BRITANI- Shtetasit shqiptarë kanë qenë vazhdimisht kombësia më e shpeshtë në kthimet me detyrim nga Mbretëria e Bashkuar gjatë pesë viteve të fundit. Shqiptarët renditen të parët duke lënë pas indianët, rumunët, brazilianët dhe polakët për të pestin vit radhazi.
Komunikata e Përbashkët Britanike-Shqipëri e nënshkruar në dhjetor 2022 forcoi bashkëpunimin midis Mbretërisë së Bashkuar dhe Shqipërisë dhe ka mbështetur largimin e shkelësve shtetas shqiptarë.
Statistikat tregojnë se për periudhën Tetor 2025-Tetor 2026 janë dëbuar 2,247 shqiptarë la leje qëndrimi. Bëhet fjalë për persona të cilët, shumica prej tyre, kanë qenë të dënuar për vepra të ndryshme penale, të cilët pasi kanë kryer 40% të dënimeve të marra, me avionë të posaçëm janë kthyer në Shqipëri.
Sipas Home Office, shqiptarët e kthyer në dhjetor 2025, shumica (80%) u dënuan për vepra penale që lidhen me drogën.
Përveç shqiptarëve, shtetasit rumunë, polakë, lituanezë dhe bullgarë përbëjnë 5 kombësitë më të zakonshme të shkelësve të huaj të kthyer nga Mbretëria e Bashkuar në vitin 202. Shtetasit shqiptarë, polakë, rumunë dhe lituanezë janë gjithashtu disa nga kombësitë e huaja më të zakonshme në burgjet në Angli dhe Uells sipas statistikave të fundit të popullsisë së burgjeve nga Ministria e Drejtësisë dhe Shërbimi i Burgjeve dhe Provës i Mbretërisë së Bashkuar.
Ndërkohë, një avion privat me vlerë 1 milion paund, i paraqitur në pamjet e Ministrisë së Brendshme të emigrantëve që deportoheshin në Shqipëri, përmbante më pak se 50 shqiptarë, pavarësisht se ishte i aftë të ulte më shumë se 200 persona.
Fluturimi i deportimit u shfaq në pamjet e publikuara nga Qeveria të hënën, me një ndarje të shifrave që zbulon se deportimet kushtuan rreth 22,000 paund për person. Sipas The Telegraph, kostoja prej 22,000 paundësh për person përfshin tre eskorta sigurie të kontraktuara privatisht për të shmangur ndërprerjet në ajër dhe eskortën me mbërritjen./ZËRI
