TIRANË- "Kulla Hupi" në Lepurakë është kthyer në qendër të një debati televiziv! Lulzim/Julian Hupi, një biznesmen nga Bulqiza që zotëron agroturizmin e njohur si "Kulla Hupi" ka akuzuar për shantazh juristen e njohur Eni Çobanin, e cila trajtoi çështjen e pronës së tij në emisionin e saj “Shihemi në Gjyq”.
Por si ka nisur gjithçka?
Ashtu siç nis çdo debat në familjet shqiptare...për një pronë! Genti Hupi ka shkuar në emision duke pretenduar se një i njohuri i tij (me të cilin ndan të njëjtin mbiemër, por pretendon se nuk ka lidhje gjaku) reklamon në internet një kullë, e që sipas tij pretendon se është monument kulture, por i rikonstruktuar. Sipas Gentit, kulla është e re dhe nuk ka lidhje me kullën historike që pretendon se e zotëron familja e tij. Ndaj edhe ka kërkuar përballjen me Julianin. Teksa Genti ankohej dhe parashtronte pretendimet e tij, Eni Çobani i shpjegon se Lulëzimi (Juliani), edhe pse nuk ka pranuar të përballet me të. Kështu, Eni Çobani del në përfundimin se të dy nuk kanë asnjë lidhje gjaku, e se Lulëzimi përdor historikun e monumentit të kulturës për biznesin e tij.
"Unë këtu nuk mund të transmetoj dhe të mbroj fjalët e askujt kur ai nuk vjen vetë në publik, por dua të them vetëm një fakt: që ai hedh poshtë çdo pretendim tuajin. Do të thotë që kulla e vërtetë për të cilën ne bëjmë fjalë është kulla e tij dhe unë i kam bërë një pyetje, që kulla Hupi për të cilën pretendohet që është monument kulture, a është vërtet e Gentit apo edhe juaja? Dhe më ka pretenduar që ‘kulla dhe ajo çfarë flitet, normalisht është një gjë e rrënuar dhe nuk ekziston, unë jam Hupi dhe emrin e kësaj ose këtij biznesi e vë unë si të dëshiroj unë dhe unë e kam quajtur kulla Hupi’. Kulla e vjetër historike, unike, ta përdorim fjalën për ta kuptuar më mirë është kulla për të cilën po shikojmë dy fotot poshtë. Ndërkohë sot, reflektohet si e rikonstruktuar në fotot sipër ndërkohë që nuk është e vërtetë. Kulla për të cilën flasim që është e rikonstruktuar, është kulla e biznesit të Lulëzim Hupit, pra nuk është kulla historike dhe unike. Përdorimi i emrit nga z. Lulëzim Hupi është një shkelje e ligjit e cila është e palejueshme si nga ligji dhe nga shoqëritë tregtare, por edhe nga ligji penal në Republikën e Shqipërisë. Mos harro dhe një fakt dhe duhet ta dinë edhe shqiptarët që është hera e parë që unë marr një mesazh nga një qytetar sikundër është Lulëzim apo Lulian Hupi që në momentin që u ftua për të qenë publikisht përballë shqiptarëve me një të vërtetë sikundër thotë Genti Hupi, por pse jo edhe me të vërtetën e Lulëzim Hupit, Eni Çobani ka marrë një kërcënim. Mos harro se ia ke çuar Eni Çobanit dhe nëse do të dëshirosh, unë sot nuk do ta bëj publike, por në një emision tjetër nëse do të vazhdosh, do të lexoj çdo rresht që ke shkruar në këtë mesazh.,"- thotë gjatë emisionit Eni Çobani.
Përgjigjen, Çobani nuk e mori në emisionin e saj, por në një postim të bërë në rrjetet sociale. Në postimin e bërë prej tij, Hupi thotë se është sulmuar nga Eni Çobani përmes emisionit të saj, pasi ai refuzoi të bëhej pjesë e tij. Në një status të gjatë në profilin e tij në Facebook ku tregon historinë e plotë, biznesmeni zbulon po ashtu se ka marrë kërcënime edhe në rrjetet sociale, të cilat do t’i bëjë publike, duke vazhduar akuzat se po "gjobitej".
"Nëse bashkëfshatari im i drejtohet gjykatës së shtetit, unë do ti përgjigjem ftestës së saj me shumë korrektesë. Unë problemet i zgjidh në gjyqin e shtetit dhe për gjyq njoh vetëm atë. Nëse ti bën SHOë televiziv, unë s’jam preje për këtë lloj produksioni, me vjen keq. Unë dhe familja ime punojmë nga ora 5 mengjesit deri në 12 të natës. Ndaj dhe bashkë do të përballemi në gjyqin e vërtetë, jo në gjyqin tënd. Të kesh në dispozicion një hapësirë televizive nuk është favor që ti ta përdorësh për të sulmuar të tjerët, pavarësisht arsyeve. Televizioni është pushtet dhe ai që e zotëron atë pushtet duhet të tregojë pergjegjshmëri në mënyrën se si e përdor. Në fund: Ju e dini atë historinë me dy fshatarët që po kthehesin në shtëpi pa asnjë kacidhe në xhep, kur gjetën shishen me Xhindin brenda. -Më nxirrni prej këtu, e do ju plotësoj çdo dëshirë që të kenti- u tha ai. I pari kërkoi një lopë. -Po ti – iu drejtua të dytit – çfarë dëshire kë? -Merrja lopët këtij që ia dhe. Bashkëshatarin tim mund ta mirëkuptoj në këtë këndvështrim, po ti çfarë ke me lopën time, që e kam blerë me para djerse e gjaku dhe tani që kam filluar ta mjel, më godet me gurë nga frëngjia jote televizive. Të dashur miq! Unë nuk kam fuqinë e një televizioni. Unë bëj një biznes familjar. Por kërkoj ndihmën tuaj ta shpërndani këtë reagim, për ti thënë të gjithë atyre që e kanë frekuentuar bujtinën tonë, Kullën Tonë, apo atyre që thjeshtë kanë dëgjuar sulmet e bëra ndaj meje, se jam një njeri që të vetmet të drejta që kam shkelur në këtë botë janë ato të familjes time, që nuk njohin as të shtunë, as të dielë..! Dhe te gjitha kercenimet qe vijne nga rrejtet sociale do ti publikojme ne vazhdim!Julian Hupi, një biznesmen nga Bulqiza që zotëron agroturizmin e njohur si Kulla Hupi, ka akuzuar për shantazh përmes emisionit të saj “Shihemi në Gjyq”. Hupi thotë se është sulmuar nga zonja Çobani përmes emisionit të saj, pasi ai refuzoi të bëhej pjesë e tij,"-shkruan ai ndër të tjera.
Letra e plotë e biznesmenit Julian Hupi:
Të dashur miq, ju që më njihni e s’më njihni, ju që e keni vizituar bujtinën në kullën tonë ose jo. Dua të ndaj me ju sot një shqetësim. U shokova kur dëgjova një sulm që kishte bërë ndaj biznesit tim familjar Eni Çobani, që bën një program në Televizionin Klan ditën e diel. Më kishte bërë një gjyq në mungesë. S’kishte lënë akuzë pa bërë, deri sa në fund më akuzonte se kam shkelur Ligjin Tregtar dhe Kodin Penal. Shumë shkurt: Një bashkëfshatar dhe kushuri i largët, më kishte paditur mua në gjyqin e Enit, se përse unë e quaj biznesin tim në promovimin publik “Kulla Hupi”. Arsyeja është sepse edhe familja e tij trashëgon një ndërtesë të vjetër, Kullën e Sulejman(Sul) Hupit, e cila është Monument Kulture, që prej vitit 1979. Në regjistrin e monumenteve të Kulturës qarku Dibër është regjistruar si: “BANESA E SUL HUPIT NË FSHATIN DUSHË”. Edhe unë kam të trashëguar nga të parët e mi një ndërtesë të vjetër, të paktën 200 vjeçare, një kullë guri. Pas shumë vitesh punë në emigracion, u ktheva në fshatin tim në Lepurak-Dushaj, Bulqizë dhe pjesën që më takon të kullës time e shndërrova në një bujtinë. Këtu fillon “lufta”. Bashkëfshatari im shkon tek gjyqi i Enit dhe Eni me fton të dilnim “ta sqarojmë këtë punë” në studio, ditën e dielë në TV Klan. E takova me mirësjellje dhe i thashë se nuk dua të bëhem pjesë e këtyre gjërave, nëse ka probleme, ka gjykata që i zgjidhin këto punë. Ajo më kërkoi sërish që unë të merrja pjesë ne gjyqin e saj, duke me thënë se “Gentiani- bashkëfshatari im- do të vazhdojë dhe ftesa për ty është sërish e hapur”. Unë e mbylla komunikim duke thënë se Gentianit i uroj punë të mbarë, ta restaurojë objektin që trashëgon, ta bëjë edhe më të mirë se timin dhe ta gëzojë. Unë thjeshtë i thashë, nëse më sulmoni biznesin, do ju padis. Dhe këtë zonja që e quan kërcënim. Sepse ju atje në televizon mund të thoni ç’të doni, ndërsa kur ne që punojmë nga 18 orë në ditë, kur tentojmë të mbrohemi, quhet kërcënim. Meqë unë refuzova gjyqin televiziv, u gjenda nën një monolog-agresiv të zonjës, duke iu drejtuar kameras në mënyrë të paprecedentë: “Shqiptarë, kjo nuk është Kulla Hupi. Julian Hupi ka shkelur ligjin, ka shkelur Ligjin Tregtar dhe Kodin Penal”. E tmerrshme! Si është e mundur që nje njeri që ka në dispozicion një hapësirë televizive ta përdorë atë si një frëngji lufte, të sulmojë, shpifë, e denigrojë me shumë pasion dikë që guxoi të refuzojë ftesën e pjesëmarrjes në SHOë e saj mediatik. Zonjë e nderuar! Unë quhem Julian Hupi, pra kam mbiemrin HUPI. Kam trashëguar një kullë, një shtëpi guri të vjetër, me çertifikatë pronësie dhe me tri kate, madje dhe një dhomëz që quhet dhoma e luftës, me frëngji ku luftonin burrat kur sulmohej kulla. Edhe katragjyshi, stërgjyshi, gjyshi, im atë dhe unë mbajmë mbiemrin HUPI. Për pasojë kjo vazhdon edhe sot të quhet Kulla Hupi. Edhe para se ta bëja bujtinë kullë i thoja, sepse ne malësorët kulla u themi shtëpive. Ju më akuzoni në televizion se kam shkelur ligjin tregtar. Emri im tregtar është “Julian HUPI P.F”. Nuk ka asnjë subjekt tjetër me këtë emër. Ju më kërkoni llogari mua pse e quaj kullën time “Kulla HUPI”. Po si ta quaj, Kulla Çobani? Apo mos ta quaj kullë fare, ta quaj supermarket? Apo PUB, diskotekë, si mendon ti zonjë? Atë kohë zonjë, çdo shtëpi guri ishte në formën e kullës, sepse ne mbroheshim edhe nga serbët edhe nga njëri-tjetri. Me serbët kemi bërë paqe ndërkohë, por me njëri-tjetrin ende. Ka nëpër fshat dhjetra kulla, Kulla e Currit, Kulla e Shahut, Kulla e Karajt… etj etj. Nuk ka çertifikatë se cila ndërtesë quhet kullë zonjë. Kulla e bashkëfshatarit e bashkëkushëririt tim është edhe monument kulture dhe ky është ndryshimi. Unë do të isha i kënaqur që edhe ajo ti shërbente turizmit të zonës tonë të varfër. Unë nuk ia kam marrë këtë status. Bile jam i lumtur që nuk e kam monument kulture, pasi të ndërhysh në një objekt-monument kulture është odise më vete. Gjithësesi, nëse bashkëfshatari im i drejtohet gjykatës së shtetit, unë do ti përgjigjem ftestës së saj me shumë korrektesë. Unë problemet i zgjidh në gjyqin e shtetit dhe për gjyq njoh vetëm atë. Nëse ti bën SHOë televiziv, unë s’jam preje për këtë lloj produksioni, me vjen keq. Unë dhe familja ime punojmë nga ora 5 mengjesit deri në 12 të natës. Ndaj dhe bashkë do të përballemi në gjyqin e vërtetë, jo në gjyqin tënd. Të kesh në dispozicion një hapësirë televizive nuk është favor që ti ta përdorësh për të sulmuar të tjerët, pavarësisht arsyeve. Televizioni është pushtet dhe ai që e zotëron atë pushtet duhet të tregojë pergjegjshmëri në mënyrën se si e përdor. Në fund: Ju e dini atë historinë me dy fshatarët që po kthehesin në shtëpi pa asnjë kacidhe në xhep, kur gjetën shishen me Xhindin brenda. -Më nxirrni prej këtu, e do ju plotësoj çdo dëshirë që të kenti- u tha ai. I pari kërkoi një lopë. -Po ti – iu drejtua të dytit – çfarë dëshire kë? -Merrja lopët këtij që ia dhe. Bashkëshatarin tim mund ta mirëkuptoj në këtë këndvështrim, po ti çfarë ke me lopën time, që e kam blerë me para djerse e gjaku dhe tani që kam filluar ta mjel, më godet me gurë nga frëngjia jote televizive. Të dashur miq!
Unë nuk kam fuqinë e një televizioni. Unë bëj një biznes familjar. Por kërkoj ndihmën tuaj ta shpërndani këtë reagim, për ti thënë të gjithë atyre që e kanë frekuentuar bujtinën tonë, Kullën Tonë, apo atyre që thjeshtë kanë dëgjuar sulmet e bëra ndaj meje, se jam një njeri që të vetmet të drejta që kam shkelur në këtë botë janë ato të familjes time, që nuk njohin as të shtunë, as të dielë..! Dhe te gjitha kercenimet qe vijne nga rrejtet sociale do ti publikojme ne vazhdim!
Apelit për të shpërndarë versionin e tij të ngjarjes i janë përgjigjur shumë personazhë publikë, kryesisht në fushën e gazetarisë, por edhe shumë të tjerë që kanë qenë vetë vizitojë dhe "bujtës" të kësaj kulle, njëri prej tyre edhe Dom Gjergj Meta.
Klodian Tomorri: Nuk e njoh ate biznesmenin qe ka Kullen Hupi dhe as kam qene ndonjehere. Por kam nje admirim nga larg per ate gje qe ka bere atje. Sepse ai model u jep jete zonave qe jane ne rrezik zhdukje dhe eshte pjesa me eficente e turizmit. Mirepo nuk te lene rehat. Te vjen gazetarja nga Tirana dhe te thote hajde tek emisioni im te bej gjyqin se ke shkelur kodin tregtar. Se keta duan te privatizojne edhe drejtesine. Ti nuk shkon se thua une njoh vetem gjyqin e shtetit. Pastaj ta perveshin me comange publikisht. Se keta e dine se te kane jeten ne dore ore. Po mire o mire ketij ja pervesh ti. Pa ik thuaji njehere Cetit ose Zamirit ashtu qe po nuk erdhe te gjyqi im do te godas publikisht. Kur ti veshin cizmet mu ne maje te kokes dhe te marrin me gjithe emision te cojne per ekskursion.
REAGIMET E TJERA:
Pas përgjigjes publike që i dha i zoti i kullës, deri më tani, ende nuk ka asnjë reagim nga Eni Çobani, e cila u akuzua zyrtarisht nga sipërmarrësi./ZËRI
