DURRËS-Dy persona janë arrestuar në Durrës, pas zbardhjes së ngjarjes më 23 shtator, ku dy automjete u dogjën qëllimisht. Në pranga kanë rënë dy autorët 18-vjeçarë, Albjon Golemi dhe Ertin Hoxha. Ndërkohë raportohet se një i mitur është vënë në hetim, ndërsa në kërkim është shpallur 32-vjeçari, Eridjon Rubener. Të katër në bashkëpunim me njëri-tjetrin doqën 2 makina qëllimisht më 23 shtator.
Njoftimi i policisë:
Policia e Durrësit zbardh diegien e qëllimshme të dy automjeteve.
Identifikohen dhe vihen në pranga 2 autorë, shpallet në kërkim bashkëpuntori i tyre si dhe procedohet penalisht një i mitur.
Specialistët për Hetimin e Krimeve në Stacionin e Policisë Plazh, pas informacioneve të marra se në lagjen nr. 13, është djegur një automjet dhe një tjetër pjesërisht, kanë organizuar punën për zbardhjen e kësaj ngjarjeje.
Mbas një pune hetimore dhe profesionale, bazuar dhe në informacionet e siguruara në rrugë operative u bë e mundur zbardhja e ngjarjes, djegia e qëllimshme e dy automjeteve.
Në vijim të veprimeve u bë identifikimi, kapja dhe arrestimi shtetasve E. H., 18 vjeç dhe A. G., 18 vjeç, të dy banues në Durrës.
U shpall në kërkim shtetasi E. R., 32 vjeç, si dhe nisi procedimi penal në gjëndje të lirë për shtetasin A. Gj.
Këta shtetas në bashkëpunim me njëri -tjetrin, më datë 23.09.2024, kanë djegur qëllimisht dy automjete.
Vijon puna për kapjen e shtetasit të shpallur në kërkim.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./ZËRI
