FRANCË-Mbahet sot Forumi i Paqes në Paris, një platformë ndërkombëtare, e cila këtë vit sjell në vëmendje rëndësinë e qeverisjes efektive për garantimin e paqes së qëndrueshme, stabilitetit dhe prosperitetit, në një kontekst të karakterizuar nga ndryshimet gjeopolitike, zhvillimet teknologjike dhe sfidat klimatike.
Pjesë e Forumit do të jetë edhe kryeministri Edi Rama, i cili mbërriti në Paris mbrëmjen e së hënës (9 nëntor) ku u prit në Pallatin Elize nga presidenti Emmanuel Macron.
-
Rama në Paris me ftesë të Macron, pjesëmarrës në Forumin e Paqes
9 Nëntor, 19:21
Rama do të jetë pjesë e sesionit të posaçëm në formatin “Spotlight”, ku do të diskutojë mbi perspektivën evropiane dhe rëndësinë e procesit të anëtarësimit në Bashkimin Evropian, për brezat e rinj. Kreu i qeverisë do të marrë pjesë edhe në Seancën Plenare të Forumit të Paqes në Paris, me temë “From Sovereignty to Cooperation”, e cila do të trajtojë dimensione të ndryshme të bashkëpunimit ndërkombëtar./ZËRI
