TIRANË- Prej disa kohësh në rrjet dhe jo vetëm është përfolur për një ndarje mes Argjirës dhe Gracianos, gjë e cila është përforcuar mbrëmjen e djeshme, ku balerini u surprizua nga e ëma e tij. Në linjën e jetës së Gracianos, në asnjë moment nuk u përmend lidhja e tij me Argjirën, e cila ka nisur prej pothuajse gjashtë vitesh.
Emri i moderatores u përmend shkarazi, në momentin që e ëma po i jepte të fala nga personat jashtë, teksa Graciano me insistim pyeti: po dikush tjetër ka pyetur për mua?
Në një intervistë të dhënë për Fun Club, mamaja e Gracianos, në një mënyrë apo në një tjetër ka konfirmuar ndarjen e të rinjve, teksa tha se për këtë situatë ajo nuk ishte personi i duhur për të folur. Nuk përjashtohet mundësia që kjo të jetë një skemë e çiftit për të rritur interesin e publikut karshi lidhjes së tyre.
Vetë Argjira, që prej rikthimit të Gracianos në shtëpinë e Big Brother ka zgjedhur që të mos bëjë asnjë reagim, as mbrëmjen e djeshme, ku balerini pati një rrëfim tejet emocionues për jetën e tij. /ZËRI
