SPAK sekuestron 21 pasuri të 'Visit të Pojës'

Pasuritë e sekuestruara dyshohet se janë përfituar nga aktivitetet kriminale të trafikimit të lëndëve narkotike dhe pastrimit të parave, mes Shqipërisë dhe Italisë.

F.I

28 Qershor 2025, 16:00

SPAK sekuestron 21 pasuri të 'Visit të Pojës'

Elvis Doçi

TIRANË-Struktura e Posaçme kundër Korrupsionit dhe Krimit të Organizuar ka sekuestruar 12 milion euro pasuri që i përkisnin grupit kriminal që u godit në kuadër të operacionit 'URA'. Bëhet fjalë pë 21 dyqane, troje, ndërtesa, bodrume dhe apartamente, ku 10 prej tyre janë prona të Elvis Doçit dhe familjarëve te tij, i njohur ndryshe si "Visi i Pojës", i cili ndodhet në arrati. Pasuritë e tjera janë në emër të Ervin Zeqirit dhe Juxhin Draxhit përfshirë edhe shoqërinë “Majestic Konstruksion” sh.p.k, me ortak Nazmi Shahinin, person i lidhur me Draxhin. Pasuritë e sekuestruara dyshohet se janë përfituar nga aktivitetet kriminale të trafikimit të lëndëve narkotike dhe pastrimit të parave, mes Shqipërisë dhe Italisë.