LOS ANGELES- Përpjekjet për të shuar vatrat e zjarrit vazhdojnë në Los Angeles, ndërkohë që autoritetet po luftojnë me flakët, një alarm i kuq për shkak të erërave të forta që priten sot deri të mërkurën pasdite që mund të ndikojnë në përhapjen e zjarrit. Në zjarrin e Palisades, i cili shpërtheu më 7 janar, rreth 5000 struktura u shkatërruan dhe 14% e zjarrit u shua, raportoi televizioni ABC.
Megjithatë, gjithçka që kanë arritur zjarrfikësit e Los Anxhelosit me përpjekjet e tyre ditët e fundit mund të hidhen poshtë, pasi parashikimi i fundit i motit shqetësoi të gjithë Amerikën. I gjithë qyteti po përgatitet për më të keqen, për erëra të forta dhe “rritje shpërthyese të zjarreve të reja”.
Shefja e zjarrfikësve të Los Angeles, Christine Crowley, tha megjithatë se ekipet e saj zjarrfikëse janë të përgatitura për erëra më të forta që pritet të rrisin rrezikun e zjarrit.
"Ekipet dhe makineritë e nevojshme janë vendosur në të gjithë qytetin për të siguruar një reagim të shpejtë", tha ajo për New York Times, duke shtuar se "rreziku nuk ka kaluar" dhe u bëri thirrje banorëve që t'i binden të gjitha urdhrave të evakuimit.
Paralajmërim i kuq për erëra të forta
Erërat e fuqishme mund të rindezin dy zjarre monstruoze që kanë rrafshuar tashmë lagje të tëra, i kanë marrë jetën 24 personave dhe sipërfaqja e djegur është sa Uashingtoni.
"Erërat e thata dhe të rrezikshme të Santa Ana fryjnë midis 48 dhe 80 kilometra në orë të hënën, por paralajmërimi i kuq nuk pritet të fillojë deri në mesnatën e së hënës deri në të martën, kur erërat deri në 120 kilometra në orë pritet të arrijnë kulmin”, David Roth, një meteorolog me Shërbimin Kombëtar të Motit.
Më shumë se 8,500 zjarrfikës po luftojnë zjarrin nga ajri dhe nga toka, duke e penguar atë të përhapet më tej në të dy skajet e Los Angeles. Sherifi i kontesë së Los Angeles, Robert Luna tha se ishte shumë i shqetësuar për parashikimin e motit dhe erërat e forta të parashikuara nga meteorologët. Paralajmërimet për zjarrin lëshohen nga Shërbimi Kombëtar i Motit në të gjithë Shtetet e Bashkuara. Kriteret për lëshimin e një paralajmërimi përfshijnë, ndër të tjera, mundësinë e rrufesë (që mund të shkaktojë zjarre), erërat e forta dhe lagështia e ulët.
"Situatë jashtëzakonisht e rrezikshme"
Tani për tani, Shërbimi Kombëtar i Motit ka lëshuar një paralajmërim "jashtëzakonisht të rrezikshëm" për erërat që mund të shkaktojnë "rritje shpërthyese zjarri".
Në zjarrin Eaton, i cili gjithashtu filloi më 7 janar, rreth 7000 ndërtesa u shkatërruan ose u dëmtuan dhe 33% e zjarrit u shua. Më shumë se 15,000 njerëz dhe 1,900 kamionë zjarrfikës po marrin pjesë në shuarjen e zjarrit.
Presidenti i sapozgjedhur i SHBA, Donald Trump dëshiron të udhëtojë në Los Anxhelos pas inaugurimit të tij më 20 janar, thanë tre burime për CBS. Një burim tha se kjo mund të ndodhë javën e ardhshme. Wall Street Journal raportoi fillimisht se Trump planifikon të vizitojë Los Angeles. Të paktën 24 persona kanë vdekur dhe dhjetëra të tjerë janë zhdukur nga zjarret në zonën e Los Angeles. 92,000 njerëz u evakuuan dhe 89,000 banorë të tjerë janë nën paralajmërime evakuimi. /ZËRI
