SHBA- Në vitin 2016, futbolli përjetoi një ndryshim të madh me hyrjen e VAR-it, duke sjellë përfitime të dukshme e njëherësh duke nxitur polemika dhe debate, të cilat janë ende të hapura. Sot, mundësia që VAR-i të përmirësohet nga Inteligjenca Artificiale (IA) mund të sjellë një revolucion të ri.
Calciomercato.it, dje, theksonte se pikëtakimi i AI me VAR-in mund të sjellë përmirësimin e përvojës së lojës në fushë për lojtarët, trajnerët dhe tifozët. IA mund të përshpejtojë procesin e marrjes së vendimeve, duke ulur kohën e humbur gjatë lojës dhe duke përmirësuar saktësinë e vendimeve të arbitrit, duke e bërë sistemin më të shpejtë dhe më të qartë.
Një nga përfitimet kryesore që IA mund të sjellë për VAR-in është eliminimi i pasigurisë që lidhet me pozitat e dyshimta të pozicionit të lojtarëve dhe shkeljet e tjera, duke i mundësuar arbitrit të marrë një vendim në kohë reale. Kjo do të reduktonte ndjeshëm "kontrollin e heshtur" që ngadalëson lojën dhe krijon frustrim te tifozët. Me ndihmën e algoritmeve të avancuara, do të ishte e mundur të merreshin vendime më të shpejta dhe më të qarta për situata komplekse në lidhje me ‘’pikën e kontaktit’’ të topit në trupat e lojtarëve./ZËRI
