ITALI- Duket se skandalet që kanë lidhje me influenceren e njohur Chiara Ferragni nuk kanë fund. Një tjetër skandal është zbuluar nga media "Tgcom". Pas hetimeve për çështjen e pandoros Balocco "Pink Christmas" dhe akuzës për mashtrim të rëndë, duket se Prokuroria i është futur "me kokë" hetimeve për italianen.
Në vitin 2019, Chiara Ferragni njoftoi në kanalet e saj të mediave sociale për krijimin e një kukulle që ngjante me të, duke theksuar se të gjitha të ardhurat nga shitja do t'i shkonin shoqatës jofitimprurëse amerikane "Stomp Out Bullying".
“Kam vendosur të hedh hapin e parë dhe t’i bashkohem kësaj organizate jofitimprurëse që merret me bullizmin,”- tha ajo në vitin 2019 në një mesazh në rrjetet sociale për ndjekësit e tij. Për kukullën, e cila u shit kudo vetëm 5 orë pas lansimit të saj, kompania e kontrolluar nga Chiara Ferragni, "Tbs Creë", lëshoi një deklaratë ku thuhet: Të ardhurat nga shitja e kësaj kukulle i janë dhuruar shoqatës "Stomp Out Bullying" në korrik 2019 dhe se angazhimi ndaj kësaj shoqate kishte të bënte ekskluzivisht me shitjet e bëra në kanalin e tregtisë elektronike direkte dhe jo në kanale të tjera të menaxhuara nga palë të treta”.
Por a kanë shkuar paratë nga shitjet e-commerce në “Stomp Out Bullying”?
Në raportin vjetor të shoqatës për vitin 2019, emri i Chiara Ferragni ose kompanitë e saj nuk duket të figurojnë as në mesin e partnerëve, as në mesin e sponsorëve. Edhe në listën e ambasadorëve të organizatës nuk ka asnjë gjurmë nga emri i Ferragnit. Për të hedhur më shumë dritë mbi rastin, programi "Zona Bianca" kontaktoi Ross Ellis, CEO dhe themelues i "Stomp Out Bullying", në LinkedIn, i cili u përgjigj si më poshtë në lidhje me Chiara Ferragni dhe të ashtuquajturat donacionet e saj.
"Nuk e dimë kush është grua kjo grua dhe nuk kemi marrë asnjëherë donacion prej saj.”
Ndërkohë deri më tani nuk ka asnjë kundërpërgjigje nga italiania.
Çfarë ishte skandali 'Pandoro'?
-
Plani që ka Chiara Ferragni për të kapërcyer periudhën e errët
28 Dhjetor, 15:00 -
A mund të jetë fundi i epokës Ferragni?
23 Dhjetor, 14:33 -
-
Mashtrimi përmes tortës së Krishtlindjes, gjobitet Chiara Ferragni
18 Dhjetor, 10:12
Vjet, gjatë festave të fundvitit, Ferragni bënte promovimin e pandorove që mbanin emrin e saj. Influencuesja kishte premtuar se për çdo shitje të ëmbëlsirës Balocco, një pjesë e parave do të shkonin për bamirësi, por e gjitha ishte një reklamë pasi paratë shkonin vetëm për kompaninë. Mendohet që nga ky bashkëpunim të jenë fituar rreth 1 milion euro, por ka rezultuar që asnjë qindarkë nuk ka shkuar për bamirësi. Chiara bashkë më kompaninë u gjobitën me një shumë prej 1.75 milionë eurosh./ZËRI
