TIRANË- Rrjetet sociale janë mbushur me imazhe që “të kujtojnë” ilustrimet e "Studio Ghibli". Këto imazhe janë produkt i mjetit të ri të ChatGPT që u publikua të martën. Kjo është forma më e avancuar e krijimit të imazheve të inteligjencës artificiale deri më tani që OpenAI ka publikuar, duke krijuar një trend në mediat sociale.
Stili u përhap dhe shpejt ka mbushur të gjitha rrjetet sociale, kryesisht në Instagram, pasi përdoruesit e ChatGPT filluan të krijonin imazhet e tyre, shumë të ngjashme me punën e studios së dashur të animacionit që ka krijuar edhe filmat "Spirited Away" dhe "Howl's Moving Castle".
FOTOT E PËRPUNUARA ME AI:
Studio Ghibli është një studio japoneze animacioni me qendër në Koganei, Tokio. 4 nga filmat e studios janë ndër dhjetë filmat artistikë japonezë me fitimet më të larta ; Spirited Away është i treti, duke fituar 31.68 miliardë jen në Japoni dhe mbi 380 milionë dollarë në mbarë botën.
Nën shkëlqimin e regjisorëve vizionarë të animacionit Hayao Miyazaki dhe i ndjeri Isao Takahata, dhe producentit Toshio Suzuki, filmat e studios janë të njohur për klasikët e përjetshëm si My Neighbor Totoro, Kiki's Delivery Service dhe Ponyo ; dhe kanë fituar çmime të panumërta ndërkombëtare, duke përfshirë një Academy Award për Animacionin më të Mirë./ZËRI
