Politikë

Rama: Si mund të hiqen njerëz nga puna se nuk u bëjnë ‘like’ postimeve të Lali-t nga burgu

Rama e lidhi largimin e saj me qëndrimin që mbajnë punonjësit ndaj postimeve të kryebashkiakut Erion Veliaj.

F.I
Rama: Si mund të hiqen njerëz nga puna se nuk u bëjnë
Edi Rama

TIRANË-Kryeministri Edi Rama ka komentuar në Asamblen largimin nga puna të kryepolices bashkiake të Tiranës. Rama e lidhi largimin e saj me qëndrimin që mbajnë punonjësit ndaj postimeve të kryebashkiakut Erion Veliaj. Kreu i qeverisë shtroi pyetjen se 'si mund të largohet nga puna një drejtuese që, sipas tij, e ka mbajtur me dinjitet uniformën e kryepolicit bashkiak, për shkak se nuk ka bërë “like” apo “share” postimeve të Veliajt nga burgu'.

Edi Rama: Prej vitesh s’u kërkon askush llogari për kë votojnë, jo më t’i largojnë nga puna pse nuk paraqiten me uniformën e partisë. Si mund të largohet një grua që e ka mbajtur me dinjitet uniformën e kryepolicit bashkiak të kryeqytetit, ashtu si të tjerë drejtues dhe punonjës, pse nuk u bëjnë ‘like’ e ‘share’ dorëshkrimeve të Lali-t nga burgu imagjinar politik, apo pse nuk gëzojnë mbështetjen e avokatit të tij? Ky i fundit i adresohet shkresërisht Bashkisë së Tiranës duke firmosur si drejtues politik, ndërkohë që është një nga dy të përjashtuarit e ditëve të fundit nga kjo shtëpi, ku s’do të tolerohet më askush që sillet me popullin si e ëma e Zeqos në majë të thanës.

MOS HUMB