TURQI- Një prej çifteve më të komentuar në mediat rozë botërore, nuk janë më bashkë, pavarësisht përpjekjeve të herëpashershme për të sheshuar mosmarrëveshjet.
“Jam e ndarë, për arsye personale dhe shëndetësore u përpoqa edhe një herë”, tha Wanda Nara kur njoftoi pak ditë më parë ndarjen nga Mauro Icardi.
Por teksa modelja është zhvendosur në Argjentinë, sulmuesi i Gallatasarajit duket se nuk e ka pritur mirë fundin e martesës.
Gazetari argjentinas Gustavo Mendez ka zbuluar se Icardi është aq i sëmurë sa ka humbur 6 kilogramë në një kohë të shkurtër dhe është zhytur në depresion.
"Nga grumbullimi në Austri del se Icardi është në depresion, nuk ka oreks dhe ka humbur masën muskulore. Ka humbur gjashtë kilogramë", tha gazetari argjentinas.
Ai shtoi më tej se sulmuesi duket i trishtuar dhe fytyra e tij është shumë e hequr. Duket se ai është prekur nga vendimi i Wanda Narës për t'i dhënë fund lidhjes dhe sigurisht që nuk i ndihmon fakti që edhe ajo zhvendosi jetën dhe aktivitetin në Buenos Aires, ndërsa ai do të qëndrojë në Turqi.
lmuesi argjentinas, i cili ende nuk është shprehur publikisht për vendimin e marrë nga bashkëshortja dhe menaxherja e tij, ndodhet në Austri me Galatasaray dhe në imazhet e postuara në rrjetet sociale duket menjëherë trishtimi i tij i dukshëm. Pamje që po shkaktojnë shumë debat në rrjetet sociale mes tifozëve turq, të cilët janë të shqetësuar për kushtet e idhullit të tyre.
