SHBA- Spotify ka fituar një çështje gjyqësore të gjatë, në të cilën akuzohej për transmetim të muzikës së Eminem pa lejen e reperit. Rasti u publikua në vitin 2019 nga menaxheri i reperit, Eight Mile Style, i cili tha se Spotify nuk kishte licensë për të publikuar krijimet e Eminem.
Ata paditën kompaninë muzikore për rreth 30 milionë dollarë, duke thënë se ylli nuk kishte marrë kurrë pagesën e plotë për këngët "Lose Yourself" dhe "Without Me", të cilat janë transmetuar në Spotify miliarda herë.
Por një gjykatës në Tenesi ka vendosur që Spotify nuk do të jetë përgjegjës për asnjë pagesë të humbur, edhe pse zbuloi se kompania nuk kishte licencë për të transmetuar këngët e Eminem.
Spotify iu përgjigj padisë në vitin 2020 duke fajësuar Kobalt Music Publishing, një kompani që administron të drejtat për qindra mijëra këngë, si dhe mbledhjen e pagesave për mbajtësit e të drejtave. Në dokumentet e gjykatës, Spotify pretendoi se Kobalt e kishte mashtruar duke besuar se kontrollonte administrimin e katalogut të "Eight Mile", kur në fakt nuk ishte kështu./ZËRI
