zjarri
VLORË- Një zjarr i përmasave të mëdha ka përfshirë mesditën e kësaj të hëne fshatin Llakatund, në Vlorë.
Sipas informacioneve paraprake, flakët kanë marrë përmasa të konsiderueshme dhe janë përhapur me shpejtësi, duke dalë jashtë kontrollit. Zjarri ka përfshirë sipërfaqe me bimësi, ndërsa era e fortë po favorizon avancimin e tij drejt zonave të tjera përreth.
Menjëherë pas marrjes së njoftimit, në vendngjarje janë dërguar dy automjete të shërbimit zjarrfikës, ekipet e të cilëve po punojnë për izolimin dhe shuarjen e flakëve.
Deri më tani nuk raportohet për persona të lënduar apo banesa të rrezikuara, ndërsa autoritetet vijojnë ndërhyrjen për të vënë situatën nën kontroll./ZËRI
Poll
