TIRANË- Kanë dalë pamjet e momentit të arrestimit të Liam Osmanit, pak metra larg shtëpisë së Big Brother, ku ai ishte futur për të qenë pjesë e spektaklit. Liami shihet në videon e publikuar nga Trop Story, me pranga në duar, megjithatë i qetë dhe i buzëqeshur.
Më shumë se 4 punonjës policie kanë qenë në ambientet e Top Channel për të bërë të mundur arrestimin e tij, pasi Gjykata e Tiranës i kishte dhënë një dënim me 2 vite e 6 muaj burg në mungesë, për akuzën e mashtrimit.
Vetë Liam Osmani ka deklaruar se nuk ka qenë në dijeni të këtij dënimi. I gjithë procesi ndaj tij ka një sërë pikëpyetjesh, që nga shqyrtimi i kësaj çështje nga Gjykata Penale, kur mund të ishte zgjidhur përmes përmbarimit, te vendimi nul, për shkak se në momentin e dënimit, Liam Osmani kishte hequr dorë nga shtetësia shqiptare.
Në vendimin e gjykatës, në vitin 2022 ai referohej si një shtetas shqiptar, edhe pse ka hequr dorë nga shtetësia me dekret që në vitin 2019./ZËRI
