TURQI- Një gjykatë turke urdhëroi dje, të hënën, arrestimin e një gruaje me akuzën e nxitjes së urrejtjes dhe fyerjes së presidentit Recep Tajip Erdogan. E gjitha sepse në Turqi u ndalua për disa javë përdorimi i rrjetit social Instagram. Në një intervistë të postuar në një kanal në YouTube javën e kaluar, kur Instagram ishte ende i bllokuar, Dilbura Y. ishte një nga kalimtarët që u pyet për ngjarjen.
E reja, sipas mediave lokale, tha: Nëse ne e lëmë sistemin parlamentar dhe ia japim të gjithë pushtetin një burri të vetëm, ai do ta përdorë atë si “stallin e babait të tij. Ndër të tjera në intervistën e saj, e reja komentoi edhe personat që mbështesin ndalimin e Instagramit dhe vrasjen e qenve endacakë (2 nisma të ndërmarra nga qeveria e Erdogan): Ju jeni idiotë. Ju po ia dorëzoni të gjitha të drejtat tuaj një personi të vetëm.
Për të gjitha ato që tha, e reja u arrestua me urdhër të një gjykate në Izmir./ZËRI
