GREQI- Egjipti ka rikthyer pas tre dekadash, një statujë 3400-vjeçare që përshkruan kokën e mbretit Ramses II që ishte vjedhur nga vendi.
Statuja u vodh nga një tempull në qytetin antik të Abydos në Egjiptin Jugor. Data e saktë nuk dihet, por Shaaban Abdel Gawad, i cili drejton departamentin e riatdhesimit të antikiteteve të Egjiptit, tha se statuja besohet të jetë vjedhur në fund të viteve 1980 ose në fillim të viteve 1990, shkruajnë mediat e huaja.
Autoritetet egjiptiane e gjetën artefaktin kur u ofrua për shitje në një ekspozitë në Londër në vitin 2013. Statuja "u zhvendos" në disa vende të tjera përpara se të mbërrinte në Zvicër, sipas ministrisë së antikiteteve. Egjipti punoi me autoritetet zvicerane për të provuar pronësinë ligjore të statujës. Zvicra ia dorëzoi atë ambasadës egjiptiane në Bernë vitin e kaluar, por vetëm së fundmi Egjipti e solli artefaktin në vend./ZËRI
