme nga publiku votues". Në gusht 2018, Cohen u burgos, pasi u deklarua fajtor për evazion fiskal dhe shkelje të rregullave të financimit të fushatës, pjesërisht në lidhje me pagesën e tij ndaj Stormy Daniels.
Trump u shpall fajtor pas akuzave të saj, reagon Stormy Daniels
SHBA-Aktorja e filmave për të rritur Stormy Daniels është ende duke përpunuar lajmin e dënimit të Donald Trump, në gjyqin e tij penal të mashtrimit për të mbuluar një pagesë, për të blerë heshtjen e një yllit të pornos pak para zgjedhjeve presidenciale të 2016 në SHBA.
"Daniels “ ndihet paksa e shfajësuar duke vërtetuar se po thoshte të vërtetën, pas këtij procesi të gjatë gjyqësor në të cilin ajo ka qenë protagoniste. Kjo nuk do të kishte ndodhur pa të, por nuk ishte as rasti i saj",-shpjegoi bashkëshorti i saj Barrett Blade, i cili është gjithashtu një aktor filmash për të rritur, në një intervistë për CNN.
Ylli i filmave për të rritur raportohet se u pagua nga Donald Trump 130 mijë dollarë për ta bërë atë të heshte dhe të mos dilte në publik përpara zgjedhjeve të 2016-ës, për të folur për lidhjen e saj të dyshuar jashtëmartesore me Trump. Emri i vërtetë i ish-striptistes, yllit porno, regjisores dhe sipërmarrëses është Stephanie Clifford. E lindur në vitin 1979, ajo festoi së fundmi ditëlindjen e saj të 45-të, është divorcuar tre herë dhe për sa i përket preferencave seksuale, deklarohet biseksuale. Stormy Daniels është nënë e një fëmije, e cila ka lindur në vitin 2011.
/ZËRI
Dënimi i Trump 'nxeh gjakrat' e mbështetësve, nga deklaratat për dhunë tek vrasja e gjyqtarëve
Mbështetësit e ish-presidentit Donald Trump, të indinjuar nga dënimi i tij nga një juri e Nju Jorkut për të 34 akuzat kundër tij, vërshuan faqet e internetit që mbështesin Trump me thirrje për trazira dhe hakmarrje të dhunshme. Pasi Trump u bë presidenti i parë i SHBA-së që u dënua për një krim, mbështetësit e tij u përgjigjën me dhjetëra postime në internet, sipas Reuters, i cili gjurmoi komentet në tre faqe interneti të afërta me ish-presidentin: Truth Social, Patriots win dhe Gateway Pundit.
Disa kërkuan sulme ndaj anëtarëve të jurisë, ekzekutimin e gjyqtarit Juan Merchan, ose bënë thirrje për luftë civile dhe rebelim të armatosur.
"Dikush në Nju Jork që nuk ka asgjë për të humbur duhet të organizojë Mercha," shkroi një komentues në Patriots.win.
“Le të shpresojmë që ai të dalë ballë për ballë me një “banditë” me hanxhar”, thuhet në një tjetër postim, duke iu referuar emigrantëve të paligjshëm.
Në Gateway Pundit, një përdorues sugjeroi që të fillonin të qëllonin votuesit liberalë.
"Koha për të filluar të vrasim disa majtas," shkruhej në postim.
"Kjo nuk mund të rregullohet me zgjedhje."
Kërcënimet për dhunë dhe gjuhën e urrejtjes janë rritur që kur Trump humbi zgjedhjet presidenciale të vitit 2020, të cilat ai pretendon se ishin të manipuluara, por për këtë nuk ka prova. Tani që ai ka nisur fushatën e tij të rizgjedhjes, republikani po i quan gjyqtarët dhe prokurorët që trajtojnë çështjet në pritje kundër tij mjete të korruptuara të administratës së Presidentit Joe Biden. Mbështetësit e tij po përgjigjen me një fushatë kërcënimesh dhe frikësimi kundër gjyqtarëve dhe zyrtarëve të gjykatave./ZËRI
Robert De Niro ofendon Trump dhe zihet me mbështetësit e tij jashtë gjykatës
Aktori dhe ikona e njohur e kinematografisë botërore Robert De Niro është shfaqur i zemëruar me rastin e dënimit të ish-presidentit amerikan Donald Trump për të 34 akuzat në gjyqin penal me yllin porno Stormy Daniels. Ndërkohë që gazetarët prisnin shpalljen e vendimit të gjykatës së Nju Jorkut dhe mbështetësit e Trump po demonstronin në favor të tij, Robert De Niro sulmoi Trump, duke e quajtur të çmendur.
Aktori nuk ka hezituar dhe është përballur ashpër me mbështetësit e Trump, duke përsëritur se presidenti amerikan është “tiran dhe asgjë tjetër”, ndërsa mbështetësit e tij që shanin aktorin i quajti “gangsterë”.
WOW! MAGA is absolutely losing their mind after Robert DeNiro verbally tussled with Trump Supporters outside the courthouse in New York City.
— CALL TO ACTIVISM (@CalltoActivism) May 28, 2024
I STAND with Robert DeNiro 100%!
De Niro called Trump a “tyrant” and called protesters “gangsters” as they cursed at him.
He appeared… pic.twitter.com/12JmzyVWic
“Ju nuk e kuptoni që Trump dëshiron të mbjellë kaos absolut, gjë që më në fund ia doli ta bëjë”, tha ai.
“Nëse ai kthehet në Shtëpinë e Bardhë, ne do të humbasim të gjitha liritë e fituara. Ai nuk do të largohet kurrë”, shtoi Robert De Niro.
Robert De Niro gjithashtu tha në deklaratat e tij se Trump përveç se është "i çmendur" është "një klloun" që "pas shkatërrimit të Nju Jorkut dëshiron të shkatërrojë vendin dhe të gjithë botën"./ZËRI
Donald Trump i pari ish-president që dënohet për vepra penale, e bija i del në mbrojtje
SHBA- Donald Trump është i pari ish-president i SHBA, që shpallet fajtor për vepra penale. Gjykata e gjeti atë fajtor në lidhje me 34 akuza për çështjen Stormy Daniels. Pas vendimit të gjykatës, që Trump e quajti të papranueshëm, ka ardhur dhe reagimi i parë nga vajza e ish-presidentit, Ivanka.
Ajo ka shpërndarë në rrjetet sociale një foto kur ajo ishte një fëmijë në krahët e të atit. “Të dua babi” ka shkruar Ivanka, një mesazh i qartë ky se ajo e mbështet babain e saj në këtë rast.
Donald Trump u bë ish-presidenti i parë që u dënua për vepra penale të enjten pasi një juri në Nju Jorkut e shpalli atë fajtor për falsifikimin e dokumenteve për të fshehur një pagesë në këmbim të heshtjes së një aktoreje të filmave pornografikë, përpara zgjedhjeve të 2016-ës.
Sipas urdhrit të gjykatës, Trump u përpoq të blinte heshtjen e Daniels në mënyrë që ajo të mos fliste publikisht për marrëdhënien që kishte pasur me të më herët, para zgjedhjeve të vitit 2016./ZËRI
Shpallja fajtor e Donald Trumpit, çfarë duhet të dini! A e pengon dënimi në garën e Nëntorit për president
SHBA- Shpallja fatjor e Donald Trumpit për 34 vepra penale shënon fundit e procesit historik gjyqësor penal ndaj ish Presidentit, por beteja për këtë çështje vazhdon.
Tani është koha e dënimit dhe mundësisë së dënimit me burg. Një proces i gjatë ankimimi. Dhe në të njëjtën kohë, kandidati i pritshëm republikan për president, duhet të vazhdojë të përballet me tre çështje të tjera penale dhe me fushatën elektorale, në fund të së cilës, ekziston mundësia që të kthehet përsëri në krye të Shtëpisë së Bardhë.
Juria në Manhatan e shpalli zotin Trump fajtor për falsifikimin e dokumenteve, si pjesë e një skeme për të ndikuar zgjedhjet e 2016, duke fshehur një pagesë ndaj një aktoreje të filmave pornografikë, e cila thotë se kishte patur një marrëdhënie intime me ish-Presidentin.
Zoti Trump u tha gazetarëve se ishte “i pafajshëm”.
Disa nga elementët kryesorë që duhet mbajtur parasysh pas vendimit të jurisë.
Shpallja fatjor e Donald Trumpit për 34 vepra penale shënon fundit e procesit historik gjyqësor penal ndaj ish Presidentit, por beteja për këtë çështje vazhdon.
Kur caktohet masa e dënimit? Gjykatësi njoftoi se do ta shqiptojë vendimin më 11 korrik, vetëm disa ditë para se republikanët ta zgjedhin zyrtarisht si kandidat për president
E drejta e zotit Trump për të votuar: Ai mund të dënohet dhe të banojë në Florida, por përsëri mund të votojë, për sa kohë nuk është në burg në shtetin e Nju Jorkut.
A do të ndikojë dënimi i zotit Trump në zgjedhjet presidenciale? Mbetet e paqartë nëse shpallja e tij fajtor për vepra penale do të ketë ndikim tek votuesit.
BURGIM?
Pyetja e madhe që shtrohet tani është nëse zoti Trump mund të burgoset. Përgjigja nuk dihet. Gjykatësi Juan Merchan njoftoi se masën e dënimit do ta shqiptojë më 11 korrik, vetëm disa ditë para Kuvendit Kombëtar Republikan, ku zoti Trump pritet të shpallet zyrtarisht kandidati i Partisë Republikane për president.
Akuza e falsifikimit të të dhënave të biznesit është një nga veprat më të lehta penale në shtetin e Nju Jorkut. Për këtë vepër parashikohet dënim deri në katër vjet burg, megjithëse dënimi në fund i takon gjykatësit dhe nuk ka asnjë garanci se ai mund të vendosë që zoti Trump të qëndrojë pas hekurave.
Masat e të tjera të dënimit mund të përfshijnë gjobë ose dënim me kusht. Po ashtu ekziston mundësia që gjyqtari të lejojë zotin Trump të mos vuajë asnjë masë dënimi derisa të ketë përfunduar i gjithë procesi i apelimit të vendimit.
Dënimi nuk e ndalon zotin Trump që të vazhdojë fushatën e tij. Bashkëshortja e djalit të ish-presidentit Trump, Lara Trump, e cila është bashkëkryetare e Komitetit Kombëtar Republikan, tha në një intervistë në rrjetin Fox News të enjten se nëse zoti Trump dënohet dhe nëse dënohet me arrest shtëpie, ai do t’i bënte virtualisht tubimet elektorale dhe takimet e tjera në kuadër të fushatës.
MUNDËSITË PËR APELIMIN E VENDIMIT
Pasi zoti Trump të dënohet, ai mund të kundërshtojë dënimin në gjykatën e apelit dhe ndoshta në gjykatën e lartë të Nju Jorkut. Avokatët e Trump tashmë kanë hedhur bazat për të apeluar, duke kundërshuar akuzat dhe vendimet gjatë procesit gjyqësor penal.
Avokatët e e zotit Trump e kanë akuzuar gjyqtarin Juan Manuel Merchan për njëanshmëri, duke përmendur faktin se e bija drejton një kompani, klientë të së cilës, ndër të tjerë kanë qenë Presidenti Joe Biden, Nën Presidentja Kamala Harris dhe demokratë të tjerë. Gjykatësi refuzoi kërkesën e mbrojtjes për t’u larguar nga çështja, duke u shprehur i sigurt në "aftësinë për të qenë i drejtë dhe i paanshëm".
Avokatët mund të hedhin në apel vendimin e gjykatësi për të kufizuar dëshminë e një eksperti.
Avokatët e zotit Trump donin të thërrisnin për të dëshmuar Bradley A. Smithin, një profesor i juridikut të cilin ish-presidenti Bill Clinton e pati emëruar në Komisionin Federal Zgjedhor (FEC). Mbrojtja synonte të rrëzonte pretendimin e prokurorisë se pagesat janë bërë në shkelje të ligjeve për financimin e fushatave elektorale.
Por në fund, pala mbrojtëse nuk e thirri atë për të dëshmuar pasi gjykatësi Merchan vendosi që zoti Smith mund të jepte informacion në lidhje me Komisionin Federal Zgjedhor, por, atij nuk i lejohet të interpretonte se si ligjet për financimin e fushatave zgjedhore lidhen me faktet e procesit gjyqësor ndaj zotit Trump, apo të jepte ndonjë opinion, nëse veprimet për të cilat akuzohet ish-presidenti mund të kenë shkelur apo jo këto ligje.
Mbrojtja mund të argumentojë gjithashtu se anëtarët e jurisë u lejuan në mënyrë të papërshtatshme të dëgjonin dëshmi nga aktorja pornografike Stormy Daniels në lidhje me marrëdhënien e pretenduar intime me zotin Trump me të në vitin 2006./VOA
Juria e shpall fajtor, Donald Trump ish Presidenti i parë që dënohet për vepra penale
SHBA- Donald Trump u bë ish-presidenti i parë që u dënua për vepra penale të enjten pasi një juri në Nju Jork e shpalli atë fajtor për falsifikimin e dokumenteve, si pjesë e një skeme për të ndikuar zgjedhjet e 2016, duke fshehur një pagesë ndaj një aktoreje të filmave pornografikë, e cila thotë se kishte patur një marrëdhënie intime me ish-Presidentin.
Juria, e cila u tërhoq për afro 10 orë për të dalë me vendim, e shpalli zotin Trump fajtor për 34 akuzat që ishin ngritur ndaj tij.
Ndërsa lexohej vendimi, ai qëndronte me një vështrim të ngrirë, ndërsa nga jashtë sallës së gjyqit dëgjoheshin brohorima nga njerëzit mbledhur aty jashtë, si kundërshtarë edhe përkrahës të tij.
“Ky ishte një gjyq i manipuluar”, tha zoti Trump duke dalë nga salla e gjyqit. “Vendimi i vërtetë do të jepet më 5 nëntor nga populli. Ai e di se çfarë ka ndodhur dhe të gjithë e dinë çfarë ndodhi këtu”, u shpreh ai.
Vendimi i fut Shtetet e Bashkuara në një terren të panjohur përpara zgjedhjeve presidenciale të 5 nëntorit, kur zoti Trump pritet të jetë kandidati i pritshëm republikan përballë presidentit demokrat Joe Biden.
Zoti Trump pritet ta apelojë vendimin dhe do të ndeshet me një realitet të ri, të pazakontë, ndërsa kthehet në fushatë elektorale, por tani si i dënuar për krime.
Gjykatësi Juan Merchan njoftoi se masën e dënimit do ta shqiptojë më 11 korrik, vetëm disa ditë para Kuvendit Kombëtar Republikan në shtetin Viskonsin, ku zoti Trump pritet të shpallet zyrtarisht kandidati i Partisë Republikane për president.
Falsifikimi i të dhënave të biznesit është një vepër penale për të cilën parashikohet një dënim me burg deri në 4 vjet, edhe pse prokurorët nuk janë shprehur nëse do të kërkojnë dënim me burg dhe është e paqartë nëse gjykatësi do të caktonte një masë të tillë edhe nëse i kërkohej. Dënimi, apo edhe burgimi, nuk e pengon zotin Trump të vazhdojë garën për Shtëpinë e Bardhë.
Prokurorët thonë se zoti Trump falsifikoi të dhënat për të fshehur rimbursimet për ish-avokatin e tij Michael Cohen, i cili i pati paguar aktores së filmave pornografikë Stormy Daniels 130 mijë dollarë në javët e fundit të fushatës elektorale të vitit 2016, që ajo të mos bënte publike pretendimet e saj për një marrëdhënie seksuale me zotin Trump të një dekade më parë.
Ish-presidenti dhe njëkohësisht kandidati i pritshëm për president i Partisë Republikane ka deklaruar pafajësinë, ka mohuar të ketë patur marrëdhënie seksuale me zonjën Daniels dhe thotë se pagesat për zotin Cohen u evidentuan siç duhet në regjistrat e kompanisë, si shpenzime ligjore.
Zoti Trump përballet edhe me tre çështje të tjera penale, por rasti që u shqyrtua në Nju Jork mund të jetë i pari që mbyllet përpara zgjedhjeve të nëntorit, duke ia shtuar edhe më shumë rëndësinë vendimit.
Edhe pse ndërlikimet ligjore dhe historike mbi vendimin janë të dukshme, pasojat politike nuk dihen, pasi vendimi më tepër mund t’i forcojë opinionet ekzistuese për zotin Trump, sesa të ndikojë për t’i ndryshuar ato.
Për çdo kandidat tjetër, një dënim nën akuza kriminale do të thoshte përfundim i garës për president, por karriera politike e zotit Trump i ka rezistuar dy përpjekjeve në Kongres për ta shkarkuar, akuzave për abuzim seksual, hetimeve të ndryshme, që nga lidhjet e mundshme me Rusinë, tek ato për përpjekje për të përmbysur rezultatin e zgjedhjeve dhe në një plan më personal, komentet e tij, që u bënë publike, se mund të bënte me gratë ç’të donte meqë ishte i famshëm.
Akuzat për të cilat i u shpall fajtor janë gjithsesi më pak të rënda sesa akuzat e tjera me të cilat ai ndeshet në tre çështje të tjera penale, ku ai është akuzuar për përpjekje për të minuar demokracinë amerikane dhe për mbajtje të paligjshme të dokumenteve tepër sekrete.
Republikanët nuk kanë dhënë ndonjë sinjal se po e tërheqin mbështetjen ndaj zotit Trump. Kryetari i Dhomës së Përfaqësuesve Mike Johnson përmes një deklarate u shpreh se kjo është “një ditë e turpshme për historinë e Amerikës”. Ai e quajti gjyqin një “proces tërësisht politik dhe jo ligjor”./VOA
