BARRANCAS- Babai i sulmuesit të Liverpool, Luis Díaz u lirua të enjten nga anëtarët e një grupi gueril që e rrëmbyen në Kolumbinë veriore, duke i dhënë fund kështu një kalvari 12-ditor për familjen. Rrëmbimi i Luis Manuel Díaz më 28 tetor nga vendlindja e tij Barrancas kishte tërhequr shpejt vëmendjen ndërkombëtare dhe apelet për lirimin e tij. Të dielën, më i riu Diaz u lut për lirinë e babait të tij pasi shënoi për Liverpool-in në një ndeshje futbolli në Premier League, duke zbuluar bluzën tek e cila shkruhej: Liri për babanë!
????????| The moment Luis Díaz's father returned back to his family and friends in Colombia after he was released earlier today. ❤️
— CentreGoals. (@centregoals) November 9, 2023
pic.twitter.com/Vg2zZzJByV
Më pas, ndodhi edhe lirimi nga anëtarët e Ushtrisë Çlirimtare Kombëtare, ose ELN - që e ka quajtën rrëmbimin një gabim.
Plaku Díaz, i veshur me një këmishë jeshile dhe një kapak bejsbolli, ua bëri dorë dashamirësve ndërsa mbërriti në vendlindjen e tij në rajonin La Guajira, i shoqëruar nga autoritetet. Ai foli emocionalisht me fqinjët e tij përmes megafonit.
“Faleminderit Zotit për këtë mundësi të dytë, falënderoj të gjithë njerëzit e Barrancas, La Guajira dhe Kolumbisë për mbështetjen e jashtëzakonshme që i kanë dhënë familjes sime”, tha ai.
Fillimisht ishte e paqartë se kush e kreu rrëmbimin. Por qeveria e Kolumbisë njoftoi javën e kaluar se kishte informacione se Díaz ishte rrëmbyer nga një njësi ELN. ELN më vonë e pranoi rrëmbimin, duke thënë se ishte bërë një gabim. Të dy prindërit e Diazit të Liverpool-it ishin rrëmbyer nga njerëz të armatosur me motoçikleta në një pikë karburanti në Barrancas. Por nëna e futbollistit, Cilenis Marulanda, u shpëtua brenda disa orësh nga policia që vendosi postblloqe rreth qytetit me 40 mijë banorë, i cili është afër kufirit të Kolumbisë me Venezuelën.
Pas rrëmbimit, forcat speciale ishin vendosur në zonë për të kërkuar babanë e Diazit në një varg malor që shtrihet në të dy vendet dhe është i mbuluar nga pyjet. Policia kishte ofruar gjithashtu një shpërblim prej 48,000 dollarësh për çdo informacionin që do të çonte tek ai.
Sulmuesi 26-vjeçar është një nga lojtarët më të talentuar të kombëtares së Kolumbisë. Ai iu bashkua Liverpool-it në një marrëveshje me vlerë 67 milionë dollarë./Zëri.ai
