DURRËS-Ka rezultuar fals alarmi për bombë në lagjen 3 në Durrës. Banorët e Durrësit u alarmuan sot reth orës 09:00 pas konstatimit të një objekti të dyshimtë në rrugë, konkretisht një aparat celular me një masë të lidhur me të, e cila ngriti dyshimet për lëndë shpërthyese.
Forca të shumta policie mbërritën në zonë, ndërsa u vendos një perimetër sigurie për të garantuar mbrojtjen e banorëve dhe kalimtarëve. Forcat xheniere kryen verifikimet dhe rezultoi se objekti i dyshimtë nuk ishte funksional. Ndërkohë, ekspertët pritet të përcaktojnë se çfarë ishte masa e ngjitur në celular.
Perimetri i sigurisë është hequr dhe situata është normalizuar.
View this post on Instagram
Njoftimi i policisë:
Rreth orës 09:00, në lagjen nr. 3, është konstatuar në rrugë, një celular i lidhur me një objekt të dyshimtë.
Menjëherë pas marrjes së njoftimit, shërbimet e Policisë kanë shkuar në vendngjarje dhe po kryejnë veprimet për rastin.
Janë njoftuar specialistët xhenierë, për heqjen e objektit dhe verifikimin e tij.
Ndërkohë, grupi hetimor, në drejtimin e Prokurorisë, po vijon punën për zbardhjen e rrethanave të rastit.
Rasti vjen pasi një ditë më parë Shqipëria u vendos në alarm, pas një paralajmërimi për bombë në institucionet e disa qyteteve të vendit./ZËRI
