MOSKË- Evgeny Savostyanov, ish-kreu i agjencisë kryesore të sigurimit të Bashkimit Sovjetik ka folur për jetën e tij të mëparshme dhe rolet që ai ka pasur në udhëheqjen e Putin.
“Kam analizuar dhe studiuar dokumente, kam bërë parashikime, pavarësisht se isha kreu i KGB”, ka thënë ai. Savostyanov ka mabjtur të njëjtin pozicion edhe gjatë udhëheqjes së Boris Yeltsin dhe më pas Vladimir Putin.
Prej vitit 2023, ai jeton larg Rusisë, si pasojë e refuzimit të tij për të marrë pjesë në Operacionin Special Ushtarak që e shndërroi atë në një “agjent të huaj”. Për shkak të së kaluarës së tij, iu lejua të qëndronte në Rusi, por zgjodhi të largohej.
“Në mënyra shumë të ndryshme, Vladimir Vladimirovich dhe unë kemi një shkallë shumë të ulët pëlqyeshmërie.”
Për çfarë nuk bën kompromis Putini?
“Ai absolutisht dëshiron të hyjë në histori si “Mbledhësi i Madh i Tokave Ruse”, një prej tyre është edhe shitja e Alaskës në SHBA, pas shpërbërjes së perandorisë që filloi në 1867. Përfshirja e Ukrainës dhe Bjellorusisë në një shtet të vetëm do t’i lejonte atij të rriste popullsinë me rreth 188 milionë banorë, me një zgjerim të burimeve të mobilizimit, tregut të brendshëm të konsumit dhe fuqisë punëtore. Ishte një teori e dashur për KGB-në e vjetër. Sa më e vogël të jetë Rusia, aq më e paqeverisshme bëhet. Objektivi i saj kryesor ka një bazë praktike dhe ideologjike”.
A ka të drejtë Evropa të shqetësohet?
“Ajo duhet të zgjohet së pari dhe duhet ta bëjë shpejt. Objektivi i dytë i Putinit, një pasojë e drejtpërdrejtë e të parit, është të rifitojë rolin e tij si hegjemon evropian dhe global, e humbur me shpërbërjen e Bashkimit Sovjetik. Pak rëndësi ka nëse arrihet nëpërmjet qeverive apo regjimeve. Asgjë e re. Si veteranë të KGB-së, ishim kolegë, ai iu nënshtrua ndikimit shpirtëror të natyrës perandorake-ekspansioniste të PGU-së, Drejtorisë së Parë të KGB-së, që merrej me inteligjencën e huaj, sot SVR dhe ndikimit konservator tipike për zyrtarët e kundërspiunazhit. Në ekipin e tij të parë këto dy skuadra ishin të balancuara mirë. Kishte përfaqësues të spiunazhit të huaj si Sergej Ivanov, Igor Sechin, Sergej Chemezov dhe kundërzbulim si Viktor Ivanov dhe Nikolai Patrushev. Fakti që çështjet “të huaja” mbizotërojnë sot është domethënës për dinamikën e disponimit të Putinit”, ka thënë ai.
Çfarë kërkon presidenti rus nga negociatat aktuale?
“Ai do të pranojë një armëpushim të plotë vetëm kur të jetë i sigurt se mund të arrijë qëllimet e tij të mëdha. Ai ka nevojë për një bazë ruse në bregun e djathtë të Dnieper. Në Kherson dhe rrethinat e tij, për të qenë të qartë. Në këtë mënyrë ai do të jetë në gjendje të mbajë presionin mbi Odessa, Transnistria dhe Kishinau. Për këtë arsye, ai nuk do të pranojë kurrë vendosjen e forcave parandaluese evropiane në Ukrainë. Këto janë “vijat e kuqe” të Putinit”, tha Savostyanov./ZËRI
Ku do t'i kaloni pushimet për këtë verë?
-
Në Shqipëri
-
Do udhëtoj jashtë vendit
-
Jam i/e pavendosur
-
Nuk do të bëj fare pushime
