FRANCË- Ish-mbrojtësi i Real Madrid dhe Manchester Junajtid, Rafael Varane njoftoi tërheqjen e tij nga futbolli, vetëm në moshën 31-vjeçare.
Mbrojtësi francez, fitues i Kupës së Botës bëri të ditur në mediat sociale vendimin e tij, duke deklaruar se ai do të rifillojë detyrat në Komo, klubi i tij aktual në Serie A, në një rol të ri që ende nuk është zbuluar.
Postimi i plotë
“Ata thonë se të gjitha gjërat e mira duhet të marrin fund. Në karrierën time kam marrë përsipër shumë sfida, rast pas rasti, pothuajse të gjitha supozohej të ishin të pamundura. Emocione të pabesueshme, momente të veçanta dhe kujtime që do të zgjasin një jetë.
Duke reflektuar mbi këto momente, është me krenari të pamasë dhe një ndjenjë përmbushjeje që po shpall tërheqjen time nga loja që të gjithë e duam. Dhe kështu, një jetë e re fillon jashtë fushës. Unë do të qëndroj me Komo. Vetëm pa përdorur këpucët e mia. Diçka për të cilën mezi pres të ndaj më shumë së shpejti”.
Në sezonet e fundit Varane ka vuajtur nga një sërë dëmtimesh, në gju, që e kanë bërë të vështirë praninë e tij në fushën e gjelbër.
Ish-mbrojtësi i Lens, Real Madrid dhe Manchester United, vetëm 31 vjeç, ka fituar 3 La Liga, 4 Champions League, 3 Superkupa UEFA dhe 4 Kupa të Botës për Klube në karrierën e tij krahas Botërorit 2018 me Francën. /ZËRI
