GREQI- Dorian Hysa 50-vjeç ka ndërruar jetë pasi u plagos rëndë pak ditë më parë pas një shpërthimi në rafinë e naftës 'Motor Oil' në Greqi. Cakaj është shqiptari i dytë që ka mbetur viktimë në këtë ngjarje, pasi më herët humbi jetën edhe shqiptari 43-vjeçar Robert Cakaj.
Sipas mediave greke, dy shqiptarët 43 dhe 50-vjeç, ishin anëtarë të një ekipi të jashtëm dhe po kryenin punime mirëmbajtjeje në objektet e rafinerisë kur ndodhi incidenti. Sipas informacioneve paraprake, gjatë punimeve në shkëmbyesit e nxehtësisë në njësinë U-607, një kapak metalik shpërtheu si pasojë e çlirimit të gazit nën presion, pa pasur ndezje apo zjarr.
Fillimisht, dy të plagosurit rëndë u dërguan në spitalin e Korinthit, ku mbërriti edhe një person i tretë i plagosur, me probleme shumë të lehta respiratore. Dy të plagosurit më rëndë u dërguan në Thriasio, ku njëri prej tyre vdiq. Ndërkohë që vazhdon të trajtohet i intubuar 50-vjeçari Dorian Hysa.
Ndërkohë, lidhur me këtë ngjarje, policia greke shoqëroi në komisariatin e Agioi Theodoroi kontraktorin 59-vjeçar, përgjegjës për ekipin e jashtëm që po kryente punimet. Me urdhër të prokurorit, shoqërimi i tij u kthye në arrestim./ZËRI
