SHKODËR-Një 58-vjeçar ka dhunuar dy vëllezër në Velipojë për shkaqe pronësie dhe ndaj tij ka nisur hetimi në gjendje të lirë. Mësohet se 58-vjeçari është konfliktuar me dy vëllezër për çështje pronësie. Policia në Velipojë ka njoftuar se 58-vjeçari po hetohet për veprën penale “dëmtime të tjera me dashje”.
Njoftimi i policisë:
Specialistët për Hetimin e Krimit në Stacionin e Policisë Velipojë, bazuar në kallëzimet e bëra nga vëllezërit L.M e P.M, proceduan penalisht shtetasin T. D., 58 vjeç, për vepren penale “Demtime të tjera me dashje”.
Mbasditen e djeshme, në rrugën “Ibiza”, në fshatin Rrjollë, Velipojë, shtetasi T. D, është konfliktuar dyshohet për motive pronësie me shtetasit L. M., 65 vjeç dhe P. M., 58 vjeç, ( vëllezër). Si pasojë e konfliktit shtetasi P. M., 58 vjeç pësoi dëmtime të lehta fizike.
Vijon puna për identifikimin e dy personave të tjetër të përfshirë në këtë konflikt si dhe për dokumentimin e plotë ligjor të rastit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për vepren penale “Demtime të tjera me dashje./ZËRI
