ARGJENTINË-Lionel Mesi padyshim është një ndër futbollistët më të mirë në botë. Së fundmi Messi ka hedhur dritë mbi të ardhmen e tij në futboll dhe ka shpjeguar se kur do të vendosë të tërhiqet. Gjithsesi argjentinasi nuk e ka ende një përgjigje të saktë.
Futbollisti zbuloi se mosha nuk do të ishte një faktor kur bëhet fjalë për daljen në pension. Ai shtoi se do të largohej kur të ndjejë se nuk është më në gjendje të mbajë standardet që ka vendosur jo vetëm për veten e tij, por për çdo futbollist të talentuar që depërton.
“E di që do ta ndjej atë moment. Do ta kuptoj kur nuk do të jem më i aftë të ndihmoj shokët e mi në fushë. Jam shumë autokritik, e di kur jam mirë, kur jam keq, kur luaj mirë dhe kur luaj keq. Nëse do të vijoj të bëj mirë, do të përpiqem të vijoj, pasi futbolli është ajo që dua. Kur ta ndjej se do të vij ai moment, do të largohet pa menduar për moshën time”, u shpreh Mesi.
